Thursday, December 17, 2015

අසංග අබේසුන්දරයන් ගැන සටහනක්

 
මාගේ උසස් පෙළ සත්ව විද්‍යා ගුරුවරයෙකු වූ අසංග අබේසුන්දර මහතා අපට පන්ති පැවැත්වූයේ 1984 වසරේ දෙහිවල වෛද්‍ය පාරේ දේශන ශාලාවකය​. අධ්‍යාපන අමාත්‍යංශය ඕවර් හෙඩ් ප්‍රොජෙක්ටර් , රූපවාහිනි හා වීඩියෝ ඩෙක් අධ්‍යාපන කටයුතු සඳහා යොදා ගැනීමට දශකයකටත් පෙර  අසංග අබේසුන්දර මහතා මේ උපකරණ භාවිතා කරමින් සිසුන්ට ඉගැන්වීය​.අසංග අබේසුන්දරයන් ගේ පන්ති වලදී අපට මුද්‍රණය කරන ලද රූප සටහන් ලැබුණි.  අප පාසලේදී ඒවා අන් සිසුන්ට පෙන්වූයෙමු. සමහරු මේ රූප සටහන් පිටපත් කර ගත්හ​. සමහරක් මේ රූප සටහන් දෙන විට අපටත් එකක් වැඩිපුර ගන්න යැයි කීවෝය​. 

උසස් පෙළ විභාගයට මාසයකට පෙර අබේසුන්දර මහතා සියළුම පන්ති වල සිසුන් එකතු කරගෙන සුගතදාස ගෘහස්ථ ස්ටේඩියමේ පන්ති දෙක තුනක් පවත්වයි  එවිට සුගතදාස ගෘහස්ථ ස්ටේඩියම උසස් පෙළ සිසු සිසුවියන් ගෙන් පිරී යයි. එය අපට කානිවල් සමය සිහි ගන්වයි. සමහර විට අපගේ පාසලේ වානිජ විශයන් කරන කොල්ලෝද මේ සැනකෙලිය බැලීම සඳහා හොරෙන් සුගතදාසයට ආහ​. 

අසංග අබේසුන්දර මහතා මානව නම් මාසික පුවත් පතක් එළි දැක්වීය​. මමද එයට ලිපි කිහිපයක් ලිව්වෙමි. හේතුවාදය ගැන තර්ක කල අසංග අබේසුන්දර මහතා කවියෙකු බව බොහෝ දෙනා නොදනිති. එතුමාගේ තුංමන්සල හා පබාවතී යන කවි පොත් වල තිබූ කවි සමහරක් මට තාම මතකය​. එහි වූ එක් කවක් මෙසේය 

විරාමය මත නැගී 
බමණ ලොව දෙස බලමි 
එහි තිතක වූ තිතක 
තිතක් ලෙස ඔබ දකිමි. 

එම කවි පොතේ කාන්තා හිංසනය ගැන ලියූ කවියක් මෙසේය. 

අහස ඇඞුව අඳුරු රැයක​
කුරුළු කැලේ බංගලාවේ
මේට්ටෙක දුණු ඉකි ගහද්දි
යොවුන් බවෙන් සමු ගත්තෙමි. 

දෙපිට කැපෙන කුණුහරප විහිළු පාසල් සිසු සිසුවියන් ඉදිරියේ නොකොට ඉගැන්වීමේ දක්‍ෂතාව මත ජනප්‍රිය ගුරුවරයෙකු වන අන්දම අසංග අබේසුන්දරයන් මේ දශක ගනනාව පුරා පෙන්වා දී ඇත​. වචනයේ පරිසමාප්තියෙන් අසංග අබේසුන්දර මහතා දක්‍ෂ ගුරුවරයෙකි. ඔහුගෙන් ඉගෙන ගත් වෛද්‍යවරු බොහෝ දෙනෙකු මට ලංකාවේද පිටරටවලද හමු වී තිබේ. 

වෛද්‍ය රුවන් එම් ජයතුංග 

59 comments:

  1. //දෙපිට කැපෙන කුණුහරප විහිළු පාසල් සිසු සිසුවියන් ඉදිරියේ නොකොට ඉගැන්වීමේ දක්‍ෂතාව මත ජනප්‍රිය ගුරුවරයෙකු වන අන්දම අසංග අබේසුන්දරයන් මේ දශක ගනනාව පුරා පෙන්වා දී ඇත//

    හරි දුර්ලඟ ගුරුවරයෙක්

    ReplyDelete
    Replies
    1. ඔව් ඔහු දුර්ලභ ගුරුවරයෙක්

      Delete
    2. මමයි ඔහු ගේ පන්තියෙන් බිහි වුන පලවෙනි වයිද්යවරයා

      Delete
  2. හොඳ ගුරුවරයා සහ නරක ගුරුවරයා යන දෙදෙනාම කවදාවත් දරුවන්ගේ මතකයෙන් ඈත්වන්නේ නැහැ. නමුත් ඒ දෙදෙනා දරුවන්ගේ මනසේ ඉන්නේ ස්ථාන දෙකක.

    ReplyDelete
  3. කැරපොත්තා සහමුලින් ම අවසාන කරමු?

    ReplyDelete
    Replies
    1. කැරපොත්තා සමග සැන්දෑවක්

      Delete
  4. ගෙම්බා නොහොත් මැඩියා......
    84 85 වර්ෂ වල නුගේගොඩ රේල්වේ ඇවනියු හිදී හා කිරුලපන සීබල් මාවතේ මානව ශ්‍රවනා ගාරයේදී අසංග අබේසුන්දරයන්ගේ පංති වලට සහභාගී වූ ඒ සුන්දර අතීතය නැවතත් මතක් වුනා..
    ඇත්තෙන්ම අමතක නොවන ගුරුවරයෙක්

    ReplyDelete
  5. 84 A /L වලට මීයාත් තිබුණාද? 91දී තිබුණේ ගෙම්බා හා කැරපොත්තා විතරයි. දැන් ඒ දෙකත් අයින් කරලා නේද? zoo, Botney එකතුකරලා bio කියල විෂයක් හදල.

    ReplyDelete
    Replies
    1. 84-85 තිබුනේ ගෙම්බා හා කැරපොත්තා විතරයි

      Delete
  6. අපි A /L වලට ඉගෙන ගන්න කොට විශේෂයෙන්ම මකුණා ගැනත් ඉගෙන ගත්තා. මකුණා පොඩි උනාට ඉගෙන ගන්න දේවල් ගොඩයි

    ReplyDelete
  7. ටියුෂන් ගියේ නැහැ. ඒ නිසා දන්නේ නැහැ. කොහොමත් බයෝ කරපු කෙනෙක් නේ. මේ කියන විධිහට නම් හොඳ ගුරු භවතෙක්.

    ReplyDelete
  8. කුණු රසය වැපිරීමෙන් තොරව ටියුෂන් ක්ෂේත්‍රයට පැවැත්මක් නැති බව හිතෙන තරමට කුණු රසය හා ටියුෂන් එකට බැදිලා. විශේෂයෙන් විද්‍යාව විෂය උගන්වද්දි කුණු රසය විෂය හා සම්බන්ධ දෙයක් තරමට හිතන්න ළමයිනුත් දැන් පුරුදු වෙලා.

    ReplyDelete
    Replies
    1. කුණු රසය අවශ්‍ය නැති බව අසංග සර් ඔප්පු කරා

      Delete
  9. I am his first student to get selected to Medical College . I was in his first class of 13 students.

    ReplyDelete
  10. මගෙත් වඩාත් සිත්ගත් ටියුශන් ගුරුවරයා. රේල්වේ ඇවනිව් වල සුන්දර මතක. සෙමට්‍රි එක හරියේ තියෙන 'මානව ශ්‍රවනාගාරය' අසංගගෙ නේද? බුඩිස්ට් ලේඩීස් එකේ කරපු ග්‍රේරොත් එවකට ඒ වගේ. රෙජිනෝල්ඩ් තාමත් ඉන්නවාද?

    ReplyDelete
    Replies
    1. මානව ශ්‍රවනාගාරය' අසංගගෙ නේද?/// Yes
      රෙජිනෝල්ඩ් තාමත් ඉන්නවාද? ///No news
      ග්‍රේරොත් එවකට ඒ වගේ /// ග්‍රේරො සර් ගැනත් මම පෝස්ටුවක් දැම්මා

      Delete
    2. රෙජිනෝල්ඩ් ඉන්නේ පන්නිපිටියේ ලුවර් ජාතියන්තර පාසැල කරන්නේ රෙජිනෝල්ඩ්

      Delete
  11. Itha daksha guruwarayek.Me kavi déka file eke awasana pituwe thibu sati mathskai.

    ReplyDelete
  12. Excellent dedicated teacher & a good person. Wish him all the very best!

    ReplyDelete
  13. මමත් එතුමගේ සිසුවෙක් subject එක මතක නැතත් කවිය මතකයි.
    අහස හැඩුව අදුරු රැයක
    කුරුලු කැලේ බන්ගලාවෙ
    මෙට්ටෙක දුනු ඉකිගහද්දි
    යොවුන් බවෙන් සමුගත්තෙමු
    එදා ගතෙන් හැලුව කදුලු
    රතු පාටට ගැලුව කදුලු
    අප්පෙක් නැති පුතුගෙ නෙතින්
    අදත් ගලනවා..

    ReplyDelete
  14. මමත් එතුමගේ සිසුවෙක් subject එක මතක නැතත් කවිය මතකයි.
    අහස හැඩුව අදුරු රැයක
    කුරුලු කැලේ බන්ගලාවෙ
    මෙට්ටෙක දුනු ඉකිගහද්දි
    යොවුන් බවෙන් සමුගත්තෙමු
    එදා ගතෙන් හැලුව කදුලු
    රතු පාටට ගැලුව කදුලු
    අප්පෙක් නැති පුතුගෙ නෙතින්
    අදත් ගලනවා..

    ReplyDelete
    Replies
    1. ඒ කවිය ප්‍රබලයි

      Delete
  15. සිවුමංසල කොලූගැටයා #134:
    විචාරශීලී චින්තනයට ලොකු තල්ලූවක් දුන් පුංචි ‘මානව’
    http://wp.me/p3zUD-2pw

    ReplyDelete
  16. මමත් 84 දෙහිවල ඇම්ඩන් place එකේ සහ මානව ශ්‍රවණාගාරයේ අසංග සර්ගේ ක්ලාස් අවා. ඉතා සොඳුරු අතීතයක්, මගේ සහකාරිය මුලින්ම හමුවුනේ අසංග zoology class එකේදී. වටිනා ගුරුවරයෙක්, ඔහු නීරෝගිමත්ව බොහෝ කාලයක් ජීවත් වෙත්වා

    ReplyDelete
  17. he is living in kirulapona...colombo...still he is using his toyota starlet...9 sri3

    ReplyDelete
    Replies
    1. I remember this car its a blue color car

      Delete
  18. කොහොම අමතක වෙන්නද අසංග සර්ව. නිතර ආදරයෙන් සිහි කරමි. ඉස්කෝලේ ඇරිච්ච ගමන් ඉක්මනින් දුවන්නේ හොඳ තැනක් ක්ල්ල ගන්න විතරක් නෙමේ පන්තිය පටන් ගන්න කලින් දාන හොල්මන් කතාව බලන්න. සර් හොඳ කවියෙක් විතරක් නෙමේ කවි ලියන්න අපිවත් උනන්දු කළා. සටහන් පොතක පිටුපස මා ලියු කවියක් දැක ඉතාම අගය කොට දිගටම ලියන්නැයි කිවා. අදටත් හයිලෙවල් පාරේ ඉඳහිටක යන දවසක සිබල් ඇවනියු ලඟින් යද්දී අසංග සර් තවමත් පන්ති කරනවා ඇත්දැයි සිතෙනවා.

    ReplyDelete
  19. yes, he's a great teacher.we we're the backbenchers.now I'm a Doctor and a humble as he taught us.may God bless him.

    ReplyDelete
  20. yes, he's a great teacher.we we're the backbenchers.now I'm a Doctor and a humble as he taught us.may God bless him.

    ReplyDelete
  21. Sir clz patan gaddi mama ipadilath naa.. bt sir gana godak hodha dewal ahala thiyanawa... bohoma amaruwen sirge manawa srawanageredi dunna tute wagayakuth hoyagena baluwa.. warthmana biology guruwarayek widihata.. oba wani atheetha guruwarun kala kapaweemata magee upaharaya....

    ReplyDelete
  22. අනේ අපේ අසංග සර් ....ඔබතුමාට නිදුක් නිරෝගී චිර ජීවනය උදාවේවා ...[ඔහු කවියෙක් බව දැනගත්තේ අදයි ]

    ReplyDelete
  23. අපේ තාත්තත් සර්ගේ ගෝලයෙක් :D

    ReplyDelete
  24. මගෙත් ජීවන මඟට සහ දැක්මට ලොකු බලපෑමක් කරපු ගුරුවරයෙක්......ඔය කවි දෙක මටත් මතකයි.....91 ඒ.ලෙවල් කරද්දී අසංග සර් ගේ සීබල් ඇවනියු එකේ මානව ශ්‍රවණාගාරයට ගියේ........මහාචාර්‍යය කාලෝ ෆොන්සේක, වෛද්‍යය දියනාත් සමරසිංහ සහ මහාචාර්‍යය නන්දදාස කෝදාගොඩයන් මුළින්ම දැක ගත්තේ අසංග සර්ගේ මානව ශ්‍රවණාගාරයේ තිබ්බ මනෝ විද්‍යයා වැඩසටහන් වළදී..........මානව සඟරාව කෙසේ අමතක කරන්නද....? ප්‍රොජෙක්ටර් එකෙන් අපිට "ද ඩේ ආෆ්ටර්" ‍ෆිල්ම් එකත් පෙන්නුවා.......වචනයේ පරිසමාප්ත අර්ථයෙන්ම ගුරුවරයෙක්...එතුමාට දීර්ඝායුෂ පතමි........

    ReplyDelete
    Replies
    1. වචනයේ පරිසමාප්ත අර්ථයෙන්ම ගුරුවරයෙක්.///////////////// agree

      Delete
  25. Asanga sir wa mama kohediwath dekke na AL Walin passe...ethuma gana danna kenek kiyanna..Ohu aththama habey manussayek

    ReplyDelete
  26. NO WORDS A GREAT TEACHER IN CURRENT CONTEXT! MANJULA

    ReplyDelete
  27. කරුණාකර ගුරැ,ගුරුවරයා ,ගුරුතුමා ,ගුරුකම ,ගුරුකුළ යන වචන පහදා දෙන්න

    ReplyDelete
  28. මම උ පෙ ටියුශන් ගියේ නැත.
    ගියා නම් ගියේ අසංගගේ ආරම්භක පන්තියටය.
    ඒ එකල වෙන්ඩ ටික්කාගේ ඉල්ලීම පරිදිය.
    ඔලු ගණන වැඩිකර පෙන්වන්නය

    ඉහත Dayal මා නොවේ.

    ReplyDelete

Appreciate your constructive and meaningful comments

Find Us On Facebook