Monday, January 9, 2017

රෝහණ විජේවීර පිළිබඳ මනෝ විද්‍යාත්මක විශ්ලේෂණයක්



රෝහණ විජේවීර යනු ලංකා ඉතිහාසයේ මග හැරිය නොහැකි සාධකයකි. එසේම විජේවීර  විසින් ලංකාවේ දේශපාලන ප්‍රවාහය  යම් තාක් දුරක​ට පාලනය කල බව නොරහසකි. විජේවීර මිය ගියද ඔහු තවමත් ලංකාවේ දේශපාලන තත්වයට බලපෑම් ඇති කරයි. 

එක්තරා ආකාරයකට විජේවීර  දේශපාලන නායකයෙකුට වඩා බලගතු වූ කල්ට් නායකයෙකි. ඔහුගේ අනුගාමිකයෝ විජේවීර පරමාදර්ශයක් බවට පත් කිරීමට තැත් කරති. ඔහුව සුරුවමක් මෙන් අදහන සහ ඔහු වෙනුවෙන් ජීවිතය පුද කිරීමටද සූදානම් වූ කොටසක් ඔහුගේ දේශපාලන ව්‍යාපෘතිය තුල තවමත් සිටිති.  මින් සමහරක් රෝහණ විජේවීර විවේචකයන්ට කායිකව සහ වාචිකව පහර දීමට වූවද නොපසුබට වූ බුද්ධිමත් භාවයෙන් අඩු ආවේගශීලී  පිරිසකි. මෙවැනි කොටස් 71 කැරැල්ල කාලයේ බන්ධනාගාර තුලද පසුකාලීනව පක්‍ෂය තුලද සිටියෝය​.  පෝරියල් හමුදාව යනුවෙන් හඳුන්වන මෙකී මූලාංගයන් නිර්මාණය කරන්නේ විජේවීර විසිනි. මේ හමුදාවේ ශේශයන් තවමත් පවතී. 

රෝහණ විජේවීරව විවේචනය කරන්නෝ බොහෝ වෙති. සමහරක් රෝහණ විජේවීරව ඉතා නිර්දය ලෙස විවේචනය කරති. ඔවුන් තුල විජේවීර කෙරෙහි මහත් පිළිකුලක්  මෙන්ම වෛරයක් තිබේ.  ඔවුන්ට අනුව විජේවීර ප්‍රභාකරන් මෙන් ලංකාවට අති විශාල විනාශයක් සිදු කලේය​. එහෙත් මෙම බැතිමත් පාර්ශවය මෙන්ම විජේවීරව නිර්දය ලෙස විවේචනය කරන පාර්ශවයද විජේවීර පිලිබඳ තුලනාත්මක අධ්‍යනයක් කර නොමැත​. 

රෝහණ විජේවීර සංකීර්ණ චරිතයකි. විජේවීර තුල අසාමාන්‍ය දක්‍ෂතා මෙන්ම බොහෝ දුර්වලකම්ද තිබුනේය. දක්‍ෂතා අතර ඔහු තුල පැවති සංවිධානාත්මක හැකියාව පෙනී යයි. ධනය බලය රහිතව ඔහු විශාල සංවිධානයක් ගොඩ නැගුවේය​.ඔහු තුල තිබූ කැපවීම කිසිදු දේශපාලකයෙක් තුල තිබුනේ නැත. පයින් ගමෙන් ගමට ගොස් සාමාජිකයන් එකතු කරගෙන ඔහු විසින් ගොඩ නගන ලද සංවිධානය මේ වන විට ලංකාවේ තෙවන බලවේගයක් දක්වා වර්ධනයව තිබේ.  

රෝහණ විජේවීර දක්‍ෂ කථිකයෙකි. ඔහු කථන හැකියාව තුලින් පුද්ගලයන් බොහෝ දෙනෙකු දිනා ගත්තේය​. ඒ පුද්ගලයන් අතර ඔක්ස්ෆර්ඩ් අධ්‍යාපනලාභී  සුසිල් සිරිවර්ධන ,  මහාචාර්ය ජයදේව උයන්ගොඩ,  මහාචාර්ය ගාමිනී කීරවැල්ල ,මහාචාර්ය ගාමිනී සමරනායක , ආචාර්ය විජිත නානයක්කාර ,අනගාරික ධර්මසේකර , මහින්ද විජේසේකර වික්ටර් අයිවන් ,  වැනි පුද්ගලයන් සිටියෝය​. එසේම උදේනි බන්ධුල , කුමානායක ,වසන්ත දිසානායක , වැනි පුද්ගලයෝ විජේවීර දර්ශනයට වශීව තමන් අධ්‍යනය කරමින් සිටි උපාධි පාඨමාලා අත හැර පූර්ණකාලිකයන් බවට පත් වූහ​. සමහරු තම නිවෙස් , ඥාතීන් හැරපියා විජේවීර වටා එක්වූහ​. මොවුන් අතර කමනී දේශප්‍රිය ,  සම්පතී අබේසේකර , ධම්මිකා ද සිල්වා   වැනි ගැහැණු ළමයිද සිටියහ​.  මින් පෙනී යන්නේ විජේවීර තුල පැවති පුද්ගලයන් දිනා ගැනීමේ විශිෂ්ඨ හැකියාවයි. 

අර්ථික , සමාජ , කුල පීඩනයන් නිසා ඉච්චා භංගත්වයට පත්ව සිටි තරුණයන්ට තුවක්කු අතට ගැනීම දක්වා සූදානම් කිරීමට විජේවීරට හැකි විය. ඔහු වෙනුවෙන් මංකොල්ලකෑම් කිරීමට (ඉළුක් සේනාරත්න  , ලොකු අතුල , වනාතමුල්ලේ ඔස්මන් , නන්දන මාරසිංහ , කාගම උපසේන   බැංකු ලිපිකරු කොල්වින් ජයසිංහ​) , ඝාතන සිදු කිරීමට     (පැට්රික් ප්‍රනාන්දු , රාහුල , තෝලංගමුව මහා විද්‍යාලයේ සිසුවෙකු වූ ජයතිලක ,  ලයනල් රණසිංහ ) නොපසුබට වූ පිරිසක් ද නිර්මාණය කර ගැනීමේ හැකියාව  ඔහු තුල තිබුණි. මොවුන් බොහෝ දෙනෙකු යම් කාලයකදී විජේවීර වෙනුවෙන් ජීවිත පූජාවට වූවද  වූවද සූදානම්ව සිටි  අය වූහ​. පුද්ගල මෑනවීම් (manipulation)  සාධකය මත ඔහු දෙවනි වූයේ ප්‍රභාකරන්ට පමණි.
කුලවාදය සූක්‍ෂම ලෙස අවශ්‍ය ස්ථානයේදී යොදා ගැනීමට ඔහු සූක්‍ෂම විය​. ප්‍රභාකරන් උතුරේ කුල පීඩිතයන්ට තුවක්කුව අතට දී ඔවුන්ට සමාජයේ සැලකිල්ල -අවධානය  බලහත්කාරයෙන් ලබා දුන්නා සේ විජෙවීර දකුනේ කුල පීඩනයට ලක්ව සිටි තරුණයන්ට අනන්‍යතාවක් ලබා දීම මගින් ඔවුන්ව තම ව්‍යාපාරයේ භක්තිමත් සාමාජිකයින් බවට පත් කලේය​. මේ සඳහා ඔහු සාමාජිකයින්  ඇමතීමේදී සහෝදරයා යන වචනය වෙනුවට භාවිතා කලේ මහත්තයා යන වචනයයි. මේ මහත්තයා යන වචනය මගින් ඔහු දකුනේ කුල පීඩනයට ලක්ව සිටි තරුණයන් ආකර්‍ෂණය කර ගත්තේය​.

ප්‍රභාකරන්ටත් පෙර ඔහු රතු ගැටවු නමින් ළමා සොල්දාදුවන් තම ව්‍යාපාරය තුල ඇති කලේය​. මෙවැනි රතු ගැටයෙකු වූ  තෝලංගමුව ම.ම විද්‍යාලයේ 16 හැවිරිදි පාසල් සිසු කෑගල්ලේ ජයතිලක 1971 කැරැල්ල සමයේදී උදැල්ලකින් පහර දී පබිලිස් නම්  පොලිස් ඔත්තුකාරයෙකු  මරා දමන ලදි . එසේම එවැනිම රතු ගැටයෙකු වූ ජයතිස්ස කුමාර 71 දී කඩුගන්නාව පොලිසියට පහර දී නිලධාරියෙකු මරා දැමුයේය​. 

එක්තරා අයුරකින් විජේවීර යනු බුද්ධිමතෙකි. නමුත් පූර්ණ බුද්ධිමත් භාවයට ඔහු ලඟා වී සිටියේ නැත​. යම් සංකීර්ණ දේශපාලන තත්වයක් සරළව අනුගාමිකයන් ගේ මනසට ගෝචර වන අන්දමට කියා දීමේ හැකියාව ඔහුට තිබුණි . නමුත් ඇතැම් විට ඔහු තුල පැවති ක්සෙනෆෝබියාව (xenophobia)  , පැරනොයිඩ අදහස් මේ  විශ්ලේෂණයන්ට එකතු වීම නිසා එකී විශ්ලේෂණ වල වටිනාකම අවම විය​. මේ හැර තම තීරණ නිසා සිදු විය හැකි දේවල් පිලිබඳ නිසි තක්සේරුවක් තිබුනේ නැත. පොඩි අතුල හෙවත් වික්ටර් අයිවන් පවසන අන්දමට ඔහුට1970 පමණ කාලයේ පටන්  විජේවීරට පැහැදිලි දර්ශනයක් , බලය ලබාගත් පසු කරන්න යන්නේ කුමක්ද යන්න පිළිබඳව වැටහීමක් නැති බව වැටහුණි.

රෝහණ විජේවීර,  පටබැඳිගේ දොන් නන්දසිරි විජේවීර  නමින් උපත  ලබන්නේ 1943 දීය​. ඔහුගේ ළමා කාලය දරිද්‍රතාව , කුළ පීඩනය ,සමාජ කොන්වීම්‍ යන  සාධක නිසා නීරස වූයේය​. එසේම විජේවීර වයස හතරක කුඩා ළමයෙකුව සිටියදී ක්‍ෂිතිමය අත්දැකීමකට මුහුණ දුන්නේය​. එනම් 1947 මැතිවරණයේදී මැරයන් ගේ පහරදීමට ලක්වී ඔහුගේ පියා වන දොන් අන්දිරිස් විජේවීර සදාකාලික අබ්බගාතයෙකු විය​. මේ නිසා පවුලේ තත්වය තවත් අසරණ වූයේය​. මේ පහරදීම් නිසා දීර්ඝ කාලීනව ඔත්පළ වූ විජේවීරගේ පියා 1965 වසරේදී මිය ගියේය​. 

පියාට අතිශයින්ම ඇළුම් කල විජේවීර ගේ  ළමා ලෝකය කඩා වැටුනේ  මෙම ප්‍රචණ්ඩ සිද්ධිය මගිනි. මේ ක්‍ෂිතිමය සිද්ධිය විජේවීරගේ මරණය තෙක් ඔහුට බලපෑවේය​. එසේම ඔහුගේ අනාගත පෞරුෂය ගොඩ නැගෙන්නේ මේ ඛේදාන්ත  සිද්ධිය ඇසුරු කර ගෙනය​. මේ ඛේදාන්තට ලාංකික සමාජයට ඉහළ මිලක් ගෙවන්නට සිදු විය​. නිදහස් ශ්‍රී ලංකාවේ ප්‍රථම මැතිවරණයේදී තමන් ගේ පියා සදාකාලිකව ඔත්පළ ආබාධිතයෙකු කල දේශපාලන ක්‍රමයෙන් විජේවීර අවිඥාණිකව පළි ගන්නේ තරුණ පරම්පරා දෙකක් මරු තුරුලට යැවීමෙනි.  1971 , 1988-89 කැරලි නිසා පුද්ගලයෝ 80,000 ආසන්න සංඛාවක් මරු දුටුහ​.  

විජේවීර විශ්වාස කල පරිදි ඔහුගේ පියාට දේශපාලන උසි ගැන්වීම් මත  පහර දෙන ලද්දේ  දෙණියාය ප්‍රදේශයේ ද්‍රවිඩ වතු කම්කරුවන් පිරිසකි. පසුකාලීනව විජේවීර ද්‍රවිඩ වතු කම්කරුවන් ප්‍රති විප්ලවවාදී කොටසක් ලෙස නම් කරයි. එසේම ද්‍රවිඩ වතු කම්කරුවන් කෙරෙහි අගතියෙන් බැලීමට තම අනුගාමිකයන් උනන්දු කරවයි. මේ හැර තේ වතු විනාශ කොට ඒවා වල බතල සිටවීමටද කථිකා 71 කැරැල්ල කාලයේ තිබුනේය​. තවද 1971 සහ 1988-89 කාලවලදී විජේවීර අනුගාමිකයෝ තේ කර්මාන්ත ශාලා බොහෝ ගනනක් ගිනි තබා විනාශ කලහ​. 

මැරයන් ගේ පහරදීම් නිසා සදාකාලිකව ආබාධිතයෙකු වූ තම පියාට මව වූ නැසිනෝනා වික්‍රම කළුතොට  නිසි ආකාරව උවටැන් නොකර බව විජේවීරගේ අදහස වූයේය​. මේ නිසා නොයෙක් වර තම අප්‍රසාදය ඔහු තම මව වෙත දක්වන ලදි. විජේවීර තුල තම මව කෙරෙහි අවිඥාණික ගැටුම් (unresolved mental conflicts ) තිබුණු බව පෙනී යයි. වරක් අනුගාමිකයන් ඉදිරිපිට දී (71 කැරැල්ලට ස්වල්ප කාලයකට පෙර​) ඔහු තම මව තමාට සැතිරියක් බව පවසයි. මව කෙරෙහි වූ අවිඥාණික වෛරයද විජේවීර ගේ පෞරුෂය කෙරෙහි බලපෑවේය​. මෙම තත්වය විජේවීරව වඩාත් නිර්දය සහ අඩු සහකම්පනීය චරිතයක් බවට පත් කලේය​. 

උපතින්ම විජේවීර ගේ දත් බොල්ලෑ විය​. මේ නිසා කුඩා කාලයේ සිටම ඔහු තුල හීනතාමාන සංකීර්ණය ගොඩනැගුනි. 1971 කැරැල්ල නඩු විභාගයට පෙරද පසුද විජේවීර තම ඉදිරියට නෙරා ඇති දත් අතින් පස්සට තෙරපනු අනුගාමිකයන් බොහෝ දෙනෙකු දැක තිබුණි​. තමන් අවලක්‍ෂණ බවත් විරුද්ධ ලිංගිකයන් ගේ අවධානයට ලක් නොවන බවත් ඔහු විශ්වාස කලේය​. ඔහු ශරීර ස්වථාවය කෙරෙහි උනන්දු නොවීය​. නොනෑම සහ කිලිටි ඇඳුම් ඇඳීම ඔහු කලේය. ඔහුගේ අනුගාමිකයෝද මේ අනුව යමින් ශරීර ස්වථාවය අත් හැර දැමූහ​. 

1966 මැයි මාසේ දිනක අක්‌මීමන දී විජේවීර නව පක්‍ෂයක් ආරම්භ කරන ලද අතර මුතුමාල නම් එක් ආරම්භක සාමාජිකයෙකු තරුණියකට පෙම් හසුනක් ලියා ඇති බව ආරංචි වූ විජේවීර මුතුමාලව නෙරපා දැමුවේය​. ප්‍රේම සබඳතා වලට ඔහු විරෝධය දැක්වූයේ එසේය​. මුල් කාලයේදී පෙම් සබඳතා නවතා දමන ලෙස විජේවීර තම අනුගාමිකයන්ට නියෝග කලේය​. මේ අනුව විජේවීර අනුගාමිකයන් බොහෝ දෙනෙකු තම පෙම්වතියන්ට සමු දුන්හ​. මෙම ක්‍රියාව වික්ටර් අයිවන් තම 71 කැරැල්ල පොතෙන් පෙන්වා දෙන්නේ හුදු ලිංගික ඉරිසියාව මත පදනම්ව විජේවීර විසින් ගත්  තීරණයක් ලෙසටය​.දත් බොල්ලෑව නිසා ඇතිවූ හීනතාමාන සංකීර්ණයේ උග්‍රාවස්ථාව ලෙස අනුමාන කල හැක්කේ පියකරු මුහුණක් තිබූ විජය කුමාරතුංගගේ  මුහුණ විකෘති වන ලෙසට වෙඩි තැබීමට ඝාතකයා මෙහෙයවීමය​. 

පෙනී යන පරිදි රෝහණ විජේවීර තුල දත් බොල්ලෑව නිසා Body dysmorphic disorder තත්වය  තිබූ බවට  උපකල්පනය කිරීමේ සාධක තිබේ. බොහෝ අවස්ථාවලදී ඔහු තම දත් බොල්ලෑව පිළිබඳව චින්තාපර විය​. 71 කැරැල්ල ආසන්නයේදී පවා පේරාදෙනිය දන්ත පීඨයෙන්  තම ඉදිරියට නෙරා ඇති දත් ශල්‍යකර්මයක් මගින් සාමාන්‍යකරණය කර ගත යුතු බව ඔහු සෝමසිරි කුමානායකට කීවේය​. මෙම විකලතාව නිසා ඔහු තනිව සිටින විට අත් වලින් දත් පසුපසට තද කිරීම ග්‍රස්තියක් සේ වැඩුනේය​. එසේම ඔහු කණ්නාඩියකින් මුහුණ බැලීමටද අකමැති වූ බව ඔහුගේ සමකාලීනයෝ පෙන්වා දෙති. මෙම විකලතාව විජේවීරට චිරකාලික කාංසාමය තත්වයක් ඇති කරන ලදි. විජේවීර ගේ සමහර සර්වතෝභද්‍ර වාදී ප්‍රවණතාවල මූලයන් මෙම Body dysmorphic disorder තත්වය සමග බැඳී පැවතිනි. 

 තම ව්‍යාපාරය ආරම්භ කල කාලයේදී කාන්තාවන් ඉදිරියේදී ඔහු අක්‍රිය විය​. පන්ති පහ පවත්වන විට කාන්තාවන් ඉදිරියේදී විජේවීර බිම බලාගෙන දේශන කල බව ඩී.ඒ ගුණසේකර සහ  චන්ද්‍රක්කා හෙවත් චන්ද්‍රා ජයන්ති පෙරේරා පවසති. නමුත් යසෝමා සහ මලී යන යුවතියන්  සමග හාද වීමෙන්   පසු ඔහුගේ සබකෝලය ක්‍රමක් ක්‍රමයෙන් අඩු විය​.   පසුකාලීනව එනම් 1988 - 89 අතර කාලය වන විට විජේවීර කාන්තාවන් කිහිප දෙනෙකු සමග සබඳතා පැවැත්වූ බව  කෑගල්ලේ පීරිස් හෙවත් විල්ෆ්‍රඩ් රංජිත් පීරිස් පවසයි. මේ කාන්තාවන් අතර හලාවත මොරීන් නම් කාන්තාවක්ද වූ බව විල්ෆ්‍රඩ් රංජිත් පීරිස් වැඩි දුරටත් පවසයි.  මේ සාධකය පෙන්වා දෙන්නේ විජේවීර නරක චරිතයක් තිබූ පුද්ගලයෙකු බව කියන්නට නොව ඔහු තුල තිබූ ස්ත්‍රී භීතිකාවේ පසුකාලීන රැඩිකල් සීරු මාරුව පෙන්වා දීමටය​. 

ඔහුගේ විවහාය සිදු වන්නේද අසාමාන්‍ය ලෙසටය​. විජේවීරට දොස්‌තර චන්ද්‍ර සුභාෂ් ප්‍රනාන්දු ගේ නැගෙනිය වූ චිත්‍රාංගනී විවහා කර ගැනීමට අවශ්‍ය  වූවද චිත්‍රාංගනී මුලදී එයට කැමති වී නැත​. ඉන් කුපිත වූ  චන්ද්‍ර සුභාෂ් තම නැගෙනියට හා තම මව​ට වෙඩි තබා මරා දමන බවට තර්ජනය කොට තිබේ.මින් තැතිගත් චිත්‍රාංගනී විවහායට එකඟ වූවාය​. යටි බිම් ගතව සිටි කාලයේදී චිත්‍රාංගනී දරුවන් ගනනාවක් වැදුවාය​. 

සාමාන්‍ය පෙළ දක්වා අධ්‍යාපනය ලැබීමෙන් පසු විජේවීර 1960 දී  ශිෂ්‍යත්වයක් ලබා වෛද්‍ය උපාධිය හැදෑරීමට සෝවියට් දේශයට ගියේය.  මේ කාලය තුලදී රුසියානු තරුණියන් සමග සබඳතා පැවැත්වූ ලාංකික තරුණයන්ට දොස් පැවරීමට ඔහු පුරුදුව සිටියේය​. තවද ඔහු ගත කලේ එකලා (isolated) ජීවිතයකි. තෙවන වසරේදී  ඔහු ජීව රසායණ විද්‍යාව (Bio Chemistry) විශය අසමත් විය​. මේ සමය තුලදී විජේවීර තුල ක්ලමථ තත්වයන් නිසා සමායෝගී ආබාධ  (Adjustment Disorder) තත්වයක් වර්ධනය වූ බවට උපකල්පනය කිරීමේ සාධක තිබේ. 

ලංකාවට පැමිණි පසු චීන පිළ සමග සබඳතා පැවැත්වීම නිසාද කොමියුනිස්ට් පක්‍ෂයේ  කේ පී සිල්වාව විවේචනය කිරීම නිසාද කේ පී සිල්වා විසින් රුසියානු තානාපති කාර්‍යාලයට දන්වා විජේවීර ගේ විසා අත් හිටුවීම නිසා ඔහුගේ  ශිෂ්‍යත්වය අවලංගු විය​. මෙය ඉතා පහත් අන්දමේ පළි ගැනීමකි. එහෙත් මේ නිර්දය ක්‍රියාවට ලාංකික සිසු පරපුරට විශාල වශයෙන් වන්දි ගෙවීමට සිදු විය​.  තම උසස් අධ්‍යාපනය කඩාකප්පල් කිරීම පිළිබඳ පළි ගැනීම විජේවීර අවිඥානිකව කරන ලද්දේ ලංකාවේ විශ්ව විද්‍යාල වල අර්බුධ ඇති කිරීම මගිනි. මේ දක්වා විජේවීරවාදීන් විසින් නවක වදය ,වර්ජන  වැනි ක්‍රියා මගින් ලංකාවේ විශ්ව විද්‍යාල අධ්‍යාපනය කඩාකප්පල් කර තිබීම අවධානයට ලක් විය යුතුය​. 

මාගේ අදහස අනුව විජේවීර තුල  Posttraumatic embitterment disorder (PTED)  තත්වය තිබූ බවට සිතීමේ සාධක තිබේ. මෙම  Posttraumatic embitterment disorder (PTED)  තත්වය PTSD (Posttraumatic stress disorder ) නොහොත් පශ්චාත් ව්‍යසන ක්ලමථ අක්‍රමතාවය ආදර්ශයට ගෙන ජර්මානු මනෝ විද්‍යවරයෙකු වන මහාචාර්ය මයිකල් ලින්ඩෙන් විසින් ඉදිරිපත් කරන ලද්දකි. මෙම  Posttraumatic embitterment disorder (PTED) තත්වයෙන් පෙලෙන්නන් තුල අවිඥානික වෛරය , ක්‍රම විරෝධී බව , ලෝකය අයහපත් අසාධාරණ ස්ථානයක් බවත් එම ලෝකය කෙරෙහි එදිරිය​, සමාජය හා නීති පද්ධතීන්  කෙරෙහි  අප්‍රසන්න තිත්ත භාවය , අපිළිසරණ හැඟීම් , පළි ගැනීමේ ආශාව , සහකම්පනීය හැඟීම් අඩු බව , දුක්මුසු මනෝ භාවයන් , තිබෙන බව මහාචාර්ය මයිකල් ලින්ඩෙන් පෙන්වා දෙයි. 

1975 සිරගතව සිටියදී ද 1982 ජනාධිපතිවරණ පරාජයෙන් පසුවද රෝහණ විජේවීර තුල විශාදයේ ලක්‍ෂණ පහළ විය​.  පොලිස් අත් අඩංගුවේදී විජේවීර කායික මානසික වද බන්ධයන්ට ලක් විය​. විජේවීර නිතරම පොලිසිය සහ පොලිස් ස්ථානයන් බියෙන් මඟ හැරි බව ලයනල් බෝපගේ මහතා පවසයි. ඔහු තුල පශ්චාත් ව්‍යසන ක්ලමථ තත්වයන් නිසා මතුවූ   පරිවර්ජනය (Avoidance) තිබුනේද යන්න මේ අනුව  සිතා බැලිය යුතුය​.   

විජේවීර සැකය කේන්ද්‍ර කොට ගත් චරිතයක් බව ඔහු සමග ඉතා කිට්ටුවෙන් ඇසුරු කල කෙලී සේනානායක පවසයි. එසේම අධි තක්සේරුව සහ පැරනොයිඩ ස්වභාවයන් විජේවීර කෙරෙන් දිස් විය​. ඔහු ඉන්දුනීසියාවේ මෙන් බරපතල වාමාංශික මර්ධනයක් 1970 දී සිදු වන බව තදින් විශ්වාස කලේය​. එසේම 7 වන ඇමරිකානු නාවික බල ඇණිය ලංකාව ආක්‍රමණය කරනු ඇති බවට ඔහු බිය විය​. මේ සඳහා ඇමරිකාව විසින් ජේ ආර් ව  1970 මැතිවරණයේදී බලයට පත් කරනු ලබන බවට ඔහු අණාවැකි කීවේය​. බෙන්තොට හෝටලය ඇමරිකානු කඳවුරක් බවත් ඇල්ල වැල්ලවාය මාර්ගය පළල් කරනුයේ ඇමරිකානු යුද යානා බැස්සීමට බවත් ඔහු විශ්වාස කල අතර  අනුගාමිකයන් තුලද බිය පැතිරුවේය​. ඇතැම් විට පැරනොයිඩ ස්වභාවය නිසාද ඔහු තමාගේ කිට්ටු සහචරයන් පවා සැක කලේය​. ඇමරිකාවට ගොස් තිබූ සුසිල් සිරිවර්ධන සී අයි ඒ නියෝජිතයෙකු බව ඔහු සිතුවේය​. එසේම ඩී.ඩී සිල්වා සී අයි ඒ සංවිධානයට ඔහු ගැන තොරතුරු සපයන බවට චෝදනා කලේය. 

විජේවීර තුල අනාරක්‍ෂිත හැඟීම් ( feelings of insecurity ) තිබූ අතර මේ නිසා ධර්මසේකර , නිහාල් ඩයස්,  සරත් විජේසිංහ සනත් බොරළුකැටිය යනාදීන් කෙරෙහි ඉරිසියාවක් මෙන්ම ඔවුන්ව කපා දමා ක්‍රියා  කරන තත්වයක් තිබුණි. මේ නිසා පක්‍ෂයේ අභ්‍යන්තරය දුර්වල විය​. මේ හැර විජේවීර තුල ක්සෙනෆෝබියා (Xenophobia)  හෙවත් විදේශිකයන් කෙරෙහි ඇති බියද පෙනී යයි. මේ ක්සෙනෆෝබියා තත්වය තවමත් ඔහුගේ අනුගාමිකයන් අතර දක්නට තිබේ.

විජේවීරට මාක්ස්වාදය පිලිබඳ ගැඹුරු දැණුමක් නොතිබි බව මහාචාර්‍ය ජයදේව උයන්ගොඩ සහ ආචාර්ය වික්‍රම බාහු කරුණාරත්න පවසති. එසේම විචාර බුද්ධියෙන් යුතු ප්‍රශ්න අසන්නන් විජේවීර විසින් තම ව්‍යාපාරයෙන්  කපා දැමූ බව විරාජ් ප්‍රනාන්දු සහ අනගාරික ධර්මසේකර  පෙන්වා දෙති. ඔහු විචාර බුද්ධියෙන් අඩු ආවේගශීලී කොටස්  ඉලක්ක කල බව වික්ටර් අයිවන් සඳහන් කරයි.  මෙම විචාර බුද්ධියෙන් අඩු ආවේගශීලී කොටස් සඳහා ඇතැම් පොත් කියවීම ඔහු තහනම් කල අතර එක් ආකාරයකට මෙම කොටස් අතර මුග්ධ භාවයක් ඔහු නඩත්තු කලේය​. 
විජේවීර ලෙනින් කෙරහි ආශක්ත විය​. ඔහුගේ ලෝකයේ වීරයා වූයේ ලෙනින් ය​. ඔහු ඇවිදින විට පියවර තැබුවේ ලෙනින් ලෙසටය​. එහෙත් ඔහු ලෙනින් ගේ කෘතීන් විශ්ලේශනාත්මකව කියවා තිබුනේ නැත​. ලෙනින් කෙරෙහි ප්‍රසාදයක් දැක්වූවද අනුගමනය කලේ ස්ටාලින්වාදී ප්‍රතිපත්තිය​. 1971 දී   විජේවීර සන්නධ වීමට හා විප්ලවයක් කිරීමට අනුගාමිකයන්ට උපදෙස් දුන් නමුත් කැරැල්ලේ වගකීම තමාගේ නොවන බව කැරැල්ලේ පරාජයෙන් පසු කීවේය​. ඔහු 1971 නැගිටීම ලඝු කලේ ලොකු අතුල විසින් දියත් කරන ලද ප්‍රහාරයක් ලෙසටය​.   
ඔහුගේ සමහර න්‍යායන් ඉතා ලාමක විය​. උදාහරණයක් ලෙස ලංකාවේ පොලිස් ස්ථානයන් යටත් කිරීමට  ජාපාල න්‍යාය ගැන ඔහු කීවේය​. ඔහු විස්තර කර පරිදි සෑම පොලිස් ස්ථානයකම කෑම ඉවීම සඳහා කොළුවෙකු සිටියි. මේ කොළුවන් මිත්‍ර කර ගෙන පොලිස් භටයන් ගේ ආහාර වලට ජාපාල මිශ්‍ර කොට ඔවුන්ට බඩ රුජා සාදවා පොල්සි ස්ථාන වල බලය ඇල්ලිය යුතු බව වරක් ඔහු කීවේය​. එසේම බෝම්බ නිපදවීම සඳහා තිරිවාණා ගල් එකතු කරන ලෙසට සමහර අනුගාමිකයන්ට කී බව 71 හිටපු සාමාජික විජය උඳුපිටිය කියයි. තිරිවාණා ගල් එකට ගැටුණු විට ගිනි පුපුරු විසිවේ. මෙමගින් බෝම්බ පිපිරවීමට අවශ්‍ය ගින්දර නිපදවිය හැකි බවට විජේවීර මතයක් පළ කලේය​. 

ආවේගශීලීව කථාකිරීම තුළ අන්ධ භක්තියෙන් යුත් අනුගාමිකයෝ වශීකර ගැනීමත්  කුල පීඩනයට අසුවී සිටි පුද්ගලයන්ට සමාජ කණ්ඩායම තුළ වැඩි වටිනාකමක් දීම මගින් ඔවුන්ව අන්ධ  අනුගාමිකයින් බවට හැරවීමට විජේවීර සිදු කල බව වික්ටර් අයිවන් පෙන්වා දෙයි. ගරිල්ලා ව්‍යාපාරයක් පිළිබඳව දේශනා කලද ගරිල්ල භටයෙකු ගේ ජීවිතය පිළිබඳව විජේවීරට ප්‍රායෝගික අවබෝධයක් නොවූ බව ගරිල්ලා භටයෙකු ලෙස 71 කැරැල්ල සමය තුලදී කැලෑ වල දීර්ඝ කාලයක් ගත කල  බුලට් මහින්ද පවසයි. මේ හැර ආයුධ පිලිබඳව විජේවීරට 1971 කාලයේ දැණුමක් නොතිබූ බව විරාජ් ප්‍රනාන්දු පෙන්වා දෙයි. 

 තම පාක්‍ෂිකයන් තමාව ස්ටාලින් ව මෙන්  විවේචන වලින් තොරව ඇදහීමකට ලක් කිරීම විජේවීර අපේක්‍ෂා කලේය​. මෙම තත්වය සෝවියට් දේශයේ හඳුන්වන ලද්දේ "කුල්ත් ලීච්නස්ති ස්තාලිනා"  ලෙසටය​. විජේවීර තමාව කල්ට් එකක් ලෙසට පාක්‍ෂිකයන් අතර මාකට් කරන ලදි. මේ සඳහා ඔහු යොදා ගත්තේ තමාගේ උග්‍ර බැතිමතුන් ය​. 

 මුල් කාලයේදී විජේවීර ඉතා සරළ දිවි පෙවතක් ගත කලද ඉරාන ඉරාක අර්බුධයේදී ඉරාකය වෙනුවෙන් කල රහසිගත මෙහෙයුම වෙනුවෙන් විශාල මුදලක් පක්‍ෂය වෙනුවෙන් ලබා ගන්නා ලදි. මේ මුදල් වලින් එකල අළුත්ම හත ශ්‍රී වාහනයක් ඔහු මිලදී ගන්නා ලදි. මේ ක්‍රියාව ව්‍යාපාරික උපාලි විජේවර්ධන හාස්‍යට ලක් කලේ තමාත් විජේවීරත් දැන් එලවන්නේ හත ශ්‍රී කාර් කියමිනි. 
විජේවීරට තම පවුල කෙරෙහි ආදරයක් දයාවක් තිබුනේය​. ඔහු දයාබර පියෙකු විය​. එහෙත් සමහර අවස්ථා වලදී අන්‍යන් කෙරෙහි සකම්පනීය අවබෝධයකින් (empathy) තොරව ක්‍රියා කලේය​. ඇතැම් අවස්ථා වලදී විජේවීර තම අනුගාමිකයන් උපකරණ ලෙස සභානුභූතියකින් තොරව භාවිතා කලේය​. යාපනය සිර ගෙදර සිියදී දිවි නොතකා ඔහුව බේරා ගැනීමට පැමිණි බර්ටි රංජිත්ව  නොතකා හැරියා පමණක් නොව යටත් පිරිසෙන් ඔහුගේ මුහුණ දෙස වත් නොබැලුවේය​. ඔහු වෙනුවෙන් ලේ කඳුළු හෙලූ අපරිමිත කාර්‍යභාරයක් කල නන්දන මාරසිංහ මරා දැමීමට නියෝග දුන්නේය​. එසේම තමා සමග අතීතයේ සිටි කෙලී සේනානායක​, ප්‍රේමපාල හේවාබටගේ ,රොබට් ජයසේකර  වැන්නවුන් ගේ ජීවිත විනාශ කිරීමට සැලසුම් කලේය​.  ඔහු සමාව නොදෙන (unforgiving)  තරහා හිතේ තබා ගන්නා පුද්ගලයෙකු බව ඔහුගේ පැරණි අනුගාමිකයෝ පෙන්වා දෙති.  ඝාතන කෙරෙහි ආශක්ත වූ  විජේවීර විසින් දියත් කරන ලද ඝාතන දේශපාලනය පිළිබඳව නිසි හැදෑරීමක් මේ දක්ව කෙරී නැත​. 

1971 දී ප්‍රති විප්ලවවාදීන් ලෙස හඳුන්වන ලද කො.ප සාමාජිකයන් සහ අනෙකුත් කොටස් මරා දමන ලෙසට විජේවීර නියෝග කලද බොහෝ දෙනෙකු තම ප්‍රදේශ වල ඝාතන කලේ නැත​. 1971 කැරැල්ල ආසන්නයේදී ප්‍රේමපාල හේවාබටගේට විජේවීරගේ රහස් ලියවිල්ලක් අසු විය​. එම ලේඛනයට අනුව පුද්ගලයන් 120 කට ආසන්න ප්‍රමාණයක් මරා දමන ලෙසට විජේවීර නියෝග කර තිබූ අතර ශිෂ්‍ය අංශයට වලවල් කපා තිබෙන ලෙසට දන්වන ලදි. ප්‍රේමපාල විසින් මෙම ලේඛනය විනාශ කල හෙයින් විජේවිර කෝප වූයේය​. 1988-89 කාලයේදී ඝාතන සිදු කිරීම සඳහා විජේවීර විසින් යොදා ගත්තේ දේශපාලන විඥානයෙන් අඩු ආවේගශීලී නූගත් සාමාජිකයන් මෙන්ම පාතාල සාමාජිකයන් ය​. මොවුන් 71 සාමාජිකයන් මෙන් නොව ඉතා නිර්දය ලෙසින් ඝාතන නියෝග ක්‍රියාත්මක කරන ලදි. විජේවීර පුද්ගලිකව මිනිසුන් මරා නොදැමුවද බොහෝ දෙනෙකුගේ ඝාතන සඳහා නියෝග දුන්නේය​. 

1971 දී හෝ 88-89 දී විජේවීර ජයග්‍රහණය කලේ නම් පොල්පොට් පන්නයේ ඝාතන මාලාවක් වනු ඇති බව බොහෝ දෙනෙකු පෙන්වා දෙති. මොවුන් අතර හිටපු විජේවීර පාක්‍ෂිකයන් වූ කෙලී සේනානායක​, ප්‍රේමපාල හේවා බටගේ, නවරත්න බණ්ඩා යනාදීන් මෙන්ම ස්වාධීන දේශපාලන නිරීක්‍ෂකයෝ වෙති.  1989 දී ජවිපෙ හිටපු සාමාජිකයෙකු වූ ප්‍රේමලාල් රණවීරගේ 1975 කාම්බෝජයේ  බලය අල්ලාගත්  පොල්පොට් පාලනය ගැන ලියූ ලිපියක් විජේවීර අතට පත් කලේය​. එම ලිපියේ පොල්පොට් විසින් කරන ලද ජන ඝාතන ගැන සඳහන්  විය​. එහෙත් එම ලිපිය කියවූ විජේවීර පොල්පොට් විසින් කරන ලද ජන ඝාතන පිළිබඳ ප්‍රවෘත්තිය බොරුවක් බවත් මෙය සෝවියට් ඔත්තු සේවය  ගෙන  යන බොරු ප්‍රචාරයක් බවත්  කියන ලදි. ඔහු පොල්පොට්ව සාධාරණීකරනය කලේය​. 

විජේවීර  ධ්‍රැවගත චින්තනයෙන් ( Polarized Thinking) යුක්ත  විය​. ඔහු බාහිර ලෝකය දුටුවේ කළු සුදු ලෙසටය​. ඔහුගේ  ලෝකයේ  පුද්ගලයෝ   ප්‍රධාන වශයෙන් කොටස්  දෙකකි. එනම් පාක්‍ෂිකයන් සහ ද්‍රෝහියන් ය​. ද්‍රෝහියන් කායික වශයෙන් විනාශ කල යුතු බව විජේවීර ඇදැහූ අතර ඝාතනය කල පුද්ගලයන් පිලිබඳව ඔහුට කිසිම පශ්චාත්තාපයක් නොවීය​. 

විජේවීර අධ්‍යාත්මික වශයෙන් අවදි නොවූ චරිතයකි. ආගම් සම්බන්ධයෙන් විජේවීරට තිබුනේ උදාසීන පිළිවෙතකි. භෞතිකවාදියෙකු ලෙස පෙනී සිටියද විජේවීරගේ අභ්‍යන්තරය සියයට සියයක් භෞතිකවාදී නොවීය. 71 කැරැල්ල ආසන්නයේදී ඩී.ඩී සිල්වාගේ බිරිඳ අංජනමක් බලා  විප්ලවයෙන් පසු නායකයා වන්නේ විජේවීර නොවන බව කී විට ඔහු එය බැරෑරුම්ව ගත්තේය​. එහෙත් උලපනේදී අත් අඩංගුවට  පත් වූ විට  දරුවන් ගේ ආගම වෙනස් නොකරන ලෙස සිය බිරියගෙන් ඔහු ඉල්ලීමක් කලේය​.

විජේවීර තුල ප්‍රතික්‍රියා මනසක් තිබූ බව පියසිරි කුලරත්න පෙන්වා දෙයි. එය හැම්ලට් චරිතය මෙන්‍   ඉවසීම තීක්‍ෂණය අවශ්‍ය ස්ථාන වල ආවේගයෙන් ඉක්මන් තීරණ ගැනීමද ක්‍ෂණික දැඩි තීරණ අවශ්‍ය වූ ස්ථාන වලදී අක්‍රියව සිටි බවටද පියසිරි කුලරත්න පෙන්වා දෙයි. උදාහරණයක් ලෙස 71 පහරදීමේ තීරණයේදී විජේවීර ව්‍යාකූළ විය​. ඔහු ලාල් සෝමසිරි අත එක් පණිවිඩයක්ද ( පහර දෙන්නේ නම් 500 ක පිරිසක් සමග යාපනය බන්ධනාගාරයෙන් ඔහුව මුදවා ගන්නා ලෙසද ) ඔස්මන් ගේ මව වන සීලවතී අත ( පසුබසින්න​) වෙනත් පණිවිඩයක්ද එවයි. 

එසේම  තමන්ට වාසිදායක බාහිර යථාර්ථය මිස අහිතකර තථ්‍යතාවන් නොසලකා හැරිය බව පියසිරි කුලරත්න වැඩි දුරටත් පවසයි. එක් අවස්ථාවකදී විරාජ් ප්‍රනාන්දු 1971 විප්ලවය සිදු විය යුතු ආකාරය ගැන විජේවීර සමග තර්ක කලේය​. විජේවීර කීවේ දිවයින පුරා පොලිසි වලට පහර දිය යුතු බවය. පොලිසි වලට පහර දුන් විට යුද හමුදාව අවි අමෝරාගෙන එන්නේ නැත්දැයි විරාජ් ප්‍රනාන්දු විජේවීරගෙන් ඇසුවේය​. විජේවීර එවිට කීවේ ජනතාව එවිට ඉදිරියට පැමිණ හමුදා තුවක්කු වලට පපුව දෙන බවය​. මෙය විජේවීර විසින් අහිතකර තථ්‍යතාවන් නොසලකා හැරිය එක් නිදසුනකි. 1988-89 භීෂණ සමයේ යම් ලෙසකින් තමා අත් අඩංගුවට පත් වුවහොත් ජනාධිපති ප්‍රේමදාස ඔහුට සමාව දී ආණ්ඩුවේ කොටස් කාරයෙකු කර ගනු ඇතැයි ඔහු සදොස් ලෙස විශ්වාස කලේය​. තම තත්වය අධි තක්සේරු කල විජේවීර තම සතුරන් අව තක්සේරුවකට ලක් කරන ලදි. 
  
1970  දී හම්බන්තොට දී  විජේවීරව ප්‍රථම වතාවට පොලිස්‌ අත්ඩංගුවට පත් වූ විටදී ඔහුව ප්‍රශ්න කරන ලද්දේ රහස් පොලිසියේ නිලධාරියෙකු වූ සර්නි විජේසූරිය මහතාය​.  සර්නි විජේසූරිය මහතා පවසන අන්දමට විජේවීර උද්ධච්ච චරිතයකි. එහෙත් ශාරීරිකව දුර්වල නිසා ඔහු බියසුළු සහ තර්ජනය හා වධයන් හමුවේ දරා සිටීමේ හැකියාව ( endurance ) නැති පුද්ගලයෙකි. බියට පත්වූ විට විජේවීර කළබල වන බවත් පීඩාකාරී තත්වය මඟ හරවා ගැනීම සඳහා ඔහු ඇසූ ප්‍රශ්න වලට පිලිතුරු දුන් බවත් සර්නි විජේසූරිය මහතා කියයි. වරක් මැලේරියා ජීප් රථයට බියවූ විජේවීර පැන දිව් බව වික්ටර් අයිවන් ගේ 71 කැරැල්ල කෘතියේ සඳහන් වේ. දරා ගැනීම අතින් ශක්තිමත් වූ නන්දන මාරසිංහ වැන්නවුන් සමග සංසංදනය කිරීමේදී විජේවීර සිටියේ බොහෝ පසුපසිනි. 

පසු අවස්ථාවක උපාලි සෙනෙවිරත්න සහ ඇන්ටන් ජෙගනාදන් යන රහස් පොලිස් නිලධාරීන් ගේ ප්‍රශ්න කිරීම් හමුවේ විජේවීර තම ව්‍යාපාරයේ සාමාජිකයන් හෙලි කරමින් ඉතා විශාල කට උත්තරයක්   ලිඛිතව මෙන්ම වාචිකව (පටිගත කිරීමෙන්) දුන්නේය​. මේ දීර්ඝ කට උත්තරය ඇසූ කළු ලකී, පියතිලක​, ලොකු අතුල , පියසිරි කුලරත්න , ලක්‍ෂ්මන් මුණසිංහ​, චූකී ප්‍රේමරත්න  , ඉන්කම් ටැක්ස් කරු, බෝල සමරේ , ප්‍රේමපාල හේවා බටගේ ,පාලිත ශාම්දාස්, සෝමපාල ගරුසිංහ    වැනි විජේවීරගේ ප්‍රබල අනුගාමිකයන් බොහෝ දෙනෙකු ඔහු කෙරෙන් දුරු විය​. සෝමවංශ අමරසිංහද 71 කැරැල්ලෙන් පසු ඔහුව අත් හැරි නමුදු පසුව යළි එකතු විය​. මේ අනුව  පුද්ගලයන් දිනා ගැනීමේ විශිෂ්ඨ හැකියාව විජේවීර තුල තිබුනද එය දිගින් දිගටම පවත්වා ගැනීමේ අව්‍යාජ බව සීමා සහිත  වීම නිසා ඔහුගෙන් අනුගාමිකයන් බොහෝ දෙනෙකු හැලී ගිය අතර මොවුන්ව පසු කාලයකදී ද්‍රෝහියන් ලෙස ලේබල් කරන ලදි. 

කල්‍යාණ කරුනාරත්න පෙන්වා දෙන අන්දමට විජේවීර වරෙක පොඩි මොන්ටිසෝරි දරුවෙකි ඇතැම් විට හිට්ලර් කෙනෙකි. ඔහුගේ මනෝ භාවයන් දෝලනය විය. විජේවීර තුල මතවාදී ආඥාදායකත්වයක් තිබූ බව අනගාරික ධර්මසේකර සඳහන් කරයි. එසේම ඔහු තුල ජාතිවාදී ප්‍රවණතාද වූයේය​. මේ ජාතිවාදී ප්‍රවණතා නිසා ලයනල් බෝපගේ විජේවීර ගෙන් ඉවත් වී ගියේය​.  විජේවීර තුළ තිබූ ද්‍රවිඩ විරෝධයේ ස්වභාවය කුල ආධිපත්‍යය හරහා පැමිණි එකක් බවත් කුල සාධකය නිසා බහුතර සිංහල සමාජයේ කොන්වෙන විට ද්‍රවිඩ විරෝධී සටන හරහා තම වලංගුභාවය කුලවාදී සිංහල සමාජය ඉදිරියේ ප්‍රදර්ශනය කිරීමක් විජේවීර කළ බවත් වික්ටර් අයිවන් පෙන්වා දෙයි. 

විජේවීර ජාතිවාදය යොදා ගත්තේය​. ශන්මුගදාසන්ට එරෙහිව ඔහුගේ පාක්ශිකයන් කඩා ගැනීමේදී විජේවීර  ශන්ට එරෙහිව ජාතිවාදය යොදා ගත්තා පමණක් නොව ඔහුගේ නම පවා සඳහන් කලේ නාගලිංගම් ශන්මුගදාසන් ලෙස ඔහුගේ දමිළ භාවය ඉස්මතු කරමිනි.  

රෝහණ විජේවීර සංකීර්ණ චරිතයක් වූ බව නිසැකය​. ඔහු තුල යහපත් ගති ගුණ මෙන්ම විනාශකාරී ලක්‍ෂණ තිබුනේය​. අවිඥානික මානසික ගැටුම් , කායික අඩු ලුහුඞුවක් නිසා Body dysmorphic disorder තත්වය මෙන්ම Posttraumatic embitterment disorder (PTED) ලක්‍ෂණ ඔහු තුල තිබුනේය​. මේ  සියළු ලක්‍ෂණයන් රෝහණ  විජේවීර චරිතයට බල පවත්වන ලදි.  රෝහණ  විජේවීර යන චරිතය අවබෝධ කර ගත යුත්තේ මෙකී කියවීම් හරහාය​. 


වෛද්‍ය රුවන් එම් ජයතුංග 


 ආශ්‍රිත  ග්‍රන්ථ 

 වික්ටර් අයිවන් - 71 කැරැල්ල 

රුවන් එම් ජයතුංග 71 කැරැල්ල ආරම්භයේ සිට අවසානය දක්වා පුර්ණ සමාලෝචනයක්

95 comments:

  1. ඉතාමත් කාලෝචිතයි, මා අසා ඇත්තේ විජේවීරට වඩා මාක්ස්වාදය ගැන දැණුමක් ජේ ආර්ට තිබූ බවයි, වර්තමානයේ ජවීපේ මෙහෙයවන නායකයන්ට පවා මාක්ස් ලෙනින් දර්ශනය ගැන ගැඹුරු හැදෑරීමක් ඇතිද යන්න අනාවරණය වී නැහැ. මම හිතන්නේ ඔවුන්ගේ රැලි සැරසීමට ඒ ඔළුතුන යොදාගැනීම ත්‍රීවීල් වල චේගුවේරා ඇඳ තියෙනවාට වඩා වෙනස් නෑ.

    /දත් බොල්ලෑව නිසා ඇතිවූ හීනතාමාන සංකීර්ණයේ උග්‍රාවස්ථාව ලෙස අනුමාන කල හැක්කේ පියකරු මුහුණක් තිබූ විජය කුමාරතුංගගේ මුහුණ විකෘති වන ලෙසට වෙඩි තැබීමට ඝාතකයා මෙහෙයවීමය/ මූණට වෙඩි තැමීමට විජේවීර අණදුන් බව අනුමානයක්ද? මූලාශ්‍ර තිබේද?

    ReplyDelete
    Replies
    1. විජේවීර අණදුන් බව අනුමානයක්ද? මූලාශ්‍ර තිබේද? //// විජයව මරන්න විජේවීර නියෝග දී තිබුනා

      Delete
    2. විජයව මරන්න අණ දෙන්න හේතුව?

      Delete
    3. ඔහු (විජය) විජේවීර අභිභවා තරුණ නායකයෙකු ලෙස නැගී ඒම​, ඉරිසියාව ,

      Delete
    4. විජයව මරන්න විජේවීර අණ දුන්නාද යන්න සමහරුන්ට සැකයක් වන්නේ එක අතකින් විජය යනු අවංක දේශපාලකයෙකු යන්න යටි සිතින් හෝ පිළිගන්නා නිසාත් ඔහුගේ ඝාතනය සැබවින්ම අපරාධයක් බව පිළිගන්නා නිසාත් සහ විජේවීර වැනි තවත් තමුන් අදහන කෙනෙකු එවන් මිනිසෙකුව ඝාතනය කලා යැයි පිළිගන්නට ඇති අකමැත්ත නිසා බව පෙනී යයි. එහෙත් මට ඇති අත් දැකීමක් වන්නේ 1987 කාලයේදී ඉන්දු - ලංකා ගිවිසුමට සහයෝගය දුන්නා කියමින් "විජය, කොල්වින්, කේ.පී. වාසු දේශද්‍රෝහීන්. දේශද්‍රොහීන්ට දඬුවම මරණයයි" යනුවෙන් රට පුරා පෝස්ටර් අලවා තිබීමයි. ඇත්ත වශයෙන්ම විජය කුමාරතුංග විසින් වයෝවෘද්ධ දේශපාලකයන් අරක් ගෙන සිටී සමසමාජ, කොමියුනිස්ට් පක්ෂ වලට පිළිගැනීමක් ලබා දෙමින්, නව සම සමාජ පක්ෂයේ තරුණ නායකයන්ද, ජේ.වී.පී. විරෝධී වාමාංශික ශිෂ්‍ය සංවිධානයක් වූ ස්වාධීන ශිෂ්‍යය සංගමයේ තරුණ කොටස්ද, උතුරේ වාමාංශික පක්ෂවල තරුණ කොටස්ද එකතු කරමින් පිහිටුවන්නට සූදානම් වූ එක්සත් සමාජවාදී පෙරමුණ තමුන්ට අනාගතයේ එළබෙන දරුනු දේශපාලන ප්‍රහාරයක් බව කල් තියාම තේරුම් ගත් විජේවීර විසින් එහි මුදුන් මුල වූ විජය කුමාරතුංගව ඝාතනය කිරීම ජේ.ආර්. හෝ ප්‍රේමදාස ඝාතනය කලාටත් වඩා ඔහුගේ සතුටට හේතු වූ කරුණක් බව එම ඝාතනයෙන් පසුව ඔහු නිකුත් කල කැසට් පටවලට සවන්දීමෙන් මම වටහා ගත්තෙමි.

      Delete
  2. විජේවීර කල්ට් නායකයෙක් තමයි.ඔහු වෙනුවෙන් දිවි පුදන්න මිනිසුන් නිර්මානය කිරීම අපූරුයි තමයි. මෙතන මම දකින මනෝවිද්‍යාත්මක පැත්ත තමයි කිසියම් ලක්ෂයකට මිනිස් මනස ඌනනය කිරීමෙන් මිනිසා ඕනෑම අතකට නැවිය හැකි ලනුවක් වන බව. ලෝක විනාශය ගැනම කතා කරන ආගමික කල්ලිවල සාමාජිකයනුත් එහෙමයි. ජවිපෙ ක්‍රියාධරයන්ට අදටත් පුද්ගලික ජීවිතයක් නැහැ.සියලු ප්‍රශ්න වලට හේතුව යුදෙව්වන් බව හිට්ලර්කී ලෙසම විජේවීරත් පුද්ගලයන්ගෙ සියලු ප්‍රශ්නවලට හේතුව ලෙස ඔහු නිර්මානය කල සාධක ඉදිරිපත් කලා. ඉතා සරලව සිතන්න පුරුදු වුන අය ඔහු වටා පෙල ගැසීම පුදුමයක් නෙමෙයි.

    විජේවීර ධනය බලය නැතිව මෙවැනි ව්‍යාපාරයක් ගොඩනැගීම විශේෂ දෙයක් තමයි.ඔහු තම අරමුනට ගැලපෙන මිනිසුන් ඉවෙන් මෙන් හදුනා ගත්තා. මානසික බඩගින්නක සිටි අය හදුනාගෙන ඔවුන්ට ආහාර දුන්විට ඔවුන් නොකරන දෙයක් නැහැ.

    කුඩා කාලයේ මුහුන දුන් අත්දැකීම් නිසා පරම්පරා දෙකක්ම විනාශ මුඛයට යැවූ බව පැහැදිලියි. 71 මෙන්ම 89 දී තරුනයන් තමන් එක්තරා පුද්ගලයෙකුගේ මානසික වියවුලක් නිසා නිස්කාරනේ දිවි පුදන බව සිතුවානම්.

    විජේවීර තමන්ට උදවු කල අය ඝාතනය කල ආකාරයෙනුත් පොල්පොට් සම්බන්ධ කතාවත් පෙන්වා දෙන්නෙ ඔහු බලයට ආවනම් සිදුවන්නට ඉඩ තිබූ විනාශයයි.විරුද්ධවාදීන් මැරීමට ඔහු තුල තිබූ රුචියත් ඔහුගෙ මානසික අර්බුදත් නිසා 71 හෝ 89 දි කැරැලිකරුවන් බලය ඇල්ලුවනම් සිදුවීමට ඉඩ තිබූ තත්වය සිහිවන විටමේ මොහොතෙත් මා බියෙන් සැලෙනවා.


    පොලීසිවලට පහරදුන් විට හමුදාව එන්නෙ නැතිවෙයිද කියන ප්‍රශ්නය නම් මටත් තිබුනා. ඇත්තටම මේ අය මේ තරම් මෝඩද කියල මට පුදුමයි. නමුත් 1980 වන විටත් හමුදාවෙ සිටියෙ 10,000 ක් වැනි පිරිසක් බව මේ ලගදි කෙනෙක් කිව්ව. මේ සංඛ්‍යාව අතිශයෝක්තියක් වුනත් 71 වනවිට හමුදාවත් ප්‍රබල තත්වයක ඉන්න නැතිව ඇති. විරාජ් ප්‍රනාන්දු වැනි අය 71 දි ජවිපෙ හිටියෙ නැද්ද
    අන්ධ භක්තිය නිසා මේව ප්‍රශ්න කලේ නැද්ද

    එක දෙයක් කිව හැකියි. 71 හෝ 89 බලය අල්ලගත්තනම් විජේවීරට බලය අහිමිවෙන බව.අංජනම හරි. ශාරීරිකව හා මානසිකව දුර්වල ඔහුගෙන් බලය ඉක්මනින්ම ගිලිහෙනව. 71 දි සනත් වැනි අයත් 89 දි ඩී එම් ආනන්ද හා සමන් පියසිරි ප්‍රනාන්දුත් විජේවීර ඉක්මවා ගියා.

    ReplyDelete
    Replies
    1. 71 දි සනත් වැනි අයත් 89 දි ඩී එම් ආනන්ද හා සමන් පියසිරි ප්‍රනාන්දුත් විජේවීර ඉක්මවා ගියා.//// athha

      Delete
  3. මටනම් විජේවීරත්, ප්‍රභාකරන් තරම්ම මිනීමරු ත්‍රස්තවාදියෙක්.. විජේවීරව සමරන්න පුළුවන් වෙන්නයි, ප්‍රභාකරන්ව බැරි වෙන්නයි හේතුව මොකක්ද මංදා..

    ReplyDelete
  4. This comment has been removed by the author.

    ReplyDelete
  5. 88-89 කැරැල්ල පරාජයට පත් වුවහොත් ගත යුතු ක්‍රියා මාර්ග කිසිවක් විජේවීර හෝ ජවිපෙ සාකච්චා කොට නොතිබීමෙන් පෙනෙන්නේ විජේවීර ඇතුළු ජවිපෙ නායකයන් ඥානාන්විත මිනිසුන් නොවන බව නොවේද?

    ReplyDelete
    Replies
    1. ඔවුන් තුල පවත්නා තත්වය ගැන නිසි තක්සේරුවක් තිබුනේ නෑ

      Delete
  6. පට්ට ලියමනක් නේ...

    මමත් ඒ පොරගේ අදහස් වලට ටිකක් විතර (සෑහෙන්ට වගේ) ගරු කරනවා...
    ඒ වුණාට පොරට පොඩි අවුලක් තිබුණා කියලා හිතන්ට තරම් කාරණා ඇතැයි කියලා මටම හිතුණා...
    එහෙම හිතුණේ අහලා, කියවලා තිබුණ විදිහට...
    ඒත් මෙච්චර දුරට විග්‍රහ කරන්ට දැනුමක් මට තිබුණේ නෑ...

    ඒ වගේම, මේකයි සිද්ධිය...
    එයා දැන් හිටියා නම් රටේ තත්වය මීට වඩා යහපත් වෙයි කියන එකයි මගේ හැඟීම...

    ReplyDelete
    Replies
    1. එයා දැන් හිටියා නම් රටේ තත්වය මීට වඩා යහපත් වෙයි කියන එකයි මගේ හැඟීම...////// no I dont think so

      Delete
  7. මාතෘකාවේ පොඩි අවුලක් තියෙනවා...
    හල් කිරීමක් අඩුයි...

    ReplyDelete
    Replies
    1. විශලේෂණයක් should be විශ්ලේෂණයක්

      Delete
  8. //පසුකාලීනව විජේවීර ද්‍රවිඩ වතු කම්කරුවන් ප්‍රති විප්ලවවාදී කොටසක් ලෙස නම් කරයි// මට මේක පිළිගන්න අමාරුයි . හේතුව 1980 න පසුව ජවිපෙට වතු කම්කරුවන් අතර ඉතා සුළුව පවා නියෝජනයක් තිබ්බ. මට හමුවෙලත් තියනවා ද්‍රවිඩ වතු කම්කරු ක්‍රියාකාරියෙක්.
    ප්‍රේමදාස ඔහුව බේරා ගනී කියන අදහස ආවේ සෝමවංශ සිරිසේන කුරේ අතර සම්බන්ධය නිසා බවයි මම අහල තියෙන්නේ. එතන ඔහු වැරදි නැහැ. අනික ප්‍රේමදාස මහත් ඔහුට භීෂණයේ මුල හරියේ ආණ්ඩුවට එක්වන්න ආරාධනා කලා කියල මම දන්නේ. ස්ටලින්වාදියෙක් බව කියල් තමා මමත් හිතන්නේ.

    ReplyDelete
    Replies
    1. 1) අජිත් 71 කාලේ පන්ති පහේ වතු කම්කරුවන් ප්‍රති විප්ලවවාදී බලවේගයක් කියා විජේවීර ඉගැන්නූවා

      2) ඔහු ස්ටලින්වාදියෙක් වගේම පොල්පොට් වාදියෙක්

      Delete
    2. පන්ති පහ ගිය කවුරු හරි ඉන්නවද මේක තහවුරු කර ගන්න. මම දන්නා පහේ නම් එහෙම එකක් තිබ්බේ නැහැ කියල තමා මතජය.

      Delete
    3. අජිත් මගේ 71 කැරැල්ල පොත කියවන්න. ඒකේ මේ පන්ති 5 ගැන විස්තර තියනවා

      Delete
  9. ජූනියස් රිචඩ් ජයවර්ධන හා රණසිංහ පේ‍්‍රමදාස පිළිබඳ මනෝ විද්‍යාත්මක විශ්ලේෂණයකුත් ලියන්න.

    ReplyDelete
  10. //කුල වාදය අවශ්‍ය අවස්ථා වලදී යොදා ගැනීමට විජේවීර සුක්‍ෂම විය.//
    කුල පිඩනයට වඩා ඔහු තම කුලය යටිහිතේ තබාගෙන වැඩකල කුල වාදියෙක් වෙන්න බැරි නැද්ද? පසු කලෙක සමකුල යුවතියක හමුවී ඇය හා විවාහ වන්නේත් යසෝමා, මලී සහ හලාවත මොරීන් සමග ඇසුර අත් හරින්නෙත් ඔවුන් වෙනත් කුලවල නිසා වෙන්න බැරිද? මෙයට අමතරව එකල ජවිපෙ බොහෝ ඉදිරිපෙළ කොටස් විජෙවීර අයත් වූ කුලයටම අයිති පිරිස් උනා නේද? දරුවන්ගේ ආගම වෙනස් නොකරන ලෙස බිරිඳ ගෙන් ඉල්ලා සිටින්නේ සමකුල උනත් ඇය කතෝලික නිසා වෙන්න ඇති. කුලයට අමතරව බෞද්ධ කමටත් විජේවීරට යටිහිතේ ගෞරවනීය කැමැත්තක් තියෙන්න ඇති. වත්තල සිට හලාවත දක්වා මුහුදු තිරයේ විජේවීරගේ කුලයට අයිති තරුණ පරම්පරාව ජවිපෙ මරඋගුලෙන් ගැලඋනේ ඔවුන් බහුතරය කතෝලික නිසා.

    ReplyDelete
  11. /* මාගේ අදහස අනුව විජේවීර තුල Posttraumatic embitterment disorder (PTED) තත්වය තිබූ බවට සිතීමේ සාධක තිබේ. */

    මට එක්වරම කල්පනා වුනේ වීසා කැන්සල් නොවී වීජේවීර එදා ආපසු රුසියාවට ගොස් වෛද්‍ය විද්‍යා උපාධිය සම්පූර්ණ කර ලංකාව ආවා නම්,

    S-16 වැනි විභාග කරීමට සිදුවීම,
    ප්‍රමුඛතා ලයිස්තුවල අගට වැටීම,
    දුරස්ථ රෝහල්වල සේවය කරන්නට වීම,
    දේශීය උපාධිධාරීන් ගේ අපහාස, උපහාසවලට ලක්වීම,
    සහ දේශීය විශේෂඥයින් ගේ වෙනස් කර සැළකීම්, නිවාඩු අනුමත නොකිරීම් වැනි දේවලට මුහුණ දීම,

    වැනි අත්දැකීම් ලබා මොන ආකාරයේ මානසික තත්වයකට පත් වෙන්න තිබුණා ද යන්නයි!

    ReplyDelete
    Replies
    1. What you say is currently Ruwan's feelings :)

      Delete
    2. රසික මේ වගේ දේවල් ලංකාවේ ස්වාභාවික සේවා ස්ථාන වල ගැටළු නමුත් කුල පීඩනය , පියා අබ්බගාත් කිරීම වගේ දේවල්

      Delete

    3. ඔය රසික සූරියආරච්චිත් අඩු කුලේ නිසා පසු කාලයක සූරියආරච්චි කියා නම වෙනස් කර ගත් කෙනෙක් කියා පසුගිය කාලයේ කතාවක් තිබුනා. මිනිහත් ඉන්නේ මාර පීඩනයක

      Delete
    4. රුවන්,
      නමුත් ඒ අත්දැකීම් හැමෝටම ලැබෙන ඒවා නොවෙයි නේ!
      කොටින් ම විජේවීරට පවා ලැබුණේ නෑ. මගේ ප්‍රශ්නය හයිපොතටිකල් එකක් නේ.

      Delete
    5. පව් ඇනෝ-
      මට ඔබ ගැන ඇත්තටම දුකක් ඇතිවුණා!

      Delete

    6. @ AnonymousJanuary 10, 2017 at 11:29 AM මහත්මයා ඔබ මෙත්තා භාවනාව වඩන්න

      Delete
  12. I read many of your writing and I'm OK with them. I'm not JVP but voted few times. But this piece of work does not shows your previous rational writing style. Many facts here are under assumption. You can not do any harms to Wijeweera but to the followers. There are lots of them follows Wijeweera shown. When writing on controversial issues it should reflect proper logic. Assumptions useless.

    ReplyDelete
    Replies
    1. එක්තරා ආකාරයකට විජේවීර දේශපාලන නායකයෙකුට වඩා බලගතු වූ කල්ට් නායකයෙකි. ඔහුගේ අනුගාමිකයෝ විජේවීර පරමාදර්ශයක් බවට පත් කිරීමට තැත් කරති. ඔහුව සුරුවමක් මෙන් අදහන සහ ඔහු වෙනුවෙන් ජීවිතය පුද කිරීමටද සූදානම් වූ කොටසක් ඔහුගේ දේශපාලන ව්‍යාපෘතිය තුල තවමත් සිටිති. මින් සමහරක් රෝහණ විජේවීර විවේචකයන්ට කායිකව සහ වාචිකව පහර දීමට වූවද නොපසුබට වූ බුද්ධිමත් භාවයෙන් අඩු ආවේගශීලී පිරිසකි.

      Delete
    2. මටත් ඔය රේෂනල් ප්‍රශ්නේ ආව. මේක ඔබ අපහසුතාවයට පත් කරන්න නෙමේ ලියන්නේ. සංවාදය සඳහා.
      //මෙම Posttraumatic embitterment disorder (PTED) තත්වයෙන් පෙලෙන්නන් තුල අවිඥානික වෛරය , ක්‍රම විරෝධී බව , ලෝකය අයහපත් අසාධාරණ ස්ථානයක් බවත් එම ලෝකය කෙරෙහි එදිරිය​, සමාජය හා නීති පද්ධතීන් කෙරෙහි අප්‍රසන්න තිත්ත භාවය , අපිළිසරණ හැඟීම් , පළි ගැනීමේ ආශාව , සහකම්පනීය හැඟීම් අඩු බව , දුක්මුසු මනෝ භාවයන් , තිබෙන බව මහාචාර්ය මයිකල් ලින්ඩෙන් පෙන්වා දෙයි. // මේ කොටස ඇත්තටම හරිම ජෙනරල්. ඒ කියන්නේ සාමාන්‍ය කටහ්වක්. උදාහරණයක් වශයෙන් ක්‍රම විරෝධී බව , ලෝකය අයහපත් අසාධාරණ ස්ථානයක් බවත් එම ලෝකය කෙරෙහි එදිරිය​, සමාජය හා නීති පද්ධතීන් කෙරෙහි අප්‍රසන්න තිත්ත භාවය , අපිළිසරණ හැඟීම් , , සහකම්පනීය හැඟීම් අඩු බව , දුක්මුසු මනෝ භාවයන් වැනි දේ රටක් වශයෙන් මිනිසුන් බොහෝ දෙනෙකුට තිබෙන්නේ පුළුවන්. මරා ට විරුද්ධව චන්දෙ දුන් අයත් මේ වගේ දෙකින් පෙලෙනවා කියන්න පුළුවන්. සමාජවාදය හෙවත් ක්‍රමය වෙනස් කිරීම ගැන කතා කරන හැමෝම ඔතනට දාන්න පුළුවන්. එතකොට හුගක් අයට ඔය තත්වය තියනවා වෙනවා. ඒක නිකන් මේ රජයකට විරුද්ධව කතා කරන ඕන කෙනෙකුට යොදන්න පුළුවන්. ලින්ඩන් ගේ පර්යේෂණ පත්‍රිකාව මෙතනින් බාගන්න පුළුවන් ඕන කෙනෙකුට.
      https://www.zpid.de/pub/tests/PT_9006580_PTED_Diagnostisches_Interview_Autorenbeschreibung_englisch.pdf
      මම සම්පුර්ණයෙන් කියව්වා . මේකේ එහම සමන්යකරණයක් නැහැ. නමුත් මේ තත්වය negative life event (සෘණාත්මක ජිවිත අත්දැකීමක් ) නිසා ඇති වෙනෙන් පුළුවන් කියල ටිහ්යනවා. විජේවීර මහතා ට එහෙම එකක් තිබුන නිසා (තාත්තා) ඔහුට මේ ඩයග්නොසිස් එක හරියන බව මම පිලි ගන්නවා. එසේම 1971, 1983, 1988 -89 සිද්දීන් නිසා ලංකාවේ බොහොමයකට ඕක ඇති.

      Delete
    3. අජිත් ඔබ හරි ඇත්තෙන්ම මහාචාර්‍ය ලින්ඩන් මේ The Post-Traumatic Embitterment Disorder (PTED) තත්වය දැක්කේ ජර්මනිය එක්සත් වූවාම පසු සමහර නැගෙනහිර ජර්මානුවන් අතර . නමුත් පසුව ඔහු බොහෝ ස්පෙසිෆික් වූවා. 2015 පමණ මහාචාර්‍ය ලින්ඩන් මට කතා කලා. එහිදී මම කියා හිටියා ඉමිග්‍රන්ට්ස්ලා අතර පමණක් නොව ළමා කාලයේ අර්බුධයන්ට ලක් වූ කොටත් තුල පවා පසුකාලීනව මේ තත්වය එන්න පුලුවන් බව​. මේ සඳහා මම ඔහුට දුන්නේ දෙර්ශීන්ස්කි ගැන මම කල විශ්ලේශණය . ඒ සමග විජේවීර ගැනත් මම ඔහුට කිව්වා. 2016 දී ඔහු මාව PTED කමිටු සාමාජිකයෙකු කලා. දැන් අප DSM / ICD සඳහා රෙකග්නිෂන් එක ගන්න වැඩ කරනවා

      Delete
  13. ඇත්තටම විජේවීර දේශප්‍රේමියෙකු ද?

    ඒ කියන්නේ ඔහු ඇත්තටම ලංකාවට ආදරය කළ අයෙකු ද, ඇත්තටම ලාංකික ජනතාවට ආදරය කළ අයෙකු ද?

    ReplyDelete
    Replies
    1. ප්‍රභාකරන් දේශප්‍රේමියෙක් කියලා විශ්වාස කරන අයත් ඉන්නවා

      Delete
  14. මොනව උනත් වටින ලිපියක්.....

    70 කැරැල්ල කාලේ මම ඉපදිලත් නෑ.... 89 මම පොඩියි..... ඒ උනත් මට ටිකක් මතක තියෙනවා.....

    දොස්‌තර චන්ද්‍ර සුභාෂ් ප්‍රනාන්දු කිව්වහම මාර දේවල් මතකයට ආවා..... ඔය මනුස්සයා කොහොමත් නහර කාරයෙක් කියලා මට හිතෙන්නේ.... මම එහෙම කියන්නේ මට හාදයව කීපවතාවක් හම්බවෙලා තියෙන හින්දා.....

    //පියකරු මුහුණක් තිබූ විජය කුමාරතුංගගේ මුහුණ විකෘති වන ලෙසට වෙඩි තැබීමට ඝාතකයා මෙහෙයවීමය// මට තාම හිතාගන්ඩ බැරි ඔච්චර ලස්සන මූන දිහා බලාගෙන කොහොමද ඔය ඝාතකයා වෙඩි තිබ්බේ කියලා.....

    ReplyDelete
  15. විජේවීර තමන් කල වැරදිවලට ජීවිතයෙන්ම වන්දි ගෙව්වා. වත්මන් ජවිපෙ නායකත්වයට විජේවීර කියන පුද්ගලයා එතරම් වැදගත් නොවුනත් ඔහු හදපු පක්ෂය අද ලංකාවේ තුන්වන බලවේගය. ඒ බලවේගය වත්මන් ජවිපෙ නායකයන්ට වටිනවා.(බණ්ඩාරනායක එජාපයෙන් එලියට බහින කොට ඔහුට පක්ෂයක් තිබුනේ නැහැ. හේන්පිටගෙදර ඥානසිහ හාමුදුරුවෝ, එච්.එල් මෙත්තානන්ද වගේ අය එකතුවෙලා හදපු සංවිධානයේ එල්ලිලා ගිහින් අන්තිමට අගමැති කමත් ගත්තේ) ජවිපෙ කිසිමදාක බලයට නොඑන එකත් දැනට වඩා මන්ත්‍රීවරු පිරිසක් පාර්ලිමේන්තුවට පත්වෙන එකත් රටටත් ජනතාවටත් වාසි දායක වේවි.

    ReplyDelete
  16. වැදගත් කරුණු සහිත ලිපියක්.

    මගේ අදහස නම් උතුරේ ඇතිවුණ ත්‍රස්තවාදයටත් විජේවීර තරමක් හෝ වගකිව යුතුයි කියලයි. 1971 ඇතිවූ කැරැල්ල ප්‍රභාකරන් සහ EPRLF, EROS, EPDP, TURLF සංවිධාන වල එවකට සිටි අයට ආයුධ ගත් කැරැල්ලක් කිරීමට අදහස පහල වූයේ 1971 ජවිපෙ කැරැල්ලෙන් බව මම කියවා තිබෙනවා.

    ReplyDelete
  17. විජේවීර පිලිබඳව චිත්‍රපටියක් හදනවා. ලබන අවුරුද්දේ විතර එලියට එනවා කියලා කියනවා. කමල් අද්දරාඅරච්චි තමයිලු ඒ චරිතය රඟපාන්නේ.

    ReplyDelete
  18. අගනා ලිපියක් ...

    ReplyDelete
  19. This comment has been removed by a blog administrator.

    ReplyDelete
    Replies
    1. මහත්මයා ඔය කතාව මෙතෙනට අදාල නෑ නේද ?

      Delete
    2. @ඇනෝ-
      අයියෝ සල්ලි සහ පල් හෑලි කොපි පේස්ට් කරන්න ගිය කාලය!

      Delete
  20. ඩොක්ට. 88/89 කියන්නෙ මට අවුරුදු 8/9. භිෂණය නං සියැසින්ම දැක්ක. අත් වින්ද.

    අදටත් ලෙනින් හෝ මාර්ක්ස් හෝ සමාජවාදය කියන්නෙ මොකක්ද කියල දන්නෙත් නැහැ පොතක් පතකින් කියවලත් නැහැ උත්සාහ කරන්නෙත් නැහැ.

    ඒත් ජනතා විමුක්ති පෙරමුණ සහ විජේවීර කියන්නේ දියුණු වෙන ලෝකයට අණුව යාවත්කාලින වීමට අකමැති, සමාජයේ දනවතුන් සිටීමට අකමැති අවුරුදු 30කට 40කට කලින් තමන් සිටි මතයේම අදටත් සිටිමින් සමාජය ආර්ථිකය වෙනස් කිරීමට උත්සාහ කරන පිරිසක් මිනිහෙක් බවයි මගේ හැඟීම.

    ඔවුන්ගේ අදහස් තර්ක පාර්ලිමේන්තුවේ දී සහ සමාජයේදී කොච්චර රසවත් ගාම්බිර වුනත් ඔවුන් උස්සාගෙන යන විජේවීර නමැති මළමිනිය සහ ඔහුගේ ගතානුගතික පුස් අදහස් වල නොදාන තුරු ඔවුන්ට සහ පක්ෂයට කිසිදු අනාගතයකුත් නැහැ.

    ඔබගේ ලිපිය බොහොම අනර්ගයි. සාර්ථක ගවේෂණාත්මක ලිපියක්. දන්නෙ නැති ගොඩක් දේවල් දැනගත්ත. බොහොම ස්තුතියි.

    👊🏽

    ReplyDelete
    Replies
    1. ඔවුන්ගේ අදහස් තර්ක පාර්ලිමේන්තුවේ දී සහ සමාජයේදී කොච්චර රසවත් ගාම්බිර වුනත් ඔවුන් උස්සාගෙන යන විජේවීර නමැති මළමිනිය සහ ඔහුගේ ගතානුගතික පුස් අදහස් වල නොදාන තුරු ඔවුන්ට සහ පක්ෂයට කිසිදු අනාගතයකුත් නැහැ.///////// +++++++++

      Delete
  21. ලංකාවේ එකම මනෝවිද්‍යා උපාධිය සහතිකය හිමි /කැනඩාවත් කොර කළ මහා බුද්ධිමතා වන,තමන්ම තමන්ව දොස්තර වශයෙන් පුල පුලා හදුන්වාදෙන, Ruwan M Jayatunge ගේ විජේවීර පිළිබද ලියා ඇති මඩ පත පිලිබදවයි ......''රෝහණ විජේවීර පිළිබඳ මනෝ විද්‍යාත්මක විශ්ලේෂණයක් '' කියලා නම් කරපු ලිපිය පුරා ,තුට්ටු දෙකේ සමාජ විවේචනයකට එහාට ගිය එකක් නොවේ . අනුර සහෝදරයා ඇතුළු ජේවීපී එක ගැන කුඩුකේඩු කම් තියන ,හිත ඇතුලේ කැකෑරෙන කුහකකම් තියන අයට මහත් කාලකන්නි සතුටක් මේ ඊනියා ''මනොවිශ්ලේෂණයෙන් '' ලැබී තියෙන බවත් පේනවා,ඉහත ඇති කමෙන්ට් දිහා බලනකොට . Ruwan M Jayatunge උන්නැහේට නැවත , කියන්න තියෙන්නේ ,ඔබ මනෝවිද්‍යා උපාධි සහතිකයක අයිති කරුවෙක් වුන පලියට ,ඔබේ මනෝ ව්‍යාධි ඔබට හසු නොවන්නට පුළුවන් බවයි .වික්ටර් අයිවන් ජේවීපී එක 85/86 තහනම් අවධියේ ,JR ගේ සම්පුරණ අනුග්‍රහයෙන් ''71 කැරැල්ල '' නමින් මඩ පොතක් ,විශේෂයෙන් සියලුම පාසල් පුස්තකාල වල බෙදා හැරුණා .එම මඩ පොතින් වැඩියෙනුත් ,ජේවීපී හැරගිය බිය්සුලුල්ලන් ගේ හිතළු ත් ඇතුලත් මේ මඩ කන්දරාව අපිට නම් අලුත් දෙයක් නොවේ . එකම වෙනස මම දොස්තර පොරක් යැයි තමන්ම හදුන්වාගන්නා ,(ඔය ලෙඩේ හදුන්වන disorder එක ,ඔයා හංගනවා) ,අයෙක් මෙය ලිවිම පමණෙකි. කවුරු හරි මෙය මනොවිශ්ලේෂණාත්මක පැහදිලි කිරීමක් ලෙස හදුන්වන්නේ නම් ,ඒ පිළිබද මුහුණට මුහුණ කතා කරන්න එන්න යැයි අපි අභියෝග කරනවා.අදාළ විෂය, මනෝවිද්‍යාව ගැන දත් (ඇකඩමික් ) අය අපේ පැත්තෙන් එනවා .පුළුවන් නම් පඳුරු අස්සේ ඉදන් ,මඩ ගහලා හැඟෙන්නේ නැතුව ,කෙලින් ප්‍රසිද්ධ සංවාදෙකට එන්න.අවශ්‍ය පහසුකම් අපි සපයනවා . ඔබේ විශේෂ කොන්දේසි වුනත් සලකා බලන්න පුළුවන් .(වෙන බයිලා ගහලා සංවාදෙන් පැන නොයාම සදහායි ) උදහරණයකට ඔබ කැමති තැනක සංවාදය කල හැකියි.

    ReplyDelete
    Replies
    1. වජිර,

      රෙදි ගලවන්න එපා බන් දොස්තර හාමුදුරුවන්ගේ. මෙයා ඉතින් මෙයාගෙ බ්ලොග් එකේම පොර ටෝක්ස් දීගෙන නැති ගෞරවයක් මවාගන්න හදනවා. ලංකාවෙ දොස්තරලට ඉංග්‍රීසි බැහැ කියලත් පල් හෑල්ලක් දාල තිබ්බෙ. ඒ මදිවට ඉංග්‍රීසි වචන හරඹ වලින් විෂයය නොදන්නා සාමාන්‍ය පාඨකයන් අන්දලා සිඟිති ආතල් ගන්නවා. මෙයා කියන විදිහට හැම මිනිහෙක්ගෙ හැම ක්‍රියාවක්ම මානසික රෝගී තත්ත්ව නිසා වුණේ. කොටින්ම මහින්ද රනිල් සිරිසේන පවා උග්‍ර මානසික රෝගීන් කියල කියතහැකි මේ රට ගොන් තර්ක අනුව. අපිනම් මෙයාට ඕනෙ මගුලක් කියාගන්න කියල සයිල්න්ස් එකේ ඉන්නෙ දැන්, මොකෝ කිව්වට වැඩක් තියේයැ? එකම බයිලෙ ගහනව කොච්චර කියල දුන්නත්. දුක තියෙන්නෙ සමහර විෂයය නොතේරෙන නූගත් පාඨකයෝ හිතන්නෙ මෙයා ලංකාවෙ දොස්තරලගෙ රෙදි ගලවනව කියල. හෙහ් හෙහ්. දන්නෝ දනිති.

      Delete
    2. නමුත් ඔහුට (Ruwan M Jayatunge ට) ලෝකයේ හොඳම විශ්ව විද්‍යාලයක් වන යෝක් විශ්ව විද්‍යාලයෙන් (York University) මනෝ විද්‍යාවට උපාධියක් තිබෙනවා එසේම ඔහු PhD එක කරනවා මනෝ විද්‍යාව ගැන . ඔහු කැනේඩියානු යුද හමුදාවේ PTSD පිලිබඳ උපදේශයෙක් නිසා ඉදිරි කාලයේ ඔහුට කැනේඩියානු පුරවැසිකම දීමට යනවා.

      P De Silva

      Delete
    3. 1) වජිර මට ලංකාවේ මිනිසුන් පුරා වසර 16 ඩොක්ට'' කියා කතා කොට තිබේ. අනෙත් එක මගේ වෛද්‍ය උපාධිය MD හෙවත් Doctor of Medicine වේ. ඒ නිසා අඟහරු ලෝකයේ සිටියද MD වෛද්‍ය උපාධිය තිබෙන පුද්ගලයන් හඳුන්වන්නේ ඩොක්ට කියාය​. එය හරියට PhD තිබෙන පුද්ගලයාට මෙනි.ඒ නිසා මට ඩොක්ට'' කිවද කොන්දොස්තර කීවද එය මගේ ඇගේ වදින්නේ නැත​. ඔබ JVP විශ්ව විද්‍යාලයට මිස වෙනත් අධ්‍යාපන ආයතනයකට නොගිය නිසා මේ MD PhD උපාධි ගැන නොදන්නවා විය හැකිය. ඔබගේ බුද්ධි මට්ටමට අනුව ලෙඩුන්ට බෙහෙත් දෙන මිනිසුන් පමණක් ඩොක්ට'' වෙයි. නැත පරියේෂණ කරන පරියේෂකයෝද ඩොක්ට වෙති PhD තිබෙන අයද ඩොක්ට වෙති. ඔබ වගේ පන්ති පහක් කිරීමෙන් පසුව තමන් සර්වඥ ඥාණය ලැබුවා කියා සිතූ මැට්ටන් අප 88 - 89 දී ද දැක්කා


      2) @ AnonymousJanuary 10, 2017 at 1:55 PM ( P De Silva ) ඔබට වැරදීමක් සිදුවී තිබේ

      Delete
    4. ඔබලා තුල ඉරිසියාව වෛයිරය , ඝාතන මානසිකත්වය තිබෙන නිසා ඔබලා වැනි පුද්ගලයන් සමග බුද්ධිමත් සීලාචාර සංවාදයක් කල හැකි වෙයි ද​? බුද්ධිමත් සීලාචාර සංවාදයක් කල හැකි බවට සහතික වන්නේ නම් සංවාදයක් කරමු මේ ලිපියේ අඩංගු කරුණ ගැන පමණක්

      Delete

  22. මම රුවන්ගේ , වෙනත් පොස්ට් එකකට දාපු කමෙන්ට් එකෙන් , තමන්ම දොස්තර යැයි කියාගන්නා,බුද්ධිමතෙක් වශයෙන් පෙනී සිටින රුවන් ජයතුංගගේ ego එක ඇවිස්සී ගහපු මඩ පහර තමයි මේ .අනිත් එක එයාට ලොකු ප්‍රශ්නයක් වෙලා අපි එයාට ''ඩොක්ට'' කියලා කතා නොකරන එක පිලිබදව .ඒකට හේතුව මට වඩා ඔබ හොදින් දන්නවා ඇති නේ රුවන්

    ReplyDelete
    Replies
    1. 1) වජිර මට ලංකාවේ මිනිසුන් පුරා වසර 16 ඩොක්ට'' කියා කතා කොට තිබේ. අනෙත් එක මගේ වෛද්‍ය උපාධිය MD හෙවත් Doctor of Medicine වේ. ඒ නිසා අඟහරු ලෝකයේ සිටියද MD වෛද්‍ය උපාධිය තිබෙන පුද්ගලයන් හඳුන්වන්නේ ඩොක්ට කියාය​. එය හරියට PhD තිබෙන පුද්ගලයාට මෙනි.ඒ නිසා මට ඩොක්ට'' කිවද කොන්දොස්තර කීවද එය මගේ ඇගේ වදින්නේ නැත​. ඔබ JVP විශ්ව විද්‍යාලයට මිස වෙනත් අධ්‍යාපන ආයතනයකට නොගිය නිසා මේ MD PhD උපාධි ගැන නොදන්නවා විය හැකිය. ඔබගේ බුද්ධි මට්ටමට අනුව ලෙඩුන්ට බෙහෙත් දෙන මිනිසුන් පමණක් ඩොක්ට'' වෙයි. නැත පරියේෂණ කරන පරියේෂකයෝද ඩොක්ට වෙති PhD තිබෙන අයද ඩොක්ට වෙති. ඔබ වගේ පන්ති පහක් කිරීමෙන් පසුව තමන් සර්වඥ ඥාණය ලැබුවා කියා සිතූ මැට්ටන් අප 88 - 89 දී ද දැක්කා

      Delete
  23. "These are psychological assumptions " දෙකොනින් සිනහා මේ කමෙන්ට් කරපු අය මේකත් කියවන්න .එයාම කියනවා මේ කතාව එයාගේ මානසික උපකල්පනයක් කියලා .ඔන්න දොස්තර යැයි තමන්ව හදුන්වා ගන්නා පොරවල්

    Asanga Bandara Ruwan M Jayatunge : I was sort of expecting this. :) You didn't disappoint. This indeed is an interesting read. The question I have may be due to my unfamiliarity on the psychology, but some your conclusions seems to be lacking in the evidence side. Is there any rigorous methodology to further strengthen these premises. Currently political leadership can learn a lot from this historical naretive and the psychological driving forces behind it.
    Unlike · Reply · 2 · 19 hrs
    Ruwan M Jayatunge
    Ruwan M Jayatunge These are psychological assumptions , it may not be 100 % accurate , but RW had some psychologcal condition and it may be due to BDD and PTED
    Like · Reply · 1 · 19 hrs · Edited
    Asanga Bandara
    Asanga Bandara That's what I read from this as well. These are a set of assumptions than conclusions. Is there any accepted strategy investigate further about these assumptions and find out which are more relevant in this particular circumstances ?
    Unlike · Reply · 1 · 18 hrs · Edited
    Ruwan M Jayatunge
    Ruwan M Jayatunge Asanga Bandara only by a clinical interview
    Like · Reply · 1 · 19 hrs
    Asanga Bandara
    Asanga Bandara Ah! That's too bad. I have seen similar studies conducted on other famous individuals post mortem. Maybe they used recorded interviews and biography data.

    ReplyDelete
    Replies
    1. වජිර ඔබට මනෝ විද්‍යාව පිලිබඳ තිබෙන ඌණ දැණුම ගැන පුදුම නොවෙමි. මේ එකක්වත් ඇබ්සලූට් සත්‍ය නොවේ, ඇසම්ප්‍ෂන්ස් පමණි. ෆ්‍රොයිඩ් ඩා වින්චි ගැන කොලොම් බස් ගැන විශ්ලේෂණ කෙරුවා . ඒවත් ඇසම්ප්‍ෂන්ස් මිස ඇබ්සලූට් සත්‍ය නොවේ,

      Delete
  24. only by a clinical interview සායනික සාකච්චා කලේ කා සමගද ? පුළුවන් නම් හෙළිකරන්න .

    ReplyDelete
    Replies
    1. මගේ 71 කැරැල්ල පොත කියවන්න

      Delete
  25. හිතවත් වෛද්‍ය රුවන්,

    මේ ඔබේම අවංක අදහස්;

    //මීට වසර ගනනාවකට ඉහතදී මම කැනඩාවේ සෙනෙකා කිං කැම්පස් හි අධ්‍යනය ලබන විට නෝත් යෝර්ක් ජෙනරල් රෝහලේ මානසික රෝග වාට්ටුවට ගියේ ස්ථාපනය සඳහාය​. මා ලංකාවේ වෛද්‍යවරයෙකු බව දැනගත් නෝත් යෝර්ක් ජෙනරල් රෝහලේ ජේෂ්ඨ මනෝ වෛද්‍ය ගෝරන් එරෙවැක් මා හට කාරුණිකව සලකා ඔහුගේ රෝගීන් බැලීමට මට ඉඩ දුන්නේය​. නමුත් ඔහුගේ එක් සහායක වෛද්‍යවරයෙකු වූ සුදු ජාතික තරුණ මනෝ වෛද්‍ය වරයෙකු මගෙන් තොරතුරු විමසන ගමන් " නුඹ ලංකාවෙන් නේද ? නුඹට තිබෙන්නේ තුන්වන ලෝකයේ වෛද්‍ය උපාධියක් යැයි සමච්චල් සහගතව කීවේය. මම නිරුත්තර වූයෙමි. ඔහු වැරදිය​. මට තිබෙන්නේ යූක්‍රයීනයේ සෝවියට් වෛද්‍ය උපාධියකි. ඒ කාලයේ සෝවියට් දේශය පළවන ලෝකයේ රටක් විය​. නමුත් මම ඔහු සමග වාදයට නොගොස් නිහඞ වූයෙමි. තුන්වන ලෝකයේ වෛද්‍ය උපාධි යැයි උපාධි වර්ගයක් තිබෙන බව ඔහු එදා මට පෙන්වා දුන්නේය​. //

    //යෝක් විශ්ව විද්‍යාලයේ එක් රූමත් සුදු සිසුවියක් විශ්වාස කල පරිදි ලංකාව වැනි තුන්වන ලෝකයේ රටවල මිනිසුන් ජීවත් වන්නේ මඩ් හට් වලය​. ඔවුන් ගේ ආයු කාලය උපරිමය වසර 42 සීමාවේ. මේ සිසුවිය ඔන්ටේ‍රියෝවෙන් එහාට අඩිය තබා තිබෙන්නේ යාබද ඇමරිකාවේ බෆලෝ නගරයට පමණි. ඒ ශොපිං කිරීම සඳහාය​. මෙයද එක්තරා ආකාරයේ භූගෝල විද්‍යාත්මක නූගත්කමක් බව මම සිතමි. //

    // මගේ රෝගියා විශ්‍රාමික යුද නිලධාරියෙකි. " මගේ අධෝ මාර්ගයට උඹගේ කළු ඇඟිල්ල දැමීමට ඉඩ දිය නොහැකියි " ඔහු තරයේ කීය​. මගේ මිතුරු එව්ගේනි පද්සූහා මම වෛද්‍ය සිසුවෙකු බවත් මේ පරීක්‍ෂනය අත්‍යාවශ්‍ය බවත් කීවද යුද නිලධාරියා තම ස්ථාවරය වෙනස් කලේ නැත​.//

    //මම උතුරු ඇමරිකාවේ වසර 10 ආසන්න කාලයක් ජීවත් වෙමි. ලංකාවෙන් බැහැරව ජීවත් වන අප දෙවන පන්තියේ පුරවැසියන් ද? මම මගෙන් අසමි. ඒ සමගම මට සිතට නැගෙන්නේ ලංකාවේ අප පළවන පන්තියේ කියාද යන්නයි. //

    ඉතින් ඔබ විසින් කැනඩාවට ගොස් එහි සිටිමින් ලාංකිකයන්ට "තුන්වන ලෝකයේ ඉංග්‍රීසි නොදත් ජඩයින්" ලෙස කීමට හේතුව විදේශය්න්හිදී සුදු වර්ගවාදීන්ගෙන් ලද මෙවැනි අමිහිරි අත්දැකීම් වලින් ලද මානසික පීඩනය බව මම යෝජනා කරමි.

    එමෙන්ම මේ අනෙත් කරුණයි;

    //නවක වෛද්‍යවරයෙකු ලෙස ලංකාවේ සේවය කරන විටද අපට සමහර අවස්ථා වලදී ප්‍රභේධකරනයන්ට මුහුණ දීමට සිදු විය​. අප විදේශ පුහුණුවලත් වෛද්‍යවරු වීම නිසා සමහර දේශීය වෛද්‍ය විශේසඥයන් අප කෙරෙහි අගතිගාමීව ක්‍රියා කරන ලදි.//

    // මීගමුව රෝහලේ නිතරම විදේශ පුහුණුවලත් වෛද්‍යවරුන්ට හිරිහැර අවමාන කරන වෛද්‍යවරයෙකු සිටියේය​. //

    //මේ හැර සමහර දේශීය වෛද්‍ය පීඨවල වෛද්‍යවරුද අපට හිරිහැර අවමාන කලහ​. මීට ඉහතදී කී ලෙසින් ග්‍රාමීය පාසල් වල ඉගෙනුම ලැබූ අඩු සමාජ ආර්ථික මට්ටමකින් පැමිනි දේශීය වෛද්‍ය පීඨවල වෛද්‍යවරු විදේශ පුහුණුවලත් වෛද්‍යවරුන්ට හිරිහැර අවමාන කරන බවට මට නිරීක්‍ෂනය වී තිබේ. මේ සඳහා ඉරිසියාව , හීනමානය , අඩු සමාජ නිරාවරණය, ග්‍රාමීය පසුගාමීත්වය හේතු කාරකයන් වන බව මම අනුමාන කරමි.//

    ඔබ ලාංකික වෛද්‍ය පීඨවල උගත් වෛද්‍යවරුන් සමග ගැටුම් ඇතිකරගන්නේ මේ නිසා නේද? මා ඔබට වරදක් නොකියමි. අප සියලු දෙනාගේ හැසිරීම් වලට "හේතු" තිබෙන බව පමණක් කියමි. එකඟද?

    ReplyDelete
    Replies
    1. @ AnonymousJanuary 10, 2017 at 1:36 PM විදේශ උපාධිධාරියෙකු වීම නිසා මිනිසෙකුට අසාධාරන ලෙස සැලකීම ඔබට සාධාරනීකරණය කල හැකිද ? මට ලංකාවේ වෛද්‍ය පීඨ වල හිතවතුන් බොහෝ වෙති. සමහර විට ග්‍රාමීය පාසල් වල ඉගෙනුම ලැබූ අඩු සමාජ ආර්ථික මට්ටමකින් පැමිනි දේශීය වෛද්‍ය පීඨවල වෛද්‍යවරු (හැමෝම නොවේ ) අපව පෙලන විට අප වෙනුවෙන් පෙනී හිටියේ දේශීය වෛද්‍ය පීඨවල කුල්ටූර් වෛද්‍යවරුය​. නම් වශයෙන් වූවද කිව හැකිය , පීරා, ගෝවි , ලිලිත් , සමන් , ග්‍රේෂන් , තෙන්නේ, යනාදී වශයෙන් නම් 100 පමණ කිව හැකිය​. මේ මගේ සහෝදරයන් බඳු මිතුරන් ය​. ඔවුන් සියළුදෙනා ලාංකික වෛද්‍ය පීඨවල උගත් වෛද්‍යවරු වෙති.
      එසේම ඔබ සඳහන් කරන පරිදි මම ලාංකික වෛද්‍ය පීඨවල උගත් වෛද්‍යවරුන් සමග ගැටුම් ඇති කර ගන්නේ නැත​. නමුත් අසාධාරනයේදී නැගිට සිටිමි.

      වර්ගවාදය ගැන ඔබ විසින් ලියන ලද දේවල් බටහිර ජීවත් වූ ඕනෑම ලාංකිකයෙක් අත්දකින දේවල් ය​. මම ලෝකයේ බොහෝ රටවලට ගොස් තිබේ , ජීවත්වී තිබේ. ඒ නිසා මේ වර්ගවාදී මෝඩයන් අතලොස්සක් නිසා මම සිත පීඩා නොකර ගනිමි. මම ඉතා උසස් මානුශික ගති තිබෙන සුදු මිනිසුන් සිය දහස් ගනනක් මේ බටහිර ලෝකයේ දී දුටුවෙමි.

      Delete
    2. තවත් එකක් මම විදේශ උපාධිධාරින්ට වන අසාධාරණ වලදී පමණක් නොව සහකාර වෛද්‍යවරුන්ට කරන අසාධාරණ වලදී පවා හඞ නගා තිබේ.

      Delete
  26. බොහොම සාරවත්ව ලියවෙච්ච තර්කානුකූල ලිපියක්.
    මගේ ලඟම ඥාතියෙක් ඒ කාලේ පන්ති පහට සහභාගී වෙලා තිබ්බ. අවසාන වැඩමුළුවේදී විජේවීර ඇවිල්ල සභාව අමතද්දී මගේ ඥාතියා අහපු ප්‍රශ්නෙකට මල පැනපු විජේවීර මගේ ඥාතියාට කියල තිබ්බ සහෝදරයා නැගිටලා එලියට යන්න කියල. ඒ කියන්නේ විජේවීර පක්ෂය ඇතුලේ විවේචන වලට ඉඩ තිබ්බේ නැහැ කියන එකයි. දනේශ්වර වැඩවසම් ක්‍රමයට එරෙහිව නිර්මාණය වෙච්චි පක්ෂයක් ඇතුලෙත් තවත් උප වැඩවසම් ක්‍රමයක් විජේවීර විසින්ම නිර්මාණය කළා කියන දේ තේරුම්ගන්න විජේවීරට බුද්ධියක් නැතිවුනා කියල මම පිළිගන්නේ නැහැ. මගේ කියවීම නම් විජේවීරත් යම්තාක් දුරට ක්‍රියාත්මක කරේ තමුන්ගේ ඔලුව ඇතුලේ තිබ්බ පුද්ගලික කෝන්තරයක් පිරිමපු එක කියලයි.

    අද වෙද්දී විජේවීර අනුගාමිකයින් බොහොම තර්කානුකුල මතවාද ගොඩනගමින් දේශපාලනයේ පෙරලිකාරයින් වෙලා උන්නත් කරේ තියන් ඉන්න විජේවීරව බිමින් තියනකම් ඔවුන්ටත් ඉන්නවෙන්නේ ඔය ඉන්න ලිඳ ඇතුලෙම තමයි කියලයි මගේ අදහස.

    ReplyDelete
    Replies
    1. විජේවීර පක්ෂය ඇතුලේ විවේචන වලට ඉඩ තිබ්බේ නැහැ///// 100 % true

      Delete
    2. අම්බලන්ගොඩ බයියා කියන විදියට එයගේ ඥාතියා ගේ නමවත් කියන්නේ නැහැ .ඇයි ඥාතියාව කවුරුවත් දන්නේ නැහැ.හැබයි ඒ බයියාව එලියට දාපු විජේවීර මේ රට හොද අතට වෙනස් කලා.විජේවීර හැමදාම ජීවත් වෙද්දී,අම්බලන්ගොදගේ ඥාතියා අපි කවුරුත් දන්නේ නැතුව මැරිලා ගියා නිකමෙක් වගේ. අම්බලංගොඩ බයියා ගේ ඥාතියෙක් නම් ඉතින් ඒ වගේම ගොන් කතාවක් කියන්න ඇති ෂුවර් එකටම .

      Delete
    3. //විජේවීර පක්ෂය ඇතුලේ විවේචන වලට ඉඩ තිබ්බේ නැහැ///// 100 % true//Trans Sylvania කියලා හොර නමකින් ඉන්න කෙනෙක් කියනවා.එහෙම 100% කියන්න ඔයාද විජේවීරට ටෝච් එක ඇල්ලුවේ ?

      Delete
    4. ඇයි අදාල ප්‍රකාශය සම්බන්ධයෙන් වාද නොකර වෙන අඩපාලි කියන්නේ ඔය බැතිමතුන්ට ඔය ගැටලුව හැමදාම තිබ්බා ඕක චින්තනයේ දුගී බව

      Delete
  27. ශ්‍රී ලාංකිකයෙකු ලෙස PTSD පිලිබඳ ඔබගේ දැණුම කැනේඩියානු යුද හමුදාවට ලබා දීම ද්‍රෝහී ක්‍රියාවකි

    ReplyDelete
    Replies
    1. මහත්මයා මම මගේ PTSD පිලිබඳ දැණුම කැනේඩියානු යුද හමුදාවට පමණක් නොව ශ්‍රී ලංකා යුද හමුදාවට , ඇමරිකානු යුද හමුදාවට පවා දීලා තියනවා යුද්දයෙන් ආතතියට පත්වූ මිනිසුන් සුව කිරීමට. මට හමුදාවන් අදාල නෑ. මිනිස්සු තමයි වැදගත්

      Delete
  28. විජේවීර ගේ හැසිරීමට හේතුව ඔහු ඉංග්ලිෂ් දන්නා කූල්ටූර් පොරක් නොව ගමේ බයියෙකු වීම විය නොහැකිද?

    ඔහු රුසියාවේ දී බයෝ කෙමිස්ට්‍රි ෆේල් වෙන්නේ සාමාන්‍ය පෙළ දක්වා පමණක් පාසල් අධ්‍යාපනය ලැබූ නිසා විය යුතුයි නේද?

    ReplyDelete
    Replies
    1. රසික මෙය ගැඹුරු ප්‍රශ්නයක් නමුත් මතුපිටින් බලන විට මඩක් වගේ පේන්නේ.

      1) විජේවීර ගේ හැසිරීමට හේතුව ඔහු ඉංග්ලිෂ් දන්නා කූල්ටූර් පොරක් නොව ගමේ බයියෙකු වීම විය නොහැකිද? //////// විය නොහැක ගමේ බයියන් වූවත් පසුව නිසි අධ්‍යාපනය ලබා , තමාගේ මානව ගුණාංග නැති නොකර ගත් උතුම් මිනිසුන් මම දැක තිබේ. විජේවීරගේ ගැටළුවට ඔහුගේ ග්‍රාමීය පසුගාමීත්වය සංස්කෘතික පසුගාමීත්වය තිබුණා. නමුත් මූලික කරුණු මගේ ලිපියේ තිබේ.

      2) ඔහු රුසියාවේ දී බයෝ කෙමිස්ට්‍රි ෆේල් වෙන්නේ සාමාන්‍ය පෙළ දක්වා පමණක් පාසල් අධ්‍යාපනය ලැබූ නිසා විය යුතුයි නේද? ////// නැත . සෝවියට් අධ්‍යාපනයේදී පද් එකේදී සාමාන්‍ය පෙළ සිට උසස් පෙළ රසායණික විද්‍යාව රුසියන් බසින් වසරක් තුලදී උගන්වනවා. විජේවීර බයෝ කෙමිස්ට්‍රි ෆේල් වෙන්නේ ඔහු බයෝ කෙමිස්ට්‍රි පාඩම් නොකොට මාක්ස්වාදී කෘති කියවීම නිසයි

      Delete
    2. රුවන්-

      ඉහත ප්‍රශ්න ද්වය මේ ලිපිය ගැන නැවතත් සිතීමේ දී මගේ සිතට නැගුණු ඒවා යි.

      "විජේවීරට මඩ ගසන්නට" මට අමුතු අවශ්‍යතාවක් නැත!

      Delete
    3. එහෙම මඩක් ගැන නොවේ මා කිවේ

      Delete
  29. /* තම උසස් අධ්‍යාපනය කඩාකප්පල් කිරීම පිළිබඳ පළි ගැනීම විජේවීර අවිඥානිකව කරන ලද්දේ ලංකාවේ විශ්ව විද්‍යාල වල අර්බුධ ඇති කිරීම මගිනි. මේ දක්වා විජේවීරවාදීන් විසින් නවක වදය.... */

    පදනම් විරහිත කතාවකි!
    LoL!

    ReplyDelete
    Replies
    1. ඉතා හොඳින් බලන්න විජේවීරවාදීන් නවක වදය නවත්වා දැමීමට කටයුතු කොට තිබේද ? අන්තරය නවක වදය කෙරෙහි දක්වන ආකල්ප මොනවාද ? ඔවුන් නවක වදයට (කටින් නොව ක්‍රියාවෙන්) පක්‍ෂද ? විපක්‍ෂද ? තර්කාණුකූලව සිතන්න

      Delete
    2. විජේවීර යනු මානසික රෝග ගනනාවකින් පෙළුන රෝගියෙකු බව පිලි නොගැනීම අනාගතයේදී ඔහුගේ සහචරයන්ට තව තවත් විනාශයන් ඇති කිරීම සඳහා කෙරෙන අනුබලයකි.

      Delete
  30. I would like to feed some of my personal experiences on some incidents & events mentioned in this dialog in order to enrich this analysis done by you.
    1) When I entered to the Faculty of Medicine in 1970 Dec. I believe JVP student movement (Samajawadi Sangamaya) honestly acted against ragging the new students (Navaka Vadaya). They initiated a new culture among the students which influenced positively even to my character.Many JVP members influenced by that Culture even now practicing a very simple life style even after they left the JVP ideology in the latter part of their lives.
    But I have no experience the attitudes of JVP % Samajawadi Sangamaya on student ragging after 1971 failed insurrection.
    2) I totally agree that RW is a good orator who can win over general public & younger inexperienced groups but not educated knowledgeable personalities.During 1971 I know personally in University Peradeniya non of the staff members were no the members of JVP but may be few sympathizers.In 1988 - 89 period there were some educated personalities but they also either Communal or romantic.
    I can accept Dr.Susil Siriwardana was only one who falls on this category.The other names you have mentioned Prof.Jayadewa Uyangoda, Prof.Gamini Samaranayaka,Prof.Gaminee Keerawella, Eng. Lional Bopage,Eng. K.Lional, Prof. Vijitha Nanayakkara, Senior Jaurnalist Victor Ivon,Lawyer Mahinda Jayawardana (bullet), Ex.Minister & Lawyer Mahinda Wijesekara, Jagath Siriwardana (Galewela Sira),Social Analyst Wasantha Dissanayaka (Podi Disda) World renowned Agricultural consultant Late Sarath Justin Fernando, Consultant Nihal Ananda Perera, Senior Journalist Sunanda Deshapriya,Dr. Richard Perera, Lawyer Bandula Udeni & many others including me were just students not professionals when we all heard R.W.s attractive speeches.As long as we all the frogs in the well, R.W. was the only hero of our world.But when they were exposed to the true knowledgeable community they all left the JVP shell.
    Nothing else " Lula nethi kalata Kanaya Pandithaya."
    But we must admire R.W. for his attractive stimulation to encourage & activate us to push the world towards a just society.
    In that sense his psychological disorder is not that bad.

    3. I must state my understanding on Patrick Fernando's action you have mentioned as a murder done by the motivation of R.W.It was done not because of anything just to protect the lives of the group who were retreating towards Wilpaththuwa after defeats in Kegalla area.I believe it was an action self defense not just murders.But I believe now even for self defense we must attempt as much as possible to avoid "harm'.(Himsa)
    Iluk Senararhna, Capton Senevirathna, Kagama Upasena & many others did robberies not just because of their blind faith oh R.W.but it was a activity to raise funds for the world revolutionary movement of that era.

    I hope These information will be useful to accomplish the study. - Dr.Raja Wijetunga.

    ReplyDelete
    Replies
    1. Dear Dr.Raja Wijetunga thank you for the vital info, I have met you in 2008 , my email is ruwanmjayatunge@gmail.com and pl contact me I am working on the 2nd edition of my book and wish to get an interview from you

      Delete
  31. විජයව මරන්න විජේවීර අණ දුන්නාද යන්න සමහරුන්ට සැකයක් වන්නේ එක අතකින් විජය යනු අවංක දේශපාලකයෙකු යන්න යටි සිතින් හෝ පිළිගන්නා නිසාත් ඔහුගේ ඝාතනය සැබවින්ම අපරාධයක් බව පිළිගන්නා නිසාත් සහ විජේවීර වැනි තවත් තමුන් අදහන කෙනෙකු එවන් මිනිසෙකුව ඝාතනය කලා යැයි පිළිගන්නට ඇති අකමැත්ත නිසා බව පෙනී යයි. එහෙත් මට ඇති අත් දැකීමක් වන්නේ 1987 කාලයේදී ඉන්දු - ලංකා ගිවිසුමට සහයෝගය දුන්නා කියමින් "විජය, කොල්වින්, කේ.පී. වාසු දේශද්‍රෝහීන්. දේශද්‍රොහීන්ට දඬුවම මරණයයි" යනුවෙන් රට පුරා පෝස්ටර් අලවා තිබීමයි. ඇත්ත වශයෙන්ම විජය කුමාරතුංග විසින් වයෝවෘද්ධ දේශපාලකයන් අරක් ගෙන සිටී සමසමාජ, කොමියුනිස්ට් පක්ෂ වලට පිළිගැනීමක් ලබා දෙමින්, නව සම සමාජ පක්ෂයේ තරුණ නායකයන්ද, ජේ.වී.පී. විරෝධී වාමාංශික ශිෂ්‍ය සංවිධානයක් වූ ස්වාධීන ශිෂ්‍යය සංගමයේ තරුණ කොටස්ද, උතුරේ වාමාංශික පක්ෂවල තරුණ කොටස්ද එකතු කරමින් පිහිටුවන්නට සූදානම් වූ එක්සත් සමාජවාදී පෙරමුණ තමුන්ට අනාගතයේ එළබෙන දරුනු දේශපාලන ප්‍රහාරයක් බව කල් තියාම තේරුම් ගත් විජේවීර විසින් එහි මුදුන් මුල වූ විජය කුමාරතුංගව ඝාතනය කිරීම ජේ.ආර්. හෝ ප්‍රේමදාස ඝාතනය කලාටත් වඩා ඔහුගේ සතුටට හේතු වූ කරුණක් බව එම ඝාතනයෙන් පසුව ඔහු නිකුත් කල කැසට් පටවලට සවන්දීමෙන් මම වටහා ගත්තෙමි.

    ReplyDelete
  32. ඔබගේ ලිපිය බොහොම අනර්ගයි. සාර්ථක ගවේෂණාත්මක ලිපියක්. දන්නෙ නැති ගොඩක් දේවල් දැනගත්ත. බොහොම ස්තුතියි

    ReplyDelete
  33. මේ විශ්ලේෂ්ණය මඩ ගැසීමේ චෙතනාව පෙරදැරි කරගෙන කර ඇති බව මට පේනවා

    ReplyDelete
  34. Dear Trance Sylvania.............Don't you know? Raja Wijethunga was a JVP leader. At 70 - 71 he managed to inject communist ideology to number of innocent youths and drive them to cemetery. May be later he ended his relationships with JVP. Patrick Fernando was one of his best friends. Letter Patrick formed another school of communism and not with JVP.

    ReplyDelete
  35. Bohoma sthuthi obata! Vijeweera gana mewani lipiyak kiyewwamai

    ReplyDelete

Appreciate your constructive and meaningful comments

Find Us On Facebook