Monday, May 21, 2018

වේගය මරුවා කැඳවයි


2018 වසරේදී මම නිව් යෝක් හි ස්ටැටන් අයිලන්ඩ් සිට කැනේඩියානු දේශසීමා මායිම වෙත රිය පදවමින් සිටියෙමි.  අධි වේගී මාර්ගයේ වේග සීමාව සටහන් වී තිබෙන්නේ පැයට සැතපුම් වලිනි. නමුත් මාගේ මෝටර් රථයේ වේගය සඳහන් වන්නේ පැයට කිලෝ මීටර වශයෙනි එම නිසා මෝටර් රථයේ වේගය පැයට සැතපුම් වලට පරිවර්ථනය කරමින් මම රිය ධාවනය කලෙමි. මේ නිසා සමහර විට මම වේග සීමාවන් ඉක්මවාද ගිය බව කිව යුතුය​. මාර්ගය අද්දර ස්ටේට් ටෘපර්ස්ලා අධික වේගයෙන් රිය පදවන්නන් ගැන විමසිලිමත්ව සිටිති. වාසනාවකට මෙන් ස්ටේට් ටෘපර්ස්ලා මට මුණ ගැසුනේ නැත​. 

2016 වසරේදී ටොරොන්ටෝ වලදී   පැ.කි.මි 60 උපරිම වේගයෙන් යුතු මාර්ගයක පැ.කි.මි 81 වේගයෙන් රිය පදවා සුදු පොලිස් නිලධාරියෙකුට හසු වූයෙමි. එය මාගේ ප්‍රථම රථවාහන වැරැද්ද විය​. මීට පෙර වැරදි නොමැති නිසා පොලිස් නිලධාරියා මට ඉතා විනීතව කතා කොට දඩ කොලයක් නොදී අවවාද සටහනක් පමණක් දෙන ලදි. මේ නිසා මම වේගය ගැන නිබඳවම විමසිලිමත් වෙමි. 

1995 වසරේදී මාතලේ නුවර පාරේදී මම වාහනය වේගයෙන් ධාවනය කලෙමි. වාහනයේ මා සමග මගේ මිත්‍ර වෛද්‍ය සුජීව දහනායකද සිටි අතර මේ වේගය අප දෙදෙනාට විනෝදයක් වූයේය​. එහෙත් අනපේක්‍ෂිත ලෙස මහනුවරට කිට්ටුවදී පොලිස් නිලධාරියෙක් මගේ රථය නැවැත්වීය​. දඩ කොලයක් ලැබීම අනිවාර්‍ය බව අපට පෙනුනි. කෙසේ නමුත් අවසන් උත්සහය ලෙස අප දෙදෙනා මාතලේ රෝහලේ වෛද්‍යවරුන් බවත් අසාධ්‍ය රෝගියෙකුට ලේ ගෙන ඒම සඳහා මහනුවර රෝහලට යන බවත් කීවෙමු. එවිට පොලිස් නිලධාරියා " මහත්තයෝ ඔහොම වාහන එලෙව්වොත් අපිටත් ලේ දෙන්න වෙයි " කියා අප දෙදෙනාට යන්නට දුන්නේය​. 

2001 වසරේදී හලාවත රෝහලේ විශේෂඥ ශල්‍ය වෛද්‍ය බී.ජී.එන් රත්නසේන මහතා උතුරු කොලඹ මහ රෝහලට මාරු වී යන හෙයින් අප වෛද්‍ය රත්නසේන වෙනුවෙන් සමු ගැනීමේ සාදයක් සංවිධානය කලෙමු. ශල්‍ය වෛද්‍ය  රත්නසේන මහතා අප සමග ඉතා සහයෝගයෙන් වැඩ කලේය​. ඔහු ශල්‍යකර්ම කරන විට රස  කතා කියන්නෙකි.  ශල්‍යාගාරයේ සමහර හෙදියන්ට මම නම් තබා තිබුනි. පාසල් යුවතියක් බඳු කුඩා පෙනුමක් ඇති හෙදියකට මා ගැටමාන්න මිස් කියා නමක් දමා තිබූ අතර ශල්‍ය වෛද්‍ය  රත්නසේන එය ඇයගේ සත්‍ය නම යැයි සිතා " ගැටමාන්න මිස් මට ආටරි ෆෝසෙප් එකක් දෙන්න කියා කීවේය​. එවිට මේ කුඩා පෙනුමැති හෙදිය මදෙස බලා ඔරවමින් සර් මගේ නම xxxx කියා කීවාය​. තවත් කෙට්ටු පහේ හෙදියකට වෛද්‍ය රිස්වි විසින් කටුවපිටිය මිස් කියා නමක් තබා තිබූ අතර පසුව එම නම සහමුලින්ම රෙජිස්තර විය. වෛද්‍ය බී.ජී.එන් රත්නසේන මහතාද ඇයට සමහරක් විට කටුවපිටිය මිස් කියා කතා කලේය​. කෙසේ නමුත් උස බර ශරීර ප්‍රමාණය , හමේ වර්ණය පිලිබඳව පරිකථනය අශිෂ්ට ලෙස බටහිර ලෝකයේදී සැලකේ. මේ කාලයේදී අප ශිෂ්ටාචාරයට බොහෝ දුරස්ථ වූයෙමු. 

 අපෙන් වෙන්වී යන  වෛද්‍ය රත්නසේන මහතා වෙනුවෙන් උසස් ලෙස සාදය පිලියෙල කොට තිබුනි. අප අතර බොහෝ මතකයන් විය​. වරක් ශල්‍යාගාරයේදී වෛද්‍ය රත්නසේන තයිරොයිඩෙක්ටමි (තයිරියිඩ් ග්‍රන්ථිය ඉවත් කිරීමේ ශල්‍යකර්මය​) එකකට සූදානම් වෙමින් රෝගියාගේ ගෙල ප්‍රදේශය ස්ප්‍රීතු වලින් ශුද්ධ කරන විට මම රෝගියාව නිර්වින්දනය කිරීමට ලක ලෑස්ති වූයෙමි. මේ සඳහා මුලින්ම ඇට්‍රොපීන් කුප්පියක් අරින විට එහි වීදුරු ගෙල කැඩී  ඇට්‍රොපීන් විසි විය​. ඉන් බිංදු කීපයක් විශේෂඥ ශල්‍ය වෛද්‍ය බී.ජී.එන් රත්නසේන මහතා ගේ වම් ඇසට විසි විය​. අප සේලයින් දියරයෙන් රත්නසේන මහතාගේ ඇස සේදුවද වම් ඇසේ කණිනිකාව විස්තාර්ණය විය​. දකුණු ඇසේ වෙනසක් නොවීය​. එක ඇසක කණිනිකාව තාවකාලිකව විස්තාර්ණය වීම නිසා දෑස් නාභිගත කිරීමට නොහැකි විය​. මේ නිසා ප්‍රධාන ශල්‍යකර්ම සියල්ල එදින නවත්වනු ලැබීය​.  මෙය මගේ අත්වැරදීමකින් සිදුවූ දෙයක් වූවද  රත්නසේන මහතා මට කිසිවක් කීවේ නැත​. 

වෛද්‍ය රත්නසේන මහතාගේ  සමු ගැනීමේ සාදය උදෑසන තුන දක්වා පැවතුනි. අවසානයේදී සංවිධායකයන් ද විසිර ගියෙන් මමත් වෛද්‍ය ප්‍රියාන් සෙනෙවිරත්නත් හලාවත සිට කොලඹ බලා ඒමට සූදානම් වූයෙමු. ප්‍රියාන් මට කලින් පිටත්ව ගියේය​. මම හලාවත රෝහලේ සිට පුත්තලම කොලඹ මාර්ගයට අවතීර්ණ වූයෙමි. එහෙත් ප්‍රියාන් ගේ රථය පෙනෙන්නටවත් නැත​. 

මහා මාර්ගය පාළුය. කිසිදු වාහනයක් නොමැත​. මා ඉදිරියේ  පෙනෙන්නට ඇත්තේ කෙලින් ඇදෙන පුත්තලම කොලඹ මාර්ගයයි. කාක්කපල්ලිය පසු කල විගස මම රථය වේගයෙන් ධාවනය කලෙමි. මා ධාවනය කලේ ටොයොටා ටර්සල් වර්ගයේ ඩීසල් රථයකි. වේගය 130 දක්වා අධික වූ විට එලාම් එකක් වදින්නට විය​. එහෙත් එය ගනනකට නොගත් මා ප්‍රියාන් ගේ වාහනය හමු වන තෙක් අධික වේගයෙන් රිය ධාවනය කලෙමි. ඔහුගේ වාහනය මට හමු වූයේ වෙන්නප්පුව ආසන්නයේදීය​. ඉන් පසුව අප දෙදෙනා වෙන්නප්පුවේ නයිට් කඩයකට ගොඩ වැදී  ඉගුරු ප්ලේන් ටී දෙකක් බී යලි කොලඹ බලා ගියමු. 

එදින රාත්‍රියේ අධි වේගයෙන් රිය ධාවනය කිරීමෙන් මා සිදු කලේ අවදානම් ක්‍රියාවකි. මම සීට් බෙල්ට් එකක් පැලඳ සිටියේ නැත​. එසේම වාහනයේ එයා බෑග් එකක්ද නොවීය​. යම් ලෙසකින් හරස් මාර්ගයකින් වැලි ලොරියක් හෝ ටිපර් එකක් දැම්මේ නම් එය මගේ  අවසානය වන්නට ඉඩ තිබුනේය​.  මෙම සිදු වීමෙන් සති කීපයකට පසුව අධි වේගයෙන් ත්‍රී වීල් එකක් කොලඹ පුත්තලම මාර්ගයේ ධාවනය කල තරුණයෙකු ලොරියක ගැටී හලාවත රෝහලට ගෙන එනු ලැබීය​. ඔහුගේ දකුණු කකුල දණහිසට උඩින් දරුණු ලෙස තුවාලවී තිබුනි. පසුව ඔහුගේ ජීවිතය බේරා ගනු වස් කකුල කපා දැමීමට සිදු විය​. 

අංගොඩ රෝහලේදී විශේෂඥ මනෝ වෛද්‍ය නීල් ප්‍රනාන්දු මහතා යටතේ පුහුණුව ලබන කාලයේදී අපට එක් රෝගියෙකු පෙන්වනු ලැබීය​. ඔහු  මොලය තුවාල වීම මතකය අහිමි වී සිටි රෝගියෙකි. ඔහු තුවාල ලබන්නේ තමන් ගේ බිළිඳු දරුවා මුන්නේස්වරම් දේවාලයට ගෙන යන අතර මගදීය​. ඊට පෙර දිනයක මුළු රාත්‍රියම ඔහු තම මිතුරෙකු සමග මත් පැන් බීවේය​. නිදි විරහිත වූ ඔවුන් තමන් ගේ ත්‍රීවීලයේ නැගී බිරිඳ සහ දරුවා සමග උදෑසනම මුන්නේස්වරම් දේවාලය බලා පිටත් වූහ​. කාක්කපල්ලිය ආසන්නයේදී ත්‍රීවීල් රථය නවතා තිබූ ලොරියක ගැටුනු අතර බිලිඳා ත්‍රීවීලයෙන් විසිවී යන ලදි. බිලිඳා එම ස්ථානයේම මිය ගිය අතර ඔහුගේ හිස බරපතල ලෙස තුවාල විය​. බිරිඳගේ දෙපා වලට තුවාල සිදු විය​. මිතුරා තුවාල ලබා පසුව මිය ගියේය​. 

මීගමුව රෝහලේ බාහිර රෝගී අංශයේ සේවය කල කාලයේදී එතරම් දැන උගත්කමක් නැති යුවලක් බිළිඳෙකු ගෙනා අතර එම බිළිඳා දුටු විගසම බිළිඳා මිය ගොස් බව මට වැටහුනේය​. පුරුෂයා මෝටර් සයිකලය පැදගෙන යන විට බිරිඳ පසුපස සිට බිලිඳා වඩාගෙන සිටියාය​. වේගයෙන් යන මෝටර් සයිකලය නිසා බිළිඳාට හුස්ම ගැනීම අවහිර විය​. එහි ප්‍රථිඑලය ලෙස  බිළිඳා මිය යන ලදි. 



වේගය මරුවා කැඳවයි යන ප්‍රකාශය සත්‍ය බව මම විශ්වාස කරමි. 



වෛද්‍ය රුවන් එම් ජයතුංග 

Saturday, May 19, 2018

ඊලාම් යුද්ධයේදී ෆීල්ඩ් මාෂල් සරත් ෆොන්සේකාගේ දායකත්වය

ප්‍රභාකරන් ගේ එල්. ටී.ටී.ඊ සංවිධනය ලෝකයා භයානකම ත්‍රස්තවාදී සංවිධානය ලෙසින් වර්ධනය වෙමින් තිබුණි. බොහෝ හමුදා නිලධාරීන් , යුද විශ්ලේශකයන් , මෙන්ම දේශපාලකයන් ද එල්. ටී.ටී.ඊ සංවිධනය කිසි දිනෙක යුදමය වශයෙන් පරාජය කල නොහැකි සංවිධානයක් බව කීහ​. එහෙත්   ත්‍රිවිධ හමුදාව විසින් ප්‍රභාකරන් නසා දමා එල්. ටී.ටී.ඊ සංවිධනය මිලිටරිමය වශයෙන් පරාජය කරන ලදි. මෙම සටනේදී සරත් ෆොන්සේකාගේ භූමිකාව පෙන්වා දිය හැක්කේ කෙසේද ? 

යුද හමුදාපතිවරයා වශයෙන් ජෙනරාල් සරත් ෆොන්සේකාගේ යුදමය නායකත්වයද ප්‍රභාකරන් යුදමය වශයෙන් පරාජය කිරීම සඳහා අනවතරයෙන් බලපාන ලදී. ඊලාම් යුද්දය ජය ගැනීමට ඔහු දුන් දායකත්වය අති විශාලය. ජෙනරාල් සරත් ෆොන්සේකා සම කළ හැක්කේ ජෙනරාල් ජෝජ් පැටන් වැනි කඪෝර නමුත් යුද්දයේ දක්ෂ සේනා හසුරුවීමෙහි සමර්ථ සෙන්පතියෙකුට ය. ඔහු උතුරේ යුද මෙහෙයුම් මනාව දැන සිටියේය. කනිෂ්ට නිලධාරින්ට මෙහෙයුම් වලදී ඔහුට බොරු කිරීමට නොහැකි විය. ඔහු ප්‍රභාකරන්ගේ මර්මස්ථාන බිඳ දමන ක්‍රමය දැන සිටියේය. ඔහුගේ යුද උපක්‍රම ප්‍රභාකරන්ට විනාශය ගෙන ආවේය. 

එහෙත් සරත් ෆොන්සේකා යනු දීර්ඝ කාලයක් යුද අත්දැකීම් වලට නිරාවරණය වීම නිසා යුද අාතතියේ ලක්‍ෂණ පෙන්වන්නෙකි. ඔහු තුල පවත්නා හදිසි කෝපය​, චිතාවේගී අසමබරතාව, නිර්දය බව ,යුද්ධයේ දී  අනුකම්පා විරහිත වීම,  පලි ගැනීමේ යොමුව සියල්ලම සඳහා හේතුව ලෙස මෙම පශ්චාත් වියසන ක්ලමථ (PTSD) ලක්‍ෂණ බව පෙන්වා දිය හැකිය​. 

එක් අතකින් මෙම පශ්චාත් වියසන ක්ලමථ ලක්‍ෂණ නිසා සරත් ෆොන්සේකාට තම ඉලක්කය කරා යාම පහසු විය. සරත් ෆොන්සේකාට  ජෙනරාල් කොබ්බෑකඩුවට මෙන් සෞම්‍ය චරිත ලක්‍ෂණ තිබුනේ නම් ජන ඝාතකයෙකු වූ ප්‍රභාකරන් සහ  එල්. ටී.ටී.ඊ සංවිධනය විනාශ කිරීමට නොහැකි  වනු ඇති බව මගේ තක්සේරුවයි. අවසානයේදී ප්‍රභාකරන් හට තම අනූරූපිකයා මුණ ගැසුනේය​. ඉන් ප්‍රභාකරන් ගේ  ගේ අවසානය ලඟා විය​. 


වෛද්‍ය රුවන් එම් ජයතුංග 

Friday, May 18, 2018

යුද්ධයේ අතුරු කථාවක්


වෛද්‍ය රුවන් එම්. ජයතුංග

මම බස්රථයේ වාඩි වී සිටියෙමි. මහා මාර්ගයේ ඇති වළවල් නිසා වරින්වර ගැස්සෙන බස් රථය තුළ සුව පහසු කම අඩු වූවත්, වෙහෙස නිසා මගේ දෙනෙත් පියවි‚. මම සැබෑ ලොවින් සිහින ලොවට පිවිසුණෙමි. 

දැන් මා සිටින්නේ කෝප්‍රල් තේනුවර සමගයි. කෝප්‍රල් තේනුවර හොඳ සෙබලෙකු මෙන්ම හිත හොඳ මිනිසෙකි. අපි එකට අවි දරා සතුරා එනතෙක් සැඟවී සිටියෙමු. අපට ඉදිරියෙන් සාජන් මිත්‍රපාල සිටියි. ඈතින් දෙපස තවත් සෙබළු දෙදෙනෙකි. අප අතර තිබූ පරතරය නිසා කථා කිරීම හෝ සංඥා මගින් අදහස් හුවමාරුකර ගැනීම හෝ අසීරු කරුණකි. වෙනෙකක් තබා කථාකිරීම පමණක් නොව කිවිසුම් ඇරීම, කැහීම, නිදාගැනීම තහනම්ය. මේවා එකක් හෝ කර අසුවූවහොත් ලැඛෙන දඩුවම සාජන් මිත්‍රපාලගෙන් කනේ පහර කෑමය. 

කෙමෙන් කෙමෙන් අඳුර දැඩිවෙත්ම අපට දැණුනේ තනිකමකි. අවට මිත්‍ර කණ්ඩායමක් සිටින බව පවා දැණුනේ අඩු වශයෙනි. මදුරු කරදරය නිසා දෙකන් රතු වී ඇත. මුළු දවස පුරා බූට්ස් දමාගෙන සිටීම දෙපා රිදුම්කයි. මම ඛඵඨ අවිය දරා සිටියෙමි. සතුරා පිළිබඳ අවිනිශ්චිතතාව නිසා නිදිමත දැණුනේ නැත. මම බිම වැතිරී පඳුරුවලට මුවා වී කැලය දෙස බලා සිටියෙමි. මට මීටර් විස්සකට පමණ පසුපසින් කෝප්‍රල් තේනුවර සිටියි. ඔහුට මා නොපෙණුනනද ඔහු මගේ පසු පස සිටීමත් මට අස්වැසිල්ලකි. ක්ලේමෝව අටවාගෙන ඉදිරියෙන් සිටින සාජන් මිත්‍රපාල මගේ සිතේ ඇඳුණි. 

අපි පැය ගණනාවක් සතුරා එනතෙක් බලා සිටියෙමු. දැඩි පවස නිසා මා හෙමිහිට වතුර බෝතලයෙන් වතුර බිදක් බීවේ කිසිම හ~ක් නොනැගෙන ලෙසටය. ශරීරය සෙලවීම ඉතා සෙමින් කළ යුතු බැවින් වතුර උගුරු කිහිපයක් බීමට කාලය වැඩිපුර ගතවිණි. වතුර තිබහ නිවී යත්ම මට මුත්‍රා බර ඇතිවිණි. මට කළහැකි දෙයක් නැත. මෙම ඇඳ සිටි කලිසමේම මුත්‍රා පහවීමට ඉඩ හැරියෙමි. මගේ යට ඇඳුමේ සිට දුඔුරු කොල පැහැති නිල ඇඳුමේ කලිසම තෙමීයන පරිදි පිටවී ගිය මුත්‍රා පාර වියළී පස විසින් උරාගනු ලැබීය. මගේ නිල ඇඳුමෙන් දහඩිය හා මුත්‍රා මිශ්‍ර ගඳක් දැනේ. දිය නෑමට මා තුළ ඇතිවූයේ නොමද ආශාවකි. එහෙත්

ක්‍රියාන්විතයේදී ආශාවන්ට තැනක් නැත. අපගේ තීරණය වන්නේ නියෝගයයි. එම නියෝගය මත ගල්පිලිමයක් සේ මම නිසලව සිටියෙමි. එහෙත් මගේ දෑත අවිය දරා සිටියි. 

එදින සඳ නොමැති කළුවර රාත්‍රියකි. හොල්මන් හා අවතාර වලට මම බිය නැත. යුද්ධයේ දී මියගිය මගේ සගයන්ගේ භූතාත්ම මා වටා සැරිසරනවා විය හැක. එහෙත් ඔවුන්ට මා බිය නොවිමි. මා බියවූයේ සතුරාටය. එය සෑම සොල්දාදුවෙකුටම පොදු වූ බියකි. බිය නිසා අපි සතුරා කෙරෙහි විමසිලිමත්ව සිටිමි. එසේම සතුරා දුටුවිට පහර දෙමු. 

ඒ මා සමඟ පුහුණුව නිම කළ ජගත්, සිල්වා, සරණපාල, උස්ගොල්ලෑව යනාදීන් අතරින් මා සමඟ එකට සිටින්නේ කෝප්‍රල් තේනුවර පම‚. ජගත් පේසාලේදී වෙඩි වැදී මිය ගියේය. සිල්වා මුහමලේ දී ආටි ප්‍රහාරයකට හසුවිය. බිම් බෝම්බයකට අසුව මියගිය සරණපාලගේ කැබලිවී ගිය සිරුරු කැබලි මම සියතින්ම පොලිතින් වලින් වැසුවෙමි. උස්ගොල්ලෑව ක්‍රියාන්විතයේදී අතුරුදහන් විය. තේනුවර සහ මම තවම නිරුපද්‍රිතව ක්‍රියාන්විතයේ සිටිමු. 

පසුගිය නිවාඩුවට අප නුවර ගියේ එකටය. දිවා ආහාරය අප ගත්තේ චීන අවන් හලකිනි. හොඳට සප්පායම් වී සිටි අපි උස්හඬින් කථා කරමින් සිටියෙමු. මේ අතර ටේ්‍රල් බයිසිකල් වලින් පැමි‚ තරුණයන් තිදෙනෙක් බියර් බොමින් සිටි අතර හදිසියේම මා සමග වාදයක පැටලූනේය. ඔවුහු අපට පඩත්තර සොල්දාදුවන් යැයි අපහාස කළහ. කලබලයක් වීමට පෙර මම තේනුවර සමගින් අවන්හලින් පිටතට ආවෙමි. එවිට එම කණ්ඩායමේ සිටි තරුණයන් දෙදෙනෙක් මට පහරදීමට පැමි‚යහ. තේනුවර ඉදිරියට පැන ඔවුන් දෙදෙනාට පහරවල් දෙකක් දුන් අතර ඒ දෙදෙනා හතර ගාතයෙන් බිම වැටී කෙඳිරි ගාන්නට පටන්ගත්හ. අපි ත්‍රීවිලරයකට නැගගත්තෙමු. නුවර බස් නැවතුම්පළේ දී තේනුවර සමග වත්තේගම යන බස්රථයක් බලාපොරොත්තුවෙන් ඉදිරියට ඇදුනෙමි. 

ජයසිකුරු ක්‍රියාන්විතයේදී මගේ කකුළට වෙඩි වැදු‚. ලේ ගලා යාම නිසා මා මිය යතැයි බියක් දැනුණි. තේනුවර මා කරට ගෙන කිලෝමීටර් දෙකක්ටත් වඩා ඈතින් පිහිටි වෛද්‍ය ඒකකය වෙත ගෙන ගියේය. ඔහු නොසිටින්නට මා මළවුන් අතර විය හැක. 

වෛද්‍ය ඒකකයේ ඉටි කොළ මත තබා තිබුණ මළ සිරුරු දෙළහක් පමණ විය. ඉන් එක මළ සිරුරක් ස්ටාෆ් සාජන් පෙරේරාගේ බව මම හඳුනාගතිමි. වෙඩි ප්‍රහාරය නිසා ඔහුගේ හිස්කබල පැලී විශාල කුහරයක් සෑදී ඇති බව දුටිමි. එක ඇසක් දොට්ට පැන ඇත. ලේ වලින් නැහැවී තිබුණු මුහුනේ භයානක බැල්මකි. ඔහුගේ මුව ඇරිලාය. තොල්මත මැස්සෝ වසා සිටිති. ප්ලාස්ටික් බටයක් මුව තුළ රඳවා තිබුණු තවත් මළසිරුරක් මගේ නෙත ගැටි‚. ඔහුගේ මළ සිරුරේ කිසිම තුවාලයක් පෙනෙන්නට නැත. එහෙත් කොළ පැහැති හමුදා බැනියම වම් තනපුඩුව අසලින් ඉරී තිබේ. එතැනින් ලේ ස්වල්පයක් ගලා තිබි‚. ආටි ප්‍රහාරය නිසා විසිවී ගිය යකඩ කැබලි ඔහුගේ හදවත පසාරු කළා විය හැක. මෙවැනි මරණ මා යුද බිමේ දී දැක තිබේ. ලාබාල තරුණ සෙබලාගේ මුව තුළ තිබූ බටයේ වියලූණු ලේ දැකිය හැකි විය. ඔහුගේ තොල්වල කුහුඹුවන් පිරිලාය. තවත් මළ සිරුරක දෙපා සුණු විසුණු වී ගොසිනි. තුවාලවූ දෙපාවල මස් වැදලි එල්ලෙමින් තිබේ. කලවා යුගල පිලිස්සීම නිසා කළු පැහැවී තිබුනි.

මගේ තුවාලය පරීක්ෂා කළේ කපිතාන් වරයෙකි. ඔහු මට එන්නතක් දී වේදනාව අඩුකොට කකුලට තිරිංගයක් දමා රුධිර වහනය නතර කළේය. අනතුරුව මා ඇතුළු තවත් සොල්Þදුවන් කීපදෙනෙක් ට්‍රැක්ටරයක නංවා පලාලි රෝහල වෙත යවනු ලැබීය. ට්‍රැක්ටරයේ ටේ්‍රලරයේ වැතිර සිටින අප ගැස්සෙන විට ඇදුම්කන තුවාල නිසා ඉබේම කෙඳිරි ගෑවෙයි. එක් සෙබලෙකුගේ දෑස් බැන්ඩේජ් පටියකින් වෙලා තිබේ. ඔහුගේ මුහුණේ ඛෙල්ලේ පිළිස්සුම් තුවාළ තිබි‚. වේදනාව නිසා ඔහු පරුෂ වචනයෙන් කෑගැසීය. තුවාල ලැබූ බලලත් නිලධාරියෙකුගේ මුත්‍රා මාර්ග_යට සවිකළ බටයක් සහ මුත්‍රා පිරුණු පිලාස්ටික් බෝතලයක් ඔහු අතින් අල්ලාගන සිටියි. මුත්‍රා බෝතලය පිරී ඇත්තේ ලේ වලිනි. ඔහුගේ මුහුණ මගහරිනු වස් මම ඉවත බලා ගතිමි.

තුවාලකරුවන්ගෙන් පලාලි රෝහල පිරී පැවතිණි. ශල්‍ය ඇඳුම් ඇඳ සිටි වෛද්‍යවරු කලබලයෙන් ඒ මේ අත දිවයනු පෙනෙයි. ඒ අතරවාරයේ තුවාල ලැබූ කර්නල්වරයෙකු ගිලන් රථයක තබා ගෙන ආවේය. මම රෝහලේ පඩියක් මත වාඩිවී සිටියෙම්. මගේ තුවාලයෙන් දැන් ලේ වහනය නොවන හෙයින්ද, මගේ තත්ත්වය දැන් බරපතල නොවන බව මට වැටහිණි. එහෙත් රෝහලේ සති තුනක් මා නවතා ගන්නා ලදි.

තුවාල ලැබූ මා කරගසාගෙන පැමිනීම ගැන තේනුවරට මේවනතුරු මා ස්තූති කර නැත. අපි සොල්දාදුවෝ වෙමු. එම නිසා අප එකිනෙකාට ස්තූති කිරීම අවශ්‍ය නැත. අවශ්‍ය ඕනෑම මොහොතකදී අප එකිනෙකා වෙනුවෙන් ජීවිත පරිත්‍යාග කිරිමට වුවද සූදානමින් සිටිය යුතුය.

කෝප්‍රල් තේනුවර අළුතින් සාදන නිවසේ වහලය ගැසීම ලබන සතියට යෙදී තිබේ. ඒ නිසා ඔහු නිවාඩු යාමට සිටින බව මට කියා තිබුනු. ඒ හේතුවෙන් ලබන සතියම කාන්සියන් ගෙවී යනු ඇත. 

තේනුවර හා මම ජොනි බට්ටන්ට බියවීමු. එම නිසා අප තණකොළ මත පය තැබුවේ ප්‍රවේශමිනි. පයින් යන විට වාහන ගමන්ගත් ටයර් පාර උඩ පා තබන විට සුරක්ෂිත බවක් දැනේ. සතුරාගෙන් මුÞගත් භුමියේ ගමන් කරන විට අපි එකිනෙකාට අනතුරු අඟවා ගත්තෙමු. අපරික්ෂාකාරි ලෙස ගමන් ගත් නවක සොල්දාදුවෙකු ජොනී බට්ටෙකුට අසු වුයේ අප දෑස් ඉදිරිපිටදීය. කන් බිහිරි කරවන ශබ්දය හා දුමාරය සමග මස් වැදලි වලින් එල්ලෙන පාදය මම දුටුවෙමි. කම්පනය නිසා ඔහු නිහඩව වැතිර සිටියි. අවට බිම් බෝම්බ තිබිය හැකි නිසා අප ගියේ ප්‍රවේශමිනි. තේනුවර තුවාල ලත් සෙබලා ඔසවා ගත්තේය. මම ඔහුගේ අවිය අතට

ගත්තෙමි. වසරකට පමණ පසුව අපගේ රෙජිමේන්තු මූලස්ථානයේ දී මම ඔහු දුටුවෙමි. කෘත්‍රීම පාදයක් පැළඳ සිටි ඔහු මා හඳුනා නොගත් බව මට සහතිකය.

ආටි වැටෙන විට අපි වහාම බිම දිගාවෙමු. එවිට ධුලි සහිත පස් අපගේ ශරීරය පුරා විසිරී යයි. පිපිරුම් හඬ නිසා කන් අඩියෙන් ලේ ගලන්නාක් මෙන් දැනේ. අවිය අතට ගෙන අප ඉදිරියේ සිටින සතුරාට වෙඩි තැබුවෙමු. එහෙත් නිශ්චිතව සතුරන් කොතනක සිටින්නේ දැයි අපට නොපෙනේ. එහෙත් අපි නොනවත්තාම වෙඩි තබමු. 

වරක් ආටි ප්‍රහාරයකදී මට හා තේනුවරට පිහිට වූයේ විශාල නුග ගසකි. ආටිය වැටීම නිසා සීසීකඩ විසිර ගිය යකඩ කැබලි නුග ගසේ කඳට වැදී ගසේ පොතු පවා ගැලවී ගියේය. එහෙත් අප දෙදෙනා හිස පහත් කරගෙන නුග ගහ මුල ගුලිවී සිටියෙමු. මහා ධාරානිපාත වර්ෂාවක් මෙන් සතුරා මෝටාර් එවයි. තුවාල ලත් සොල්දාදුවන්ගේ කෙඳිරිලි හඬ යුද බිම පුරා පැතිරී ඇත. එහෙත් අපගේ වීර සෙබළු සතුරාට පහර දීමට ඉදිරියට යති. ආටි වැස්ස තුරල් වී ගිය වහාම අප දෙදෙනා සතුරා සොයා ඉදිරියට දිව ගියෙමු. 

කිලාලි වලදී එල්. ටී. ටී. ඊ. කණ්ඩායමක් සැඟවී සිට අපට පහර දු‚. අපි පෙරලා ප්‍රහාර එල්ල කෙළෙමු. ප්‍රහාර වලට මුහුණ දිය නොහැකිව ඔවූහු පලා ගියහ. පසුව කළ සෝදිසි මෙහෙයුමකදී ටී 56 අවි දෙකක් හා ප‚විඩ හුවමාරු යන්ත්‍රයක් සමග තුවාල ලබා සිටි එල්. ටී. ටී.ඊ. ළමා

සොල්Þදුවෙක් අපට හමුවිය. ඔහුගේ වයස අවුරුදු එකොළහක් පමණ විය. කොට කලිසමක් හා එල්. ටී. ටී.ඊ. නිල ඇඳුමට අයත් කමිසයක් ඇඳ සිටි ඔහුගේ උදරයට වැදුණු වෙඩි පහරින් බඩවැල් එළියට පැමිණ සිටි බව පෙනිණි. ළමයා දෙමලෙන් අපට යමක් කීය. —එය මා මරන්නට එපා ˜ යන්න විය හැක. ළමයාගේ දෙනෙත් බියට පත් හාවෙකුගේ මෙනි. මම ඔහුගේ හිස පිරිමැද්දෙමි. තේනුවර තම සෙබල වතුර බෝතලයෙන් වතුර ස්වල්පයක් ළමයාගේ මුවට දැමීය. පිපාසයෙන් පීඩිතව සිටි ඔහු ජලය පානය කළේ ශබ්ද නගමිනි.

ඔහුගේ ජීවිතය බේරා දීමට අපට අවශ්‍ය වුවත් ඔහු ලබා ඇති බරපතල තුවාල අනුව ළමා සොල්දාදුවාට දින දෙකක්වත් ජීවත් විය නොහැකියැයි මට සිතිණි. ඔහුව රැගෙන අපට නගර් කෝවිල් දෙසට ගිය නොහැක. ලැබී ඇති අණ පරිදි එළුතුමඩුවාල් දෙසට ගමන් කළ යුතුව ඇත. නගර් කෝවිල් බලා යන ට්‍රැක්ටරයක් හෝ තිබුණේ නම් ළමයා වෛද්‍ය ඒකකය වෙත යැවිය හැකිව තිබු‚. අප සිටින්නේ ශුෂ්ක භූමි ප්‍රදේශයකය. පෙනෙන තෙක් මානයේ මිතුරු වාහනයක් නැත. ඔහුගේ උරයේ තිබුණු බර ඇති මල්ල මා සෙමින් මුදා හැරියේ ඔහුට හුස්ම ගැනීම පහසු වනු පිනිසය. 

—මුගේ ඔළුවට එකක් තියලා යමු. මූට සනීප වුනොත් අපට ගහන්න ඍඡඨ අරගෙන එයි.˜ නවරත්න කීය. නවරත්න හමුදාවෙන් පළාගොස් පොදු සමාව යටතේ පැමි‚ අයෙකි. ලාන්ස් කෝප්‍රල් නිලයේ සිටි ඔහු දැන් නිලයෙන් පහත් කරනු ලැබුවෙකි. කෝප්‍රල් තේනුවර නවරත්නගේ

වචන වලට කුපිත වූයේ අනපේක්ෂිත ලෙසිනි. ඔහු නවරත්න දෙසට තුවක්කුවේ මිට අමෝරාගෙන පැන්නේ ඔහුට පහර දීමට මෙනි. මම වහාම මැදට පැන තේනුවර අල්ලා ගත්තෙමි. එම පහර වැදුණේ නම් නවරත්නගේ හක්ක කැඩී යනු නොඅනුමානය.

මෙතැන සන්ඩුසරුවල් කරගන සිටිය යුතු තැනක් නොවේ. සතුරා විසින් අප වටකරනු නිසැකය. අපගේ කණ්ඩායමේ සිටින්නේ අට දෙනෙකු පම‚. සාජන් හේරත් කණ්ඩායමේ සිටින්නේ නායකයා වුවද ඔහු එතරම් පළපුරුදු ඇති අයෙකු නොවේ. එම නිසා කණ්ඩායමේ නිළ නොවන නායකත්වය තිබුණේ මා හා තේනුවර අතය. අපගේ අද්දැකීම්වලට ඔවුහු ගරු කළහ.
—අපි දැන් යමු˜ මම දැඩි තීරණයක් ගතිමි. තුවාල ලත් ළමයා තනිකොට අපි ඉදිරියට ගමන් කළෙමු. එල්. ටී. ටී. සාමාජිකයන් විසින් ළමයාට ප්‍රතිකාර කිරීම සඳහා ගෙන ගියාද? නැතහොත් තුවාල නිසා ඔහු එම ස්ථානයේම මිය ගියාද? මම නොදනිමි. එහෙත් ළමා සොල්දාදුවාගේ වේදනාත්මක දෙනෙත් මට අමතක කළ නොහැකිය.

අඳුර දැඩිවී තිබේ. අපට දැනෙන්නේ තනි වී සිටින සෙයකි. කොයි මොහොතේ හෝ ටෙරා පැමිණෙනු නියතය. ක්ලේමෝව මානාගෙන සිටින සාජන් මිත්‍රපාලගේ රුව මා සිතේ ඇ`දිණි. 

එහෙත් සතුරා පසුපසින් පහර දුනහොත් කුමක් වේද? පසුපස සිටින්නේ තේනුවර පම‚. මාගේ වම් පාර්ශවයෙන් හා දකුණු පාර්ශවයෙන් මීටර් විසිපහක් පමන දුරින් තව සෙබළුන් දෙදෙනෙකු සිටියද ඔවුහු නවකයයෝ වෙති. හදිසි ප්‍රහාරයකදී ඔවුන් තැතිගෙන දිවගියහොත් සතුරාගේ උණ්ඩවලට ගොදුරු වනු ඇත. සාජන් මිත්‍රපාල සහ කෝප්‍රල් තේනුවර සිටීම හිතට ශක්තියකි. 

දරුණු ගති තිබුණද මිත්‍රපාල දක්ෂ සටන් සොල්දාදුවෙකි. ඔහු අපගේ පුහුණුවීම් වලදී අපට දැඩිලෙස පහර දුන්නේය. වරක් ඔහු බිම වැතිර සිටි මගේ පිට බූට්ස් වලින් පැගුවේ පිටේ තුවාල මතුවන ලෙසටය. දින කීපයකට පසුව පිටේ තුවාල පැසවා සැරව ගලන්නට විය. මට උණ ගැනිණි. මට ප්‍රතිකාර කළ වෛද්‍ය බලකායේ බලලත් නිළධාරියා පිටේ තුවාල ඇතිවූ අන්දම දැන සිටි අතර ඔහුට මගෙන් ඒ පිළිබඳව ප්‍රකාශයක් ලබාගැනීමට අවශ්‍ය විය. එහෙත් මම සාජන් මිත්‍රපාලව පාවා නුදුන්නෙමි. එහෙත් මිත්‍රපාලගෙන් ගුටි බැට කෑමේ අඩුවක් එම සිද්ධියෙන් පසුවද නොවීය. 
ක්‍රියාන්විත මෙහෙයුම් වලදී සාජන් මිත්‍රපාල මට හා තේනුවරට විශේෂ කැමැත්තක් දැක්වීය. එහෙත් ලාන්ස් කෝප්‍රල් ප්‍රනාන්දු ප්‍රහාරක කණ්ඩායමට වැද්ද නොගත්තේ ඔහු වරක් ඇම්බුෂ් එකේදී නිදාගෙන සිටීම අසුවීම නිසාය. ලාන්ස් කෝප්‍රල් ප්‍රනාන්දු ගංජා පානය කරයි. ඒ හැර ඔහු මදන මෝදකද හැපුවේය. බංකරයකට වී ගංජා සුරුට්ටුවක් උරමින් සිටි ලාන්ස් කෝප්‍රල් ප්‍රනාන්දු විනයාරක්ෂක භටයෙකුට අසුවිය. ප්‍රනාන්දුට විරුද්ධව චෝදනා ගොනුකිරීමට සැරසෙත්ම කෝප්‍රල් තේනුවරගේ බලවත් ඉල්ලීම අනුව විනයාරක්ෂක භටයා චූදිතයාට දැඩිලෙස අවවාද කොට නිදහස් කළේය. එහෙත් පසුව ප්‍රනාන්දුට තේනුවරගෙන් බැනුම් සංග්‍රහයක් ලැබු‚. දැන් ප්‍රනාන්දු ගංජා පානය කරන්නේ අප හැම දෙනාටම රහසිනි.

මධ්‍යම රාත්‍රියද පසුවිය. මදුරුවන්ගේ ගීත හා නිශාචර සතුන්ගේ ශබ්ද හැරුණු කොට සතුරා පිළිබඳ කිසිම හෝඩුවාවක් නැත. එහෙත් මම නොසෙල්වී විපරම් කළෙමි. උදෑසන එළිය වැටී එත්ම සාජන් මිත්‍රපාලගේ සං×ව මට ඇසුණි.
—කට්ටිය විඩ්‍රෝ වෙන්න ලෑස්ති වෙන්න˜ එම සං×වේ තේරුමයි. මම නියම්ත උපදෙස් පරිදි බඩගාමින් මිත්‍රපාල සිටි ඉසව්ව දෙසට ගියෙමි. ඒ සමගම දෙපස සිටි සොල්දාදුවන් දෙදෙනාට හා තේනුවරට කෑරලෙකු හ~න්නාක් මෙන් මුවින් මිත්‍රපාලගේ සං×ව ප්‍රතිරාව කළෙමි. දෙපස සිටි සොල්දාදුවන් පඳුරු පොඩිකරගන ඉදිරියට ගියේ පළපුරුදු බව අඩු වූ නිසා විය හැක. සාජන් මිත්‍රපාල ක්ලේමෝව හකුලාගනියි. ඒ සමගම කැලේ පොඩිකරගන තමන් දෙසට එන සොල්දාදුවන් දෙදෙනාට නොසරුප් වදනක් කීවේය. නවක සොල්දාදුවන් දෙදෙනාගේ දෑස්වල නිදිබර ගතිය දක්නට ඇත. අනිවාර්යයෙන්ම මොවුන් ඇම්බුෂ් එකේදී නිදාගන්නට ඇත. ඔවුන්ට තවමත් යුද්ධයේ භයංකාර තත්ත්වය සිතට කාවැදී නැති බව ස්ථීරය.

කෝප්‍රල් තේනුවර තවමත් නැත. ඔහු සිටියේ පසුපසින්ය. එම නිසා බඩගාගෙන ඒ මට ඔහුට කාලය ගතවෙනවා විය හැක. ඇරත් තේනුවර ශබ්ද නොනැගෙන සේ බඩගා යෑමට දක්ෂයෙකි. කොයි මොහොතේ හෝ ඔහු මෙතැනට පැමිණෙනු නිසැකය. 

තවත් අඩපැයක් ගෙවු‚. තවමත් තේනුවර දක්නට නැත. අප තුළ නොසන්සුන් කම ක්‍රමක්‍රමයෙන් වැඩිවී යයි. නවකයන් දෙදෙනා ඉදිරියේ රඳවා මා හා සාජන් මිත්‍රපාල තේනුවර සිටි ඉසව්වට ගියෙමු. මා ඉදිරියෙන් ගමන් කළ අතර මිත්‍රපාල මා පසුපස පැමි‚යේ සුපරික්ෂාකාරී අන්දමට සෑම පාර්ශවයක් දෙසම බලමිනි. දණක් උසට වැඩී ඇති පඳුරු හා කටුකම්බි බාධක වැනි කටුවැල් අපගේ ගමන අවහිර කළේය. පෙරදා රාත්‍රීයේ තේනුවර රුදී සිටියේ ගල්තලාවක් ආසන්නයේ බව මට හොඳින් මතක තිබු‚. මම ගල්තලාව දෙසට බඩගා ගියෙමි. 

මා දුටු දර්ශණයෙන් මගේ ශරීරයේ රෝම කූප පවා කෙළින් විය. කෝප්‍රල් තේනුවර උඩුකුරුව වැතිරී සිටියි. ඔහුගේ උගුරු දණ්ඩ තියුණු ආයුධයකින් කපා ඇත. වියළී ගිය ලේ දහරාව පසට උරාගෙන ඇති නිසා සුදු පැහැති වැලි සහිත පස රතු බොරළු පැහැයක් ගෙන තිබේ. ඔහුගේ අවිය හා ප‚විඩ හුවමාරු යන්ත්‍රය දක්නට නැත. මළ මිනියේ දෙනෙත් ඇරී තිඛෙන නිසා ඔහු හිස් බැල්මෙන් අහස දෙස බලා සිටිනවා වැනිය.

මගේ සිතට දැඩි කම්පනයක් මෙන්ම අධික බියක් ද දැනිනි. තෙනුවරට නින්ද නොගිය බව මට සහතිකය. ඔහු පළපුරුදු සොල්දාදුවෙකි. මීට පෙරද අපි ඇම්බුෂ්වල දී රැකවල්ලා සතුරාට පහරදී ඇත්තෙමු. තේනුවරගේ උගුරු දණ්ඩ කැපූ සතුරා තේනුවරටත් වඩා දක්ෂයෙකි. ඔහු ශබ්ද නොනැගෙන ලෙස බඩගාගෙන විත් තේනුවරගේ බොටුව කපාදමා ඇත. එහෙත් ඔවුන් අපට පහර නුදුන්නේ මන්ද? මදක් ඉදිරියට පැමි‚යේ නම් මගේ දෙපස සිටි සොල්Þදුවන් දෙදෙනාගේ ඛෙලිකපා යාමට ඔවුන්ට පහසු වෙන්ම ඉඩ ප්‍රස්ථාව තිබි‚. එහෙත් කුමන හේතුවක් නිසාදෝ ඔවුන් තේනුවර පමණක් මරාදමා ගොසිනි. 

මට ප්‍රථම වතාවට යුද බිම පිළිබඳව දැඩි බියක් සිත තුළ ජනිත විය. තේනුවර වැනි පළපුරුදු සොල්දාදුවෙකුට මෙවැනි ඉරණමක් අත්විය හැකි නම් අපගේ ජීවිත අතිශයින්ම අවදානම් බව වැටහිණි. මට සතුරා පිළිබඳව නැග එන කෝපය වචනයෙන් විස්තර කළ නොහැකිය. කෝප්‍රල් තේනුවර මගේ හොදම මිත්‍රයාය. අපි වසරගණනාවක්ම යුද බිමේ මෙහෙයුම්වල යෙදුනෙමු. එහෙත් දැන් ඔහු නිසලව වැතිර සිටියි. ඔහුගේ මරුවා මට හමුවූයේ නම් මම එම සතුරා පිහියෙන් කැබලි කර ගින්නෙන් පුලූස්සමි. මගේ කෝපය බුර බුරා නගින්නට විය.

මගේ මිතුරාගේ මළකඳ කොළ පැහැති හමුදා පොරෝනයකින් එතුවෙමි. ඉක්බිතිව මළ කඳ කරට ගතිමි. අප කඳවුර බලා ගියේ මග දෙපස සුපරික්ෂාකාරීව බලමිනි. තේනුවරගේ ජීවිතය බිලිගත් යක‍ෂයා මට මුණගැසේවායි මම දහස් වාරයක් පැතුවෙමි. 

කඳවුරේදී තේනුවරගේ මෘත ශරීරය පොලිතින් බෑගයක බහා පලාලි ගුවන්තොට බලා යන වාහනයක පටවන ලදි. මම නිහ~වම මගේ මිතුරාට සමු දුන්නෙමි. නැවත කිසිදිනෙක මට ඔහු දකින්නට නොලැඛෙනු ඇත. ක්‍රියාන්විතයේදී මිය ගිය තේනුවරගේ මිනිය මිනීපෙට්ටිය තුළ බහා තිඛෙන අයුරු මම මනසින් මවාගත්තෙමි. ඔහු නිළ ඇඳුම ඇඳ පෙට්ටියේ වැතිර සිටියි. ඔහුගේ නිළ ඇ`දුමේ වෙනÞ තිඛෙන පටි දෙක වෙනුවට පටි තුනක් දක්නට ලැබේ. දෑත්වල සුදු අත්

වැසුම් පළඳවා අත්දෙක පපුව මත තබා තිබේ. ඔහුගේ මුහුණ සුදුමැලිය. ඉහ ඉද්දර පොල්තෙල් පහනකි. තේනුවරගේ අවමංගළ්‍යයට සහභාගී විමට මට අවසර නැත. හෙට මා යළි ක්‍රියාන්විතයට යා යුතුය. මගේ සිත හිස් බවකින් වෙලී තිඛෙන අතර තේනුවර නැති අඩුව වැඩි වැඩියෙන් දැනේ. 

බස්රථය ගමනාන්තයට පැමිණ ඇත. මම යළිත් පියෙවි ලොවට පැමිණ සිටිමි. ගෙදර යාම සඳහා මිළට ගත් සිල්ලර බඩු මල්ල අතට ගත් මම බස් රථයෙන් බැස්සෙමි. යළිත් වරක් මගේ මනස යුද්ධ භූමිය පුරා සැරිසරන්නට විය.

කෝප්‍රල් තේනුවගේ මරණයෙන් පසු මම දැඩි මානසික කම්පනයකට මුහුණ දුන්නෙමි. ඔහුගේ මරණයට මා වගකිවයුතුය. ඔහු කි්‍රයාන්විතයේ දී මගේ ජීවිතය බේරාගත්තේය. එහෙත් මට ඔහුගේ ජීවිතය බේරා ගැනීමට බැරිවිය. ඒ සම්බන්ධයෙන් මම කිසි කලෙක මට සමාව නොදෙමි. තේනුවරගේ මරණයෙන් පසු ගත වූ සති කිහිපය මා ගතකළේ කෙසේද යන්න මට හරි හැටි මතකයක් නැත. මට නින්ද ගියේ නැත. මට නිතරම සිහිවූයේ උගුරුදණ්ඩ කපා තිබුණු තේනුවරගේ දේහයයි. ඔහුගේ දෑස මලානිකව අහස දෙස බලා සිටියි. උගුරේ වූ කැපුම් තුවාලය ගැඹුරුය. සුදු පැහැති බටයක් වැනි දෙයක් තුවාලය ඇතුළතින් පෙනේ. එය ඔහුගේ ශ්වාසනාලය විය හැක. මලකදේ තිබූ වියළි ලේ සුවඳ මට දැනුදු දැනේ. 

තේනුවරගේ මර‚න් පසු සුළු සුළු ක්‍රියාන්විත වලට මම සහභාගී වූයෙමි. ඔහු නැති අඩුව මට තදින්ම බලපායි. මට සිතෙන්නේ මා අනාරක්ෂිත බවය. එසේම ඔහුගේ ජිවිතය බේරා ගැනීමට නොහැකිවීම නිසා මා සොල්දාදුවෙකුවන්නේ කෙසේද? මා නිවටයෙකි. මම මිතුරා බිල්ලට දුන්නෙමි. මට සතුරා කෙරෙහි උග්‍ර කෝපයක් ඇතිවෙයි. 

තේනුවරගේ මරණයෙන් පසුව අප සතුරන් තිදෙනෙකු වෙඩි තබා මරාදමා ඇත. ඉන් එක් අයෙකු අත තියුණු වක් පිහියක්ද තිබු‚. මොහු තේනුවරගේ මාරයා විය නොහැකිද? වක්පිහිය අයිතිව තිබූ ත්‍රස්තවාදියාගේ මුහුණට මම තුවක්කු මිටෙන් ඇන්නෙමි. ඔහුගේ මළ සිරුර විකෘති කිරීමෙන් මා තිරිසන් සතුටක් ලැබූ බව නොරහසකි. ලූතිනන් සේනාරත්න මට බැණ නොවදින්නට මා ත්‍රස්තවාදියාගේ මළ සිරුර පෙතිගසා දමනු නිසැකය. 

තේනුවරගේ මරණයෙන් මාස තුනකට පසුව මා ඇතුළු අපගේ සෙබල ඛණ්ඩය මුරුක්කන් වෙත යවනු ලැබීය. මුරුක්කන්හීදී මා ඇතුළු සෙබලූන් ගමන්ගත් කැබ් රථය බෝම්බයකට අසුවීම මට අවාසනාව ගෙන ආවේය. කැබ් රථයේ පසුපස බක්කියේ සිටි මා ඇතුළු සෙබලූන් තිදෙනෙකු විසි වී ගොස් බිම වැටු‚. මගේ වම් අත කැඩී ගොස් ඇත. රථයේ ගමන් කරමින් සිටි කපිතාන් අජන්ත හා රියදුරු සාජන් ගමගේත් මියගොස් තිබු‚. වරින් වර සතුරා අපට වෙඩි තැබුවද පසුපසින් පැමි‚ හමුදා ට්‍රක්රථයේ සෙබලූන් බිමට පැන සතුරා සැඟවී සිටි ඉසව්වට වෙඩි තැබූහ. සෙබළුන් දෙදෙනෙකු විසින් වැටී සිටි මා වත්තන් කරගෙන විත් ට්‍රක්රථයට දමන ලදි. ඉන්පසු මට සිහිය නැති විය.

යළි සිහිය එන විට මා සිටියේ අනුරාධපුර රෝහලේය. මගේ වම් අත බැන්ඩේජ් පටි වලින් වෙලා තිබි‚. වේදනාව නිසා මා සිටියේ කෙදිරිගාමින්ය. හෙදියක් පැමිණ මට ඛෙහෙතක් විද්දාය. මගේ හිස කැරකෙන්නට වූ අතර මට කැඩී ගිය කැබ් රථය, කළු දුමාරය, කපිතාන් අජන්තගේ දෙකට කැඩී ගිය මළ සිරුර මතකයට නැගණි. ඒ අතර තේනුවරගේ මලානික දෙනෙත් අහස දෙස බලාසිටින හැටි පෙනේ. 

මම මාස එකහමාරක කාලයක් රෝහලේ රැදී සිටියෙමි. මගේ ශරීරයේ තුවාල සුව වුවද මනස දරුණු ලෙස තුවාල වී ගොසිනි. එය කවදා සුවවේදැයි මට නොතේරේ. මා ක්‍රියාන්විතයේ දහතුන් වසරක් සේවය කර ඇත. දැන් මගේ ශරිර ශක්තිය හින වී ගොසිනි. පෙරදා මෙන් මට මගේ සිතේ හයියක් නැත. මට නින්ද යන්නේ අඩුවෙනි. සුළු ශබ්දයකට වුවද මා තිගැස්සී ඇහැරෙයි. කොයි මොහොතක මා අසල ආටියක් පුපුරාවිද නැතහොත් මා ගමන් කරන වාහනය බිම් බෝම්බයකට හසුවේද ආදී වශයෙන් මට අහේතුක බියක් නිතරම දැනේ. රාත්‍රී නින්දේ දී මට මුරුක්කන්හී බිම් බෝම්බය හා තේනුවරගේ මරණය පෙනේ. එම දර්ශනය නිසා මා සිත බියෙන් ඇලලී යයි. එවිට මම අවදිවෙමි. මා රාත්‍රියට නින්දෙන් කෑගසන බැවින් අනෙකුත් සෙබලූන් මා දෙස බලන්නේ අව×වෙනි. 
බෝම්බයට අසුවීම නිසා මගේ වම් අතේ වැලමිටෙන් පහළ තුවාල කැලලක් තිබේ. යම් අයෙකු එම කැළල පිළිබඳව ඇසුවොත් මට මුරුක්කන්හී සිද්ධීන් මාලාව මතක්වෙයි. එම නිසා එසේ අසනවාට මම මුළුමනින්ම අකමැතිමි. එසේම කැබ් රථවල නැගී යාම මට බිය උපදවයි. නිර්භීත, බියයනු කුමක්දැයි නො ත් මා හට සිදුවූයේ කුමක්ද? රතිඤ්Ø කරලක ශබ්දයක්, දොරක් තදින් වැසෙන ශබ්දයක් මට බිය ගෙන දෙයි. එවිට මගේ බඩ හා පපුව දන්නට පටන් ගනියි. මා තුළ ඇතිවන තිගැස්සීම මටම පාළනය කරගත නොහැකිය. 

මා යළි පියවි ලොවට පැමි‚යේ වෑන් රථයක බ්‍රේක් පහර සමගය. නොදැනුවත්වම මා පාර මැදට ගමන් කර තිබේ. වෑන් රථයේ රියදුරුගේ බැනීම නිසා මට සිහි කල්පනාව ඒමත් සමගම බැනුම් ඇසීමෙන් මා තුළ කෝපයක් ඇති විය. ඔහුව බිම දමා පහර දෙන්නට මට සිතින. අපහසුවෙන් මගේ කෝපය මැඩ පවත්වාගෙන නිවස කරා පැමි‚යෙමි. 

තුවාලවීමෙන් පසු හොඳටම සුව වී තිබුණු නමුදු මා තුළ නොරිස්සුම් ස්වභාවයක් මතු වී තිබේ. තුවාල සුව වුවද හිතේ තුවාලය ඔඩු දුවා ඇතැයි මට සිතේ. දැන් සුළු කරුණකට වුවද මගේ කෝපය ඇවිස්සෙයි. එය පාළනය කරගැනීම අපහසුය. පසුගිය සතියේ බිරිඳ සමඟ ඉතා සුළු

බහින් බස්වීමක් කෙළවර වූයේ නිවසේ පිඟන් කෝප්ප පොළවේ ගැසීමෙනි. ඇතැම්විට මට සිහිනෙන් ඇවිදීමේ රෝගය සැදී ඇත්දැයි සිතේ. මම කිහිප වරක් නින්දෙන් ඇවිද ඇත්තෙමි. මා එවිට සිටින්නේ යථාර්ථයක් මායාවක් අතරය. හිටිහැටියේම ක්‍රියාන්විතයේ සිටින බවක් මට හැෙඟ්. මට වෙඩි ශබ්ද ඇසේ. සතුරාගේ කෑගැසීමේ හ~, හෙලිකොප්ටර් වල අවර පෙති කැරකැවෙන හ~ ඇසේ. එවැනි අවස්ථාවල මා සිටින්නේ සිටින්නේ සතුරා අපේක්ෂාවෙනි. මා ළඟට පැමිණෙන කාහට වුවද මගෙන් අනතුරක් සිදුවිය හැක. එම නිසා මා සිටින්නේ දැඩි බියෙනි. වරක් මා නො ණුවත්වම කුඩා දිය‚යගේ ඛෙල්ල මිරිකා ඇත. බිරිඳගේ අදෝනාව අසා පැමි‚ අසල්වාසින් නොසිටින්නට ඇගේ සිගිති උගුරුදණ්ඩ මගේ රළු අත්වලින් කැඩීයනු ඇත. එම හේතුව නිසා රාත්‍රියට මම තනිවම නිදාගනිමි. 

කඳවුරේ මම බොහෝ අපහසුතාවන්ට මුහුණ දෙමි. මා ෙජ්්‍යෂ්ඨ සොල්දාදුවෙකු නිසා ඔවුන් මට බැන නොවැදුනද මා බිලට් එකේ අනෙක් සොල්දාදුවන්ට කරදරයක් බව දනිමි. රාත්‍රි නින්දෙන් කෑගැසීම, සුළු හේතුවකට වුවද කෝපගෙන අන්‍යයන්ට පහරදීමට පෙළඹීම නිසා අනෙක් සොල්දාදුවෝ මා මඟහරිති. මගේ පසුපස සිට යම් යම් දෑ පවසති. එම නිසා කඳවුරේ ජීවිතයද මට රිසි නොවීය. 

මෑතකදී මම සිහිනෙන් බිය වුනෙමි. සතුරා මගේ බංකරයට පහරදීමට බඩගාගෙන එනු මට පෙනේ. ඉදිරියෙන්ම එන ත්‍රස්තවාදියා කොට කලිසමක් ඇඳ අතේ ගිනිඅවිය දරා මා වෙතට ඇදී එයි. ඔහුගේ පසුපස ඍඡඨ එකක් පිටේ බැඳගත් කොටි කෙල්ලෙකි. මම මගේ ඔ 56 අවිය ගෙන ත්‍රස්තවාදියාගේ හිසට එල්ල කොට ටිගරය තද කළෙමි. එහෙත් අවිය ක්‍රියා නොකරයි. මගේ සිතේ භීතිය උත්සන්න වෙයි. එවිට සතුරා ග්‍රනේඩ් බෝම්බයක් බංකරය තුළට විසි කළේය. මම කෑගැසිමින් බංකරයෙන් එළියට පැන්නෙමි. එහෙත් මා වැටී ඇත්තේ ඇෙඳන් බිමටය. මගේ කෑගැසීම නිසා කඳවුරේ අනෙක් සෙබළුන් පවා සතුරු ප්‍රහාරයක් සිදුවන බව සිතා සීරුවෙන් අවි දරාගත්හ. එහෙත් මා සිහිනෙන් බිය වූ බව වටහා ගත් ඔවුහු මට සමච්චල් කළහ. 

පසු දින සාජන් මේජර් මා කැඳවා අණදෙන නිළධාරියාට ඉදිරිපත් කරනු ලැබීය. මා මත්ද්‍රව්‍ය පාවිච්චි කරනවාදැයි ඔහු මගෙන් ඇසීය. එම ප්‍රශ්ණය මා තුළ ඇති කළේ තදබල කෝපයකි. මම සීරුවෙන් සිට නිළධාරියාගේ දෙනෙත් දෙස බලා මම කිසිදු මත්ද්‍රව්‍යයක් පාවිච්චි නොකරන බව කීවෙමි. ඔහු පසුදා මා යුදහමුදා රෝහලට යැවීය. 
රෝහලේ දී මා පරික්ෂා කළ වෛද්‍ය නිලධාරීන් මා ක්‍රියාන්විතය මගහැරීම සඳහා ව්‍යාජ ලෙසරෝග මවා පාන්නේ දැයි ඇසීය. එවිට මම මගේ ක්‍රියාන්විත රාජකාරියේ ඉතිහාසය ගැන කීවෙමි. වසර ගණනාවක් පුරා මා යුද පිටියේ සතුරාට එරෙහිව සටන් කළ අයුරු විස්තර කලෙමි. මගේ හිතමිත්‍ර කෝප්‍රල් තේනුවර ගැන කීවෙමි. අනතුරුව ඔවුන් මා පුනරුත්ථාපන අංශයට යැවීය. 

පුනරුත්ථාපන අංශයේ මා සමග කථා කළ වෛද්‍ය නිළධාරිනියට සෙබළුන්ගේ දුක් කරදර තේරුම් යන්නේදැයි මට කුකුසක් ඇති විය. ඇය නිළයෙන් උසස් වුවද ඇයට මගේ සිත තේරුම් ගැනීමට නොහැකි බව හොඳාකාරවම පැහැදිලිය. ඇය මට කථා කළේ සමච්චල් සහගත අවමන් වන අයුරිනි. මා වංචාකාරයෙක් යැයි ඇය චෝදනා කළාය. මා ඇයට හමුÞ ක්‍රමයට ආචාර කොට පිටවී ගියේ මගේ කෝපය ඉහළ ගිය බැවිනි. සෙබළුන්ගේ විවේකාගාරයේ දී මට කෝප්‍රල් බස්නායක හමුවිය. මා ඔහුට පුනරුත්ථාපන අංශයේ නිළධාරි‚ය ගැන කීවෙමි. ඔහු සුසුමක් හෙළිය. අනතුරුව ඇය විසින් ඔහුගේ නිදහස් ගමන් බලපත්‍රය අවලංගු කළ අයුරු කීවේ දෑසින් වැටෙන කඳුළු පිසÞගනිමිනි. කෝප්‍රල් බස්නායකගේ වම් පාදය ජොනී බට්ටෙකුට අසුවීම නිසා ඔහුගේ මහපට ඇඟිල්ල ඇතුළු ඇඟිලි දෙකක් කපා ඉවත් කෙරි‚. පාදයේ ඇඟිලි තුනක් පමණක් අහිමිව කකුල බේරාගැනීමට හැකිවීම නිසා ඔහු වාසනාවන්තයෙකු ලෙස හැඳින්වූවාට වරදක් නැත. එහෙත් ඔහු ඇවිදින විට නොන්ඩි ගසයි. ඔහු ගමන් කරන්නේ සැරයටියක ආධාරයෙනි. රට වෙනුවෙන් සටනට ගොස් පාදයේ ඇගිලි අහිමි වූ සෙබලෙකුගේ නිදහස් බස් ගමන් බලපත්‍රය අවලංගු කළ නිළධාරිණියක කෙරෙහි මට ඇති වූයේ තදබල අප්‍රසාදයකි. 

දැන් මා රාජකාරි කරන්නේ අවි නොමැතිවය. මට අවි නොදෙන්නැයි, නියෝගයක් පනවා තිබේ. සිතේ නැගඑන කෝපය නිසා මට කඳවුරේ අවි ගබඩාවෙන් අවියක් උදුරාගෙන දකින දකින සෑම පුද්ගලයෙකුටම වෙඩිතබා අවසානයේ දී මගේ යටිතල්ලට වෙඩි තබා ගෙන මිය යාමට සිතේයි. එවිට සිදුවන්නේ කුමක්ද? මා මිනීමරුවෙක් වෙයි. එවිට බිරිඳට හා කුඩා දිය‚යට යන කළ දසාව කුමක්ද? 

මට කඳවුරේ වාසය තිත්ත වී ඇත. හමුදාවෙන් පලාගොස් කුලී වැඩක් හෝ කරගෙන ඉන්නට ඇත්නම් එයද සහනයකැයි සිතේ. එහෙත් හමුදාවෙන් පළාගිය වහාම නිවසට පොලිසියෙන් පැමිණේ. එවිට අප්‍රසන්නතා වැලකි. මට දිවි නසා ගැනීමටද සිතේ. එවිට මගේ දරු පවුලට සියළු දීමනා නොලැබී යයි. අවිරහිතව සිටින මම සතුරු සීමාවට ඇවිද ගෙන යමි. එවිට ස්නයිපර්වරයෙකුට මා ගොදුරු වනු ඇත. එවිට ත්‍රස්ත ප්‍රහාරයකින් මා මියගිය බවට වාර්තා වනු ඇත. එවිට මගේ විශ්‍රාම වැටුප මගෙන් යැපෙන්නන්ට ලැඛෙනු නිසැකය.

එහෙත් එවැනි ලාමක ක්‍රියාවක් කරන්නේ කෙසේද? මම සොල්දා දුවෙක්මි. මම ක්‍රියාන්විතයේදී වීරෝධාර අයුරින් සතුරාට එරෙහිව සටන් කළෙමි. දැන් මම දැඩි ශාරීරික මානසික වෙහෙසට පත්වී සිටිමි. මගේ අපහසුතා කිසිවෙකු තේරුම් නොගන්නා බව සැබෑය. එහෙත් මට තණකොළ බුදිය නොහැක. මා කෝප්‍රල් තේනුවරගේ වර්ගයේ සොල්දාදුවෙක්මි. අභියෝගය හමුවේ නොසැලී ජීවිතයට මුහුණ දෙන සොල්දාදුවෙකි. මාගේ මියගිය සගයන් වෙනුවෙන් මා නිවැරදිව ජීවත් විය යුතුය. මා නිවසට ගොඩවූයේ නිදහස් වූ සිතිනි. මට දින දහයක නිවාඩුවක් ලැබී තිබේ. මම නිවාඩුව හැකිතාක් හොඳින් ගත කරමි. දවස් දහය අවසානයේදී අනිවාර්යයෙන්ම කඳවුරට වාර්තා කරමි

Thursday, May 17, 2018

යූතනේසියාව

 

මීගමුව රෝහලේදී මා හඳුනා ගත් එක් වෛද්‍යවරයෙක් සිටියේය​. ඔහු සේවය කලේ ළමා රෝග විශේෂඥ වෛද්‍ය ශාන්ති මාලා මහත්මියගේ වාට්ටුවේය​. වෛද්‍ය ශාන්ති මාලා මහත්මිය සහ ඇයගේ ජේෂ්ඨ වෛද්‍ය නිලධාරිනිය වාට්ටුවේ පොඩි පොඩි සාද තිබෙන විට මටද ආරාධනා කරති. වෛද්‍ය ශාන්ති මාලා මියට ප්‍රථම සිටි ළමා රෝග විශේෂඥ  වින්සන්ට් පෙරේරා මහතාද මා සමග කුළුපගව සිටි හෙයින් ළමා වාට්ටුව මට සුපුරුදු ස්ථානයක් විය​. එම නිසා මේ වාට්ටුවේ සිටි වෛද්‍යවරු සහ හෙදියෝ මා සමග මිතුරු වූහ 

මෙම වෛද්‍යවරයා ඉන්ටර්න්වරයෙකු ලෙස ළමා වාට්ටුවට ආවේය​. ඔහු ආනන්ද විද්‍යාලයේ ඉගෙනුම ලබා තිබූ නිසාදෝ අප අතර සුහදතාව වර්ධනය විය​. අප සේවා මුරයෙන් පසු නිතර හමු වූයෙමු. යම් කාලයක් ගතව පසු ඔහු මට යම් රහසක් නිරාවරණය කලේය​. මෙය ඇසූ මගේ සියොලඟ සලිත විය​. ඔහු කියූ පරිදි ඔහු විසින් උපතේදී බරපතල විකලතාවන් තිබෙන බිළිඳුන් කිහිප දෙනෙකු ඔක්සිජන් සැපයුම නවතා ඔවුන් මරණයට පත් කොට තිබේ. මෙය ඉතා බරපතල ක්‍රියාවක් බව මම ඔහුට කීවෙමි. එහෙත් ඔහු මා සමග තර්ක කලේ මෙමගින් දෙමාපියන්ට මෙන්ම සමාජයට මතු වන අනවශ්‍ය බර ඉවත් කිරීම මගින් ඔහු කලේ සමාජ සේවයක් බවයි. කෙසේ නමුත් ඒ කාලයේ ජීවිතය පිලිබඳව මම ගැඹුරින් කියවා සිටියේ නැත​. එහෙත් මෙම ක්‍රියාව වැරදි බව මගේ හදවත කීවේය​. එම නිසා මෙම ක්‍රියාවේ වැරැද්ද මෙන්ම වෛද්‍යවරුන් ලෙස අපට ජීවයක් නසන්නට නොහැකි බව මම පුන පුනා කීවෙමි. නමුත් ඔහු මගේ තර්කය බිඳ හෙලමින් මවකගේ ජීවිතයට හාණි විය හැකි අවස්ථාවකදී වෛද්‍යවරයා කළළය ගබ්සා කරන බව කීවේය​. එසේම උපත් සංකූලතා නිසා ඇවිදගත නොහැකි උග්‍ර  කායික මානසික  පසුබෑම් වලට ලක්ව සිටින බිලිඳෙකු නිසා දෙමාපියන් අත් විඳින පීඩනය ගැන කීවේය​.  මෙවැනි බිලිඳුන් නිසා සෞඛ්‍යය සේවාවන් දරණ අනවශ්‍ය වියදම් ගැන කීවේය​. ඔහු තදින්ම තම මතයේ සිටිමින් තමා කරන්නේ සමාජ සේවාවක් බව කීවේය​. අවසානයේදී මෙම වාදය අපගේ මිතුදම පළුදු කිරීම දක්වා දුර දිග ගියේය​. පසු කාලයක් ඔහු මට නොදන්වා විදේශ ගත විය​. ඉන් පසු ඔහු මට ලිපියක්වත් නොඑවීය​. ඔහු මගෙන් දුරස්ව ගියේය​. 

කෙසේ නමුත් පසු කාලයක මම ඔහුගේ ක්‍රියාව විශලේෂණය කොට බැලුවෙමි. මේ කාලයේදී කැනඩාවේ සෙනෙකා පාසලේ කිං කැම්පස් හි යූතනේසියාව හෙවත් අනායාස මරණය පිලිබඳ සිසුන් ඉදිරියේ දේශනයක් කිරිමට මට අවකාශ ලැබුනි. මේ නිසා මම වඩ වඩාත් ගැඹුරින් අනායාස මරණය පිලිබඳව කියවූයෙමි. මෑත ඉතිහාසයේ උපත් සංකූලතා තිබෙන බිලිඳුන් ඝාතනය කිරීම බහුලව සිදු කරන ලද්දේ නට්සි ජර්මනිය විසිනි. ඔවුන් බිලිඳුන් පමණක් නොව ඩවුන්ස් සින්ඩ්‍රෝමයෙන් පෙළුණු ළමුන් පවා මරා දැමූහ​. එසේම  ශාරීරික ආබාධිත තිබූ ළමුන් ද මරා දැමූහ​. නට්සීන් ගේ මෙම ඝාතන ක්‍රියාවලිය කරන ලද්දේ ජර්මානු වෛද්‍යවරයෙකු වූ වික්ටර් බ්‍රැක් විසිනි. නට්සීන් යුද්දයෙන් පරාජය වීමෙන් පසුව වෛද්‍ය වික්ට බ්‍රැක්ට එදිරිව නඩු විභාගයක් පවත්වනු ලැබීය​. නඩුවේදී වෛද්‍ය වික්ට බ්‍රැක් ප්‍රකාශ කලේ තමන් විසින් සිදු කලේ දෙමාපියන්ට මෙන්ම සමාජයටද සේවයක් බවයි.

වෛද්‍යවරයෙකුට උපත් සංකූලතා තිබෙන බිලිඳෙකු දෙමාපියන්ට හෝ සමාජයට බරක්  යැයි කියා ඝාතනය කල හැකිද ?  මගේ අදහස නම් වෛද්‍යවරයාට ඒ සඳහා නෛතික මෙන්ම සදාචාරාත්මක හැකියාවක් නැති බවය​. ​සමහර විට දෙමාපියන්ටද එවැනි ළමුන් බරකි. එහෙත් එවැනි ආබාධිත ළමුන්ටද ජීවත් වීමේ අයිතියක් තිබේ. 

1995 වසරේ ග්‍රාමීය රෝහලක ස්ථාන භාර වෛද්‍යවරයා ලෙස සේවය කල කාලයේදී  ගම්බද තරුණ යුවලක් විසින් ඔවුන් ගේ අවුරුද්දක් පමණ වයසැති එකම දැරිය මවෙත ගෙන එන ලදි. මෙම කුඩා ළමයා හයිඩ්‍රෝකෙෆල්ස් තත්වයෙන් හෙවත් මෂ්තිෂ්කයේ මස්තිෂ්ක සුෂම්නා තරලය අධික ලෙසින් එකතු වීමේ සංකූලතාවයෙන් පෙළුනාය​. මේ නිසා මතු වන අධි පීඩනය නිසා ඇයගේ හිස් කබල කල ගෙඩියක් මෙන් විශාලව තිබුනාය​. දෙමාපියන් දරුවා ගේ හිස තුවායකින් වසාගෙන ආවෝය​. 

 ළමයාගේ තත්වය නිසා ඔවුන්  ආර්ථිකව මෙන්ම සමාජීය වශයෙන් පීඩා විඳින බව පෙනෙන්නට තිබුනේය​. මෙම ළදරුවාගේ  පෙනහළු ආසාදනය වී තිබෙන බව වෙද නලාව  තිබූ විගස මට ප්‍රත්‍යක්‍ෂ විය​. ළදරුවාව වහාම මහ නුවර රෝහලට ගෙන යා යුතු බව මම කීවෙමි. එහෙත් පියා ඊට දැක්වූයේ උකටලී ප්‍රතිචාරයකි. සමහරක් විට පෙනහළු ආසාදනය වැඩිවී ආබාධිත ළදරුවා ගේ මරණය ඔහු රහසින් අපේක්‍ෂා කලා විය හැක​. මම වෙද නලාව බිළිඳිය ගේ පපු ප්‍රදේශය මත තබත්ම ඇය විශාල හිස හරවා මදෙස බලා සුරතල් ස්වරයක් නිකුත් කලාය​.  දෙමාපියන් මෙන්ම  සමාජය විසින් ප්‍රත්ක්ශේප කරන මේ ආබාධිත ශරීරය තුල  අහිංසක බිලිඳෙකු සිටින බව මට වැටහිනි. මම මට හැකි පරිදි බිළිඳියට  විශේෂ ප්‍රතිකාර අවශ්‍ය බව දෙමාපියන් සමග කීවෙමි. එහෙත් ඔවුන් ප්‍රතිචාරයක් නොදක්වා යන්නට ගියහ​. ඉන් පසු මේ බිළිඳියට  කුමක් වූයේද කියා මා නොදත්තෙමි. 

වෛද්‍ය ඇන්ඩ්‍රේ බොර්කියූ අනායාස මරණයට එරෙහිව සටන් කල කැනේඩියානු වෛද්‍යවරයෙකි. ඔහු ජීවත් වූයේ කුබෙක් ප්‍රාන්තයේය​. මට වෛද්‍ය ඇන්ඩ්‍රේ බොර්කියූ හමු වීමේ අවශ්‍යතාවක් තිබුනේය.  මම මොන්ට්‍රියොල් වෙත කිහිප වතාවක් ගියද මට වෛද්‍ය ඇන්ඩ්‍රේ බොර්කියූ හමුවීම අතපසු විය​. ඔහු 2012 වසරේදී මිය ගියේය​.  වෛද්‍ය ඇන්ඩ්‍රේ බොර්කියූ  කියූ පරිදි වෛද්‍යවරුන් විසින් නැසිය යුත්තේ රෝගය මිස රෝගියා නොවේ. 

වෛද්‍ය රුවන් එම් ජයතුංග 

Find Us On Facebook